http://kurir.mk/magazin/zanimlivosti/65029-Video-Tazna-razdelba          

Камила во ЗОО

Освен камила, во скопската Зоолошка, има и два бизона, еден гибон, седум мајмуни и два бува. Сите животни се донација од три градини во Германија и Чешката Република

Зоолошката градина се поднови со уште 13 животни. Во оваа пратка пристигна и камила, која градината ја чекаше две години, кога претходната се задави со ќеса од смоки.
Освен камила, има и два бизона, европски и американски, еден гибон, седум мајмуни, од кои два од видот патас и пет од видот мангаби и два бува. Сите животни се донација од три европски градини. Бувовите се од зоолошките Халле во Германија и Олмуц во Чешката Република, а останатите се од градината во Берлин.
Новите жители се сместени во живеалишта, специјално приспособени за нивните потреби.
"Посетителите конечно добија можност во нашата градина да ги видат и овие животни. Сите веќе се сместени во живеалишта кои се направени според најнови стандарди и се во добра здравствена состојба", изјави Дане Кузмановски, одговорен за односи со јавност во Зоолошката градина, нагласувајќи дека нема да дозволат да се повтори немилиот настан со претходната камила.
Освен овие животни, новина во ЗОО е застаклениот влез во градината, а неодамна беше направен и паркинг за посетителите пред влезот

Зоолошката со нови животни

Пар персиски леопарди (Panthera pardus saxicolor), познати исто така и како Ирански леопарди пристигнаа во Зоолошката градина. Леопардите доаѓаат од Зоолошката градина во Орса, Шведска.
Од Зоолошката пренесуваат дека новите жители за почеток ќе бидат сместени во затворениот дел од новото живеалиште наменето за нив, а од наредниот викенд ќе бидат пуштени и во отворениот дел.
Ирански леопард, е еден од подвидoвите на леопард, кој живее во западна Азија. Овој подвид е критично загрозен на целата негова распространетост низ Блискиот Исток.

Зоолошката градина ги известува своите посетители дека има нова принова кај лемурите. Зоо Скопје е побогата за едно мало лемурче.

Зоолошка ќе добие и крокодил

Заедно со крокодилот, во Зоо ќе пристигнат уште три вида папагали, една жолта анаконда и игуана

Зоолошката градина во Скопје ќе се поднови со крокодил. Новото животно, кое се носи во Градината по триесет години е донација од Зоолошката градина во Софија. Крокодилот е стар пет години, а долг е 1,60 метри.
За неговиот живот во Скопската градина направено е специјално, ултрамодерно живеалиште, приспособено на специфичните потреби на овој вид животни.
Заедно со крокодилот, во Зоо ќе пристигнат уште три вида папагали, една жолта анаконда и игуана.
"Животните се на пат. Во секој момент очекуваме да пристигнат, по што посетителите ќе добијат можност, по многу години, да видат крокодил во нашата градина", вели Дане Кузмановски, директор на Зоолошка.
Освен нови животни, скопската Зоолошка градина добива и нов имиџ преку обнова на влезот и билетарницата, како и со изградбата на сопствен паркинг-плац за посетителите

Пoчина бенгалскиот тигар Менде во ЗОО – Скопје
На голема жалост на сите љубители на зоолошката градина – Скопје на ден 20.01.2011 година, ден четврток овој земјен свет го напушти прекрасниот Бенгалски тигар – Менде кој ја красеше секојдневно зоолошката од 2010 година кога пристигна од Зоо – Битола.



Бенгалскиот Менде беше донесен за да не биде сама тигрицата Лола и не им требаше долго време да се спријателат. Тигрицата долго време беше сама а додека пак Менде беше веќе научен со друштво па така ја прифати и Лола без никаков проблем. Прекрасниот Менде ја напушти Лола и сите нас љубители негови на длабока старост, тој почина на неполни 19- години што пак за тигар и се поодминати години. Бенгалски тигар просечно во природа живее 8-10 години додека пак во заробеништво 16-18 години, што значи дека нашиот Менде беше еден од најстарите Бенгалски тигри во светот благодарение на добрите услови во зоолошката.