Во салата за седници на Советот на Град Скопје во 13 часот ќе се одржи комеморативна седница на која ќе присуствува и скопскиот градоначалник Коце Трајановски. Тој традиционално на овој ден се среќава со делегација на Еврејската заедница во Македонија

Еврејската заедница во Република Македонија денеска ќе одбележи 73 години од депортацијата и холокаустот на 7.144 македонски Евреи во концентрацискиот логор „Треблинка“. Годишнината од тој трагичен настан се одбележува со комеморативни активности во Скопје, Битола и во Штип.

Делегации од Еврејската заедница ги посетија Битола и Штип - градови во кои до 1943 година имало големи еврејски заедници.

Централното одбележување е денеска во Скопје. Делегации од Владата, Град Скопје и од Еврејската заедница ќе положат цвеќе на местото на привремениот логор - Монополот и на Еврејските и партизанските гробишта во Бутел.

Во Салата за седници на Советот на Град Скопје во 13 часот ќе се одржи комеморативна седница на која ќе присуствува и скопскиот градоначалник Коце Трајановски. Тој традиционално на овој ден се среќава со делегација на Еврејската заедница во Македонија.

Ноќта меѓу 10 и 11 март 1943 година биле уапсени сите Евреи во Македонија и затворени во Монополот, денеска „Тутунски комбинат“, кој тогаш бил привремен концентрационен логор. Најмногу Евреи имало од Битола, Скопје и од Штип и по неколку семејства од помалите градови. Според евиденцијата на тогашните бугарски и германски окупаторски власти, уапсени биле 7.144 Евреи.

На 11 март 1943 тие биле собрани во сточни вагони и од Битола и од Штип сите заедно доведени во скопскиот Монопол, каде што останале до крајот на март во екстремно тешки хигиенски и психолошки услови. Сиот имот им бил одземен, а накитот и парите конфискувани. Потоа повторно биле натоварени, меѓу 80 и 120 лица во еден вагон, и транспортирани во тогаш окупираната Полска, во логорот на смртта „Треблинка“, каде што биле егзекутирани.

Ниту еден од уапсените не се вратил. Во „Треблинка“ биле убиени 98 проценти од вкупното еврејско население во Македонија во 1943 година, што е меѓу најголемиот процент во светот.

Во спомен на депортираните македонски Евреи, делегација на Република Македонија во 2008 година во логорот „Треблинка“ постави обележје со натпис „Македонија“.

Во март 2011 година, пак, во Еврејското Маало во Скопје, свечено беше отворен Меморијален центар на холокаустот на македонските Евреи. Музејот е изграден со средства од имотите на семејства на убиените македонски Евреи кои немале наследници. Тие беа собрани во Фонд на холокаустот на Евреите од Македонија, кој претходно работеше на имотно-правните прашања поврзани со денационализацијата на земјиштето каде што е изграден објектот.

Според проценките, во „Треблинка“ биле убиени околу 900 илјади луѓе, од кои над 750.000 Евреи. Жртвите на холокаустот во тој логор, кој се наоѓал 100 километри североисточно од Варшава, биле убивани луѓе меѓу јули 1942 и октомври 1943 година.
----
Таа година ги нема Бугарите? Скромно е споменато само:

Според евиденцијата на тогашните бугарски и германски окупатопрски власти[/B, уапсени биле 7.144 Евреи.

Војводо вечна ти слава!

Сериозните времиња,бараат сериозни мисли.
Но Војводо ова е ера на истите оние предавници
кои те предадоа и комичари кои со вицови држава
водат.

Никола Карев 27 април 1905 предаден и убиен.

Национален празник на Република Етиопија
1485	Родена е шпанската принцеза Катарина Арагонска, прва од шестте жени на англискиот крал Хенри VIII. Разводот во 1533 година, извршен без дозвола од папата, предизвика реформи во англиската црква и прекин со Ватикан. Хенри VIII се разведуваше повеќепати бидејќи немаше машки деца кои би биле наследници на престолот.
1678	Умре англискиот економист Вилијам V, творец на теоријата на работните вредности, кој според Карл Маркс ги постави темелите на политичката економија како наука. Дела: „Нешто за парите“, „Политичка анатомија на Ирска“, „Политичка аритметика“.
1770	- Во Бон е роден, Лудвиг Ван Бетовен, германски композитор, еден од најголемите композитори на сите времиња. Универзалноста на неговата генијалност се гледа во поетското и длабоко доживувано отсликување на природата, во непосредното изразување на лирските и љубовните чувства, во вербата на посреќната иднина и создавањето на општочовечкото богатство. Компонира девет симфонии, сонати и друго. Умре во Виена, на 26 март 1827 година.
1773	Незадоволна од високите увозни царини и британската колонијална власт, група американски колонисти, во бостонското морско пристаниште ги исфрли сандаците полни со чај од еден британски брод. Тој случај, подоцна наречен „бостонска чајанка“, ја навести американската војна за независност започната во 1775 година.
1775	Родена е англиската писателка Џејн Остин. Таа во романите реалистички го слика секојдневниот живот на англиската провинција. Заплетите на нејзините романи, проткаени со хумор и блага иронија се едноставни и произлегуваат од психологијата на ликовите на обичните човечки односи, а дијалогот е многу вешто воден. Дела: „Гордост и предрасуди“, „Менсфилдски парк“, „Ема“ и други.
1859	Умре германскиот писател Вилхелм Грим, собирач и обработувач на народни бајки кои како и повеќето други дела ги објави заедно со неговиот постар брат Јакоб. Тој ја проучуваше и митологијата.
1869	- Во Ресен е роден д-р Христо Татарчев, еден од основоположниците на БМРОК - Македонската револуционерна организација во Солун, во 1893 година. Беше претседател на Организацијата од неговото основање, па се до 1901 година. Умре на 5 јануари 1952 година, во Торино, Италија.
1899	Роден е англискиот писател, актер и пејач Ноел Кауард, многу популарен меѓу Првата и Втората светска војна во Велка Британија и САД. Пишуваше и режираше драми, комедии и музички ревии, а за повеќето негови комедии се снимени и филмови. Дела: „Збор и музика“, „Приватен живот“ и други.
1912	- Во селото Војница, Велешко, е роден Коле Неделковски, истакнат македонски поет и револуционер. Во 1940 година ја објави првата стихозбирка "М'лскавици", а во 1941 година и втората збирка "Пеш во светот". Се самоуби во борба против бугарската фашистичка полиција во Софија, на 2 септември 1941 година.
1914	Во Загреб умре Иван Зајц, хрватски композитор, диригент, пијанист и музички педагог. Роден е во Риека, на 3 август 1832 година.
1917	Роден е англискиот писател и визионер Артур Кларк. Во неговите научно-фантастични романи и приказни главни теми се истражувањето на вселената, морските длабочини, како и времето. Го интересираа и последиците на можните човечки контакти со вонземската цивилизација. Дела: „2001: Одисеја во вселената“, “2001: Конечна одисеја“, „Крај на детството“, „Град и ѕвезди“, збираката приказни „Од другата страна на небото“, „Приказни за десет света“, „Средба со Медуза“, „Сончев ветер“.
1918	Онована е Комунистичката партија на Полска.
1920	Силен земјотрес ја погоди Кина, при што ја опустоши провинцијата Шанси. Под урнатините на зградите загинаа околу 180.000 луѓе.
1921	Умре Камиј Сен - Санс, француски композитор, главен претставник на класичниот правец во француската музика од 19. век. Најзначајно дело му е операта „Самсон и Далида“. Роден е на 3 октомври 1835 година.
1942	Врховната команда на Германија во Втората светска војна издаде директива за борба против партизанските единици која е спротивна на одредбите на Женевската конвенција. Со директивата беше наредено германските војници да не се повикуваат на одговорност поради брутално однесување.
1944	Германците во Втората светска војна во Ардените, со силна артилериска подготовка и со спуштање на 1.500 падобранци, ја започнаа контраофанзивата на Западниот фронт, изненадувајќи ги американските сили. Во борбите кои завршија со пораз на Германија, сојузниците изгубија 77.000 војници, а Германците 130.000.
1945	- Во Костур, Егејска Македонија, започна судскиот процес против 106 Македонци од гратчето Хрупишта, Костурско, обвинети за соработка со окупаторот и покрај тоа што повеќето од нив беа борци на ЕЛАС. Некои од нив беа осудени на казна доживотен затвор, а други на временски казни.
1946	Започна наставата на катедрите по математика, физика, хемија, биологија и географија со етнологија на Природно-математичкиот оддел на Филозофскиот факултет во Скопје.
1949	Во Бугарија е извршена смртна казна врз Трајче Костов кој беше долгогодишен истакнат лидер на Комунистичката партија на Бугарија. Тој во монтиран политички процес во Софија беше осуден заради „титоизам“.
1949	Водачот во борбата за независност Ахмед Сукарно беше избран за претседател на Индонезија, по стекнувањето на независност од Холандија.
1960	Во сударот на американските патнички авиони „DC-8“ и „Супер констелејшн“ врз Њујорк, загинаа сите 128 патници од двата авиона и осум луѓе на земјата.
1965	- Умре Вилијам Сомерсет Мом, англиски писател. Напиша голем број приказни, романи и драми. Во поголемиот број од делата го критикува англиското граѓанско општество, а ги проучуваше и обичаите на другите, особено на егзотичните земји. Роден е на 25 јануари 1874 година.
1965	Умре Тито Скипа, италијански оперски пејач. Роден е во 1890 година.
1966	Советот за безбедност на Обединетите нации на предлог на Велика Британија едногласно ги изгласа економските санкции против режимот на белото малцинство во Родезија.
1969	Долниот дом на британскиот парламент ја укина смртната казна.
1969	- Во Скопје умре Васил Хаџиманов, македонски етномузиколог и педагог. Меѓу најзначајните негови дела се вбројуваат "Зборникот на македонски народни песни", "Соборски народни песни", "Македонски борбени народни песни" и "Моми тиквешанки". Роден е во Кавадарци, на 14 јануари 1906 година.
1982	Во Скопје е формиран Хорот на просветните работници „Св. Кирил и Методиј“.
1993	Со размена на официјални документи, во Скопје, шест земји-членки на ЕУ - Велика Британија, Германија, Франција, Италија, Холандија и Данска - воспоставија целосни дипломатски односи со Република Македонија.
1995	Со одлука на Извршниот комитет на Европската конфедерација на синдикатите (ЕКС), Сојузот на синдикатите на Македонија (ССМ) стана член на Форумот на ЕКС.
1996	Јужнокорејскиот апелационен суд ја преиначи смртната пресуда на бившиот претседател на Јужна Кореја Чун Ду Хван во казна доживотен затвор.
1998	Американски и британски авиони го нападнаа Ирак.
1999	Поранешниот германски канцелар Хелмут Кол призна дека погрешил заради прикривање на донациите на Христијанско-демократската унија, владејачката германска паритија која тој ја предводеше, но го отфрли тврдењето дека станува збор за подмитување.
2004	Новиот претседател на САД Џорџ Буш го именуваше пензионираниот генерал Колин Пауел за државен секретар, кој стана прв Афроамериканец на функцијата шеф на дипломатијата.
2002	Високиот претставник на Европската унија за надворешна политика и безбедност Хавиер Солана и генералниот секретар на НАТО Џорд Робинсон го официјализираа стратешкото партнерство на двете организации за управувањето со кризи, со што беше овозможено ЕУ да создаде сопствени сили за брза интервенција и сама воено да интервернира во странство.
2003	Швајцарското собрание ја сувои резолуцијата со која масакарот врз Ерменците кој се случи во Турција во текот на Првата светска војна е означен како геноцид.

d4 b3 напиша: Emilio, kaj nas denes e 9ti avgust be

 

99 години од Букурешкиот договор

На 10 август 2012 година изминуваат точно 99 години од моментот кога во Букурешт беше потпишан договор со кој Македонија е распарчена и македонскиот народ поделен. Точно на 13 август 1913 година на Букурешката мировна конференција е потпишан договор со кој Вардарскиот дел од Македонија и припаѓа на Србија, Пиринскиот дел на Бугарија и Егејскиот дел на Грција.

Денес во јавноста многу малку се зборува за Мировна конференција во Букершт одржана од 30. VII  до 10. VIII 1913 година. На оваа мировна конференција одржана по Втората балканска војна учествуваа делегации на државите-победнички: Србија, Црна Гора, Грција и Романија, од една и на поразената Бугарија, од другата страна. Единствено Турција, која учествувала во војната, не учествувала на Мировната конференција во Букурешт. На првата седница била усвоена одлука за запирање на непријателствата, за воспоставување цврст мир и правична рамнотежа на силите на Балканот. На седницата одржана на 7. VIII биле усвоени новите граници, а Конференцијата завршила со потпишување на Мировниот договор на 10. VIII 1913 г.

Со Букурешкиот мировен договор меѓу Грција, Србија, Црна Гора и Романија, од една, и Бугарија од друга страна, била извршена поделба на териториите по промените создадени со војната и утврдиле нови граници. Македонија била поделена меѓу Грција, Србија и Бугарија. Србија го задржала окупираниот Вардарски дел од Македонија, без Струмичко, а Грција окупираниот Егејски дел од Македонија на исток до реката Места во Егејското Море. На Бугарија и бил оставен најмалиот Пирински дел од Македонија.

Токму 10 август 1913 година Македонија беше распната на крст и сета подоцнежна историја на Библиската земја беше исполнета со трагични настани предизвикани од нејзините окупатори. Од тој пекол кои го создадоа соседите и „братските народи“, единствено делот кој беше под српска власт успеа да се ослободи и да создаде своја независна и суверена македонска држава.

Но, тоа не значи дека престанаа сите маки на македонскиот народ. Речиси истите тие кои ортачки ја поделија Македонија во 1913 година, цел еден век продолжуваат со истата политика кон македонскиот народ, притоа непочитувајќи ги меѓународните пресуди, договори, ниту пак конвенциите за човековите и малцинските права. Денес, во Егејскиот и Пиринскиот дел од  Македонија на македонскиот народ му се оспорува правото на името, јазикот и црквата, му се случува асимилација и геноцид.

Наместо Европа и светот да превземат мерки да ја дисциплинираат Бугарија и Грција за да ги спроведат мерките за кои се имаат обврзано пред маѓународната заедница, тие преќутно го дозволуваат геноцидот врз македонскиот народ во окупираните делови.

Со ваквиот однос кон македонското прашање, меѓународната заедници не ги исполнува своите обврски прифатени со Договорот од Севр од 10 август 1920 година, кој стапил на сила на 6 август 1924 година, а кои значат гаранција од страна на Друштвото на народите за малцинските права. Овој договор кој се однесува за правата на малцинствата посебно во рамките на грчката држава важи и денес.

Но, како и  колку се исполнува, и зошто не реагира меѓународната заедница е сосема друго прашање

Одредени делови од Договорот кои се однесуваат на Грција го говорат следното:

Член 7 – 14

„Сите грчки националности ќе бидат еднакви пред законот и ќе ги уживаат истите граѓански и политички права без разлика на расата, религијата и јазикот“;

„Не ќе се наметнуваат ограничувања на слободната употреба на јазикот..“

„Грција ќе овозможи, во поглед на државниот образовен систем, во градовите и во окрузите во кои живеат значителен број на националните заедници, различни од оние што зборуваат грчки, да бидат изградени адекватни капацитети во кои ќе се осигура дека во основните училишта наставата ќе се изведува на исто ниво како и за оние каде што таа настава ја следат на грчки јазик“;

Во членот 9 кој носи посебни одредби за жителите на териториите кои по 1.01.19013 година биле припоени кон Грција (се однесува за Тракија и Македонија) се вели дека:

„Во областите и градовите во кои живееле значителен број на граѓани кои зборуваат друг јазик, различен од грчкиот, на овие малцинства им се дозволува настава на мајчин јазик во училиштата.

Исто така Грција се согласила на обврската да биде ставена под гаранција на Лигата на народите, како и тоа дека Грчката влада се согласила во врска со несогласувањето, спорот, ако другата страна смета дека има потреба, може да се обрати до Постојаниот суд на меѓународната правда. Одлуката на Постојаниот суд ќе биде конечна и ќе има иста силина и дејство како одлука според членот 13 од Конвенцијата на Лигата на народите“

. Потписници, односно верификатори на Договорот (земји кои секогаш може да поведат расправа или спор според членовите од договорот) се:

Британија, Франција, Италија, Јапонија, Канада, Австралија, Нов Зеланд, Јужна Африка и Индија.

(извор:Севол Брага, Правата на ароманското малцинство во Грција, Скопје, 2004)

Сепак и покрај овој Договор, Грција никогаш во текот на овие 99 години не ги почитувала правата на македонскиот народ. За неа е неважечка и одлуката на Меѓународниот суд на правдата и таа продолжува Македонија да ја попречува да стане членка на ЕУ и НАТО.

За ваквиот однос на Грција молчи меѓународнта заедница, како што молчеше и сеуште молчи за геноцидот извршен врз македонскиот народ во Егејскиот дел од Македонија. Сеуште молчи и за децата бегалци кои сеуште неможат да се вратат на своите родни огништа ниту пак да си го повратат имотот доколку не се пишат како Грци по род.

Грција е срамот на Европа.

Меѓутоа, Европа и светот можат да се поправат.

Наредната година ќе поминат точно 100 години од Мировниот договор во Букурешт.

Редно е по речиси стогодишна голгота, на македонскиот народ  да му се насмее среќата.