Островот Ram
Место: Machias Bay, Maine, 60 километри источно од Bar Harbor
Цена: 595 000 долари
Површина: 16 ари
Едно дрво, неколку овци, 6 на 6 метри платформа за шатор. Останатото е трева, карпи и 360 степени поглед на море.

Островот на Чарли
Место: Блиску до Marathon, во Florida Keys
Цена: 995 000 долари
Површина: 0,32 ари
Отворен простор нареден со место за седење, и место за готвење, но островот доаѓа и со мала куќичка во која собира 4-5 луѓе.

Островот Snug Harbour
Место: Georgian Bay, Ontario, Canada
Цена: 1 057 000 долари
Површина: 3 ари
На два часа возење од Торонто, овој остров има куќичка со 2 спални, 2 бањи и поглед на море, одвоена куќа за гости со бања, џакузи изградено во камења, дури и безжичен интернет.

Островот Watch  
Место: St. Lawrence Seaway, блиску до Clayton, NY
Цена: 1 950 000 долари
Површина: 1,3 ари
Куќа со 10 соби за спиење, 4 бањи, куќичка за чамци и палуба. Сето тоа на час и половина возење од Монтреал.

Little Hog Cay
Место: Блиску до Abacos, Северни Бахами
Цена: 1 950 000 долари
Површина: 25 ари
Приметете ја лагуната која го дели островот на источен и западен. На западната страна има куќа, со гостинска куќа и со генератор за струја, додека источниот дел е неразвиен. Има марина на 15 минути возење со брод на главниот остров Abacos.

Островот Cove
Место: Howe Sound, Британска Колумбија, помеѓу Whistler и Vancouver
Цена: 2 950 000 долари
Површина: 5 ари
На 30 минути возење со брод од Ванкувер, овој остров е подготвен за градба.

Славните и нивните приватни острови

Листата на познати личности кои поседуваат приватни острови секоја година се зголемува.

Листата на познати личности кои поседуваат приватни острови секоја година се зголемува. Славата и дебелите банкарски сметки им овозможуваат на познатите да станат сопственици на острови.

Се разбира островите си имаат свои предности, како што се: изолираност – не ви требаат врати или специјални сигурносни мерки за бегство од папараците, а нема ниту бучни соседи и полудени фанови.

Познатите се обидуваат своите острови да ги држат понастрана од јавноста, но ви претставуваме неколку кои успешно ги лоциравме.

Mel Gibson

Лудиот Mel го поседува Mago островот во Fiji. Тој го купи во 2005 година за 15 милиони долари. Пред него, островот беше во сопственост на јапонската компанија Tokyo Corporation. По дознавањето дека Mel е сопственик на островот, локалното племе Yavusa Vuaniivi започна борба за враќање на островот, тврдејќи дека тој е на нивните дедовци.

Nicolas Cage

Тој обожава да купува имот кој не е многу посетуван, па освен куќата на Rhod Island и замок, поседува и еден остров на Бахамите.

Johnny Depp

Пиратот од Карибите има свој карипски дом. Depp во 2004 година купи остров на Бахамите за 3.5 милиони долари.

Leonardo Di Caprio

Иако во Титаник немаше многу среќа со морето, Leo во реалниот живот со тоа нема проблем, па затоа реши да се повлече на еден остров во Мексиканскиот залив блиску до брегот на Belize.

Pamela Anderson

Нејзиниот поранешен сопруг, Tommy Lee и купи остров во Dubai кoj е дел од групата острови кои го претставуваат цел свет. Tommy и го купил островот кој ја претставува Грција, бидејќи неговите корени се од таму.

http://www.crnobelo.com/zivot/patuvanje/33972-privatni-rajski-ostrovi-koi-mozete-da-gi-iznajmite-za-vashiot-sleden-odmor" rel="nofollow -

Планирањето на патување со пријателите е секогаш забавно, затоа што покрај тоа што уживате во морските бранови и сончевите зраци, тоа го правите заедно со луѓето кои ви се најблиски и со кои знаете дека ќе си поминете убаво.

Што ако имате можност тоа да го направите на некој приватен остров во ресорт каде ќе се чувствувате како да сте единствените луѓе на копното?

Би можело да се каже дека тоа е како мини семејство „кое доживеало бродолом“ како семејството Робинзонови, па сега можете да уживате на својот приватен остров.

Такви места постојат и на нашава планета, тргнувајќи од некои од Бахамските Острови, па се до некои од француските острови на кои ако ви е доволно широк џебот, можете да го планирате вашето идно летување.

Ако не, потонете во сладок сон – приватен луксузен остров само за вас:

1. Островот Calivigny

Во овој ресорт има 25 апартмани каде една ноќ чини 124.000 долари. Мебел во француски стил и кревет доволно голем за да пружи неверојатно доживување и квалитетен сон. Доволно големи соби во кои има џакузи и можност за изнајмување на јахта. Доколку некој сака да се релаксира во природа, по заоѓањето на сонцето може да ужива и во мини кино додека се лади во базен или да замине на прошетка.

2.Островот Musha Cay

Овој остров е дел од Бахамските острови Exuma Cay, а него го поседува познатиот илузионист Дејвид Коперфилд кој во 2006-та платил 50 милиони долари.

Тука еден апартман чини 57.000 долари од ноќ, во 4 посебни куќи. Англиски инспириран мебел од махагони дрво. Тука не може да ви биде досадно, бидејќи постои голем избор на забавни активности во вода или на копно, а доколку сакате, можете да испланирате романтична вечера со партнерот.

3. Островот Thatch

Тука има само една колиба која е идеална за парови, а чини 914 долари од ноќ. Самата колиба има само една спална соба и прилично едноставен стил на уредување, со надворешна кујна и камена скара доколку сте подготвени за готвење на вкусна риба или скара под ѕвезденото небо.

Можете да кајакарите или да пловите, а на крајот од денот да дегустирате вино на палубата.

4. Островот Melody Key

Тука не само што имате можност да уживате, туку тоа да го правите и во еколошки подготвена средина. Целата вила е обложена со соларен систем за струја и вода.

Една вечер тука чини $1.250 долари, а вилата собира 10 луѓе. Секоја од 4-те соби има свој приватен балкон, а заедничка дневна и трпезарија со поглед кон океанот.

5. Островот East Sister Rock

Тука една ноќ чини $6.500 долари,а до островот можете да пристигнете со брод или хеликоптер. Можете да уживате во панорамскиот поглед и буквално да се чувствувате дека сте единствени на островот, бидејќи тој е доволно голем за само една колиба.

-------------
Јакиот човек има само една слаба страна-жената што ја сака!