Изменето од Valerija - 26.Март.2019 во 09:59

Приватни рајски острови кои можете да ги изнајмите за вашиот следен одмор

Планирањето на патување со пријателите е секогаш забавно, затоа што покрај тоа што уживате во морските бранови и сончевите зраци, тоа го правите заедно со луѓето кои ви се најблиски и со кои знаете дека ќе си поминете убаво.

Што ако имате можност тоа да го направите на некој приватен остров во ресорт каде ќе се чувствувате како да сте единствените луѓе на копното?

Би можело да се каже дека тоа е како мини семејство „кое доживеало бродолом“ како семејството Робинзонови, па сега можете да уживате на својот приватен остров.

Такви места постојат и на нашава планета, тргнувајќи од некои од Бахамските Острови, па се до некои од француските острови на кои ако ви е доволно широк џебот, можете да го планирате вашето идно летување.

Ако не, потонете во сладок сон – приватен луксузен остров само за вас:

1. Островот Calivigny

Во овој ресорт има 25 апартмани каде една ноќ чини 124.000 долари. Мебел во француски стил и кревет доволно голем за да пружи неверојатно доживување и квалитетен сон. Доволно големи соби во кои има џакузи и можност за изнајмување на јахта. Доколку некој сака да се релаксира во природа, по заоѓањето на сонцето може да ужива и во мини кино додека се лади во базен или да замине на прошетка.

2.Островот Musha Cay

Овој остров е дел од Бахамските острови Exuma Cay, а него го поседува познатиот илузионист Дејвид Коперфилд кој во 2006-та платил 50 милиони долари.

Тука еден апартман чини 57.000 долари од ноќ, во 4 посебни куќи. Англиски инспириран мебел од махагони дрво. Тука не може да ви биде досадно, бидејќи постои голем избор на забавни активности во вода или на копно, а доколку сакате, можете да испланирате романтична вечера со партнерот.

3. Островот Thatch

Тука има само една колиба која е идеална за парови, а чини 914 долари од ноќ. Самата колиба има само една спална соба и прилично едноставен стил на уредување, со надворешна кујна и камена скара доколку сте подготвени за готвење на вкусна риба или скара под ѕвезденото небо.

Можете да кајакарите или да пловите, а на крајот од денот да дегустирате вино на палубата.

4. Островот Melody Key

Тука не само што имате можност да уживате, туку тоа да го правите и во еколошки подготвена средина. Целата вила е обложена со соларен систем за струја и вода.

Една вечер тука чини $1.250 долари, а вилата собира 10 луѓе. Секоја од 4-те соби има свој приватен балкон, а заедничка дневна и трпезарија со поглед кон океанот.

5. Островот East Sister Rock

Тука една ноќ чини $6.500 долари,а до островот можете да пристигнете со брод или хеликоптер. Можете да уживате во панорамскиот поглед и буквално да се чувствувате дека сте единствени на островот, бидејќи тој е доволно голем за само една колиба.

Изменето од Valerija - 22.Септември.2015 во 22:15

Изменето од Valerija - 18.Мај.2018 во 15:32

Вистинско уживање на Фиџи

Петте најскапи острови

Дали отсекогаш сте посакувале да имате ваш сопствен остров? Место каде што ќе можете да се изолирате и да се опуштите во комплетна приватност, или да ги приредувате најдобрите забави без вашиот сосед да се жали за гласната музика. Епа ако на вашата сметка имате неколку милиони, тогаш еве неколку предлози.

10. 28 милиони долари - Bird Cay, Бахами

Овој остров во Бахамите со површина од 101 хектар се наоѓа на 30 минути со авион од Насау. Островот има голем број песочни плажи, беспрекорен поглед на океанот и хортикултурно уредени патеки низ тропската флора. Главната резиденција на островот е историска двоспратна куќа со базен. На островот има и гостинска куќа како и пет колиби крај брегот.

9. 28 милиони долари - Agria Trias, Грција

Островот Agria Trias/Aghia Triada се наоѓа во близина на Атина. На островот има голем број овошни дрва и неколку градби, меѓу кои е и главната куќа, неколку куќи крај плажите, куќа за персоналот, па дури и црква.


8. 35 милиони долари - Островот Cerralvo, Мексико
6. 39 милиони долари - Островот Charles, Бахами

Островот Чарлс, повторно на Бахамите, како што можете да видите од фотографијата, се наоѓа блиску до Spanish Wells, значи секогаш ако ви притреба, помошта никогаш нема да е далеку. Островот е снабден со електрична енергија и вода, што значи дека е подготвен за било кој тип на градба што ќе ја избере идниот сопственик.

5. 40 милиони долари - Motu Tane, Бора Бора, Француска Полинезија

Можеби не припаѓа на оваа листа бидејќи веќе не се продава, но сè уште можете да го изнајмите. Ако неговата поранешна цена од 40 милиони ви била превисока, сега вие и вашите пријатели можете да го изнајмите островот за многу помалку пари. Островот се изнајмува за минимум три дена, и почетната цена е 30000 долари од ноќ за првите 8 луѓе, но ако сакате повеќе гости ќе платите повеќе. На островот има комплекс од неколку колиби опремени со плазма телевизори, неверојатни трпезарии и луксузни бањи, луксузниот остров е идеално место за опуштање во комплетна приватност.

4. 45 милиони долари - Островите Hans Lollik, Американски Девствени Острови

Одлично место за развивање на недвижен имот, овие острови се наоѓаат на само 2,5 километри од островот Св. Томас и нуди плажи, одличен поглед, шуми и идеални места за риболов. Совршеното море околу островот се идеални за секој кој сака пливање и нуркање.

3. 65 милиони - Одморалиштето Caye Chapel, Белизе

Уште еден остров кој повеќе не е за продажба. Можеби забележавте по „Одморалиште“ во името, овој остров бил продаден за 65 милиони пред неколку години и на него било изградено неверојатно луксузно островско одморалиште. Островот се наоѓа на околу 19 километри од Белизе, и на него има терен за голф со 18 дупки, марина, писта, бар, ресторан и конференциски сали, базени, и нормално мног, многу плажи. Луѓето кои доаѓаат тука на одмор добиваат сместување во луксузни вили. Одморалиштето исто така овозможува учество во разни активности како: риболов, кајакарство, едрење, одбојка, кошарка и многу други. А оние кои се подготвени да го напуштат островот можат да ги посетат локалните остатоци од културата на Маите, како и многу други работи кои може да ви ги понуди Белизе.

2. 100 милиони долари - Островот Ronde, Гренада

Сместен во најпознатиот тропски рај, Карибите, островот до неодамна беше кралот на сите приватни острови со највисоката цена, но беше турнат од највисоката позиција. За вашите пари овде ќе добите 809 хектари рај, во основа мала земја. Богатата природа е вистинско чудо, под водата има видливост од околу 30 метри, разновидна морска флора и фауна, како и пештери украсени со сталактити и кварцни кристали до кои се стигнува само со пливање.

1. 310 милиони долари - Островот Lisabon, Португалија

Овој остров е буквално пред вратата на Лисабон, и има површина од 1214 хектари. Постојат гласини дека на островот ќе бидат изградени луксузен голф терен и резиденции, бидејќи има голем потенцијал за развој, и е необичен поради тоа што е комплетно неразвиен а се наоѓа толку блиску до густо населен град. Островот најверојатно ќе биде купен од повеќе инвестори кои би го развиле како што ќе посакаат.