Za nasata ZOO nemam komentar. Zi8votnite se cuvani vo krajno losi uslovi, nisko nivo na higiena, zivotniot proston e premal za nekoi zivotni a za toa dali potseka barem vo nekoi elementi na nivnoto prirodno zivealiste, i da ne zboruvame - ne!

ЕДИНСТВЕНОТО ШИМПАНЗО ВО СКОПСКАТА ЗОО ЌЕ СИ ОСТАНЕ ВО ДЕПРЕСИЈА
Ни Коко не го сакаат во ЕУ
Директорот на скопската Зоолошка испратил писма до повеќе зоолошки во Европа да го земат Коко на ресоцијализација за да ја излечи депресијата, но од секаде добил негативни одговори



Шимпанзото Коко, жител на Скопската зоолошка градина, кој требаше да замине на рехабилитација во некоја од европските зоолошки градини, ќе си остане дома. Коко страда од депресија поради тоа што живее сам и нема партнерка. Тој требаше да замине во некоја од европските зоолошки градини каде што требаше да го социјализираат и да го излечат од депресијата, а потоа да се врати во Скопје и да му се најде партнерка. Директорот на Скопската зоолошка градина Анастас Петров испратил писма до повеќе зоолошки градини во Европа за да го земат Коко на социјализација, но од секаде добил негативен одговор.
"Испративме писма до повеќе зоолошки градини. Сите ни одговорија дека немаат место за нашиот Коко. За жал, тој ќе си остане дома. Ќе мора во скоро време да му се направи ново живеалиште, па дури тогаш да размислуваме да набавиме и женка. Коко е сам и многу депресивен. Апелирам до граѓаните и до сите што сакаат да му помогнат на нашиот Коко да донираат средства за да му направиме убав дом и да му набавиме партнерка. Поради осаменоста Коко си ги кубе и влакната и не сака да комуницира со никого", вели директорот Петров.
Експертите од ЕАЗА (Европска асоцијација за зоолошки градини и аквариуми) при последната посета на Скопската зоолошка градина на Коко му поставија дијагноза-длабока депресија. Тие тогаш ја советуваа Управата на градината шимпанзото да го дадат на социјализација во некоја од европските зоолошки градини. Бидејки шимпанзата живеат во групи, експертите од ЕАЗА тогаш советуваа Коко итно да биде пренесен во некој од центрите за социјализација на мајмуни.
Шимпанзото Коко е најинтелигентниот жител во Скопската зоолошка градина. Има десет години и лани стана полнолетен. Веднаш по неговото раѓање мајка му умрела од туберкулоза.
Оттогаш Коко е сам. Сега живее во многу мизерни услови, во 'рѓосан кафез , со влага каде што нема ни трошка светлина.
З.Василевски

Единствениот досега познат албино црн лешинар

Албино кенгур


Албино елен


Крокодил


Единствениот албино кит досега забележан во светот.




Пингвин

Која била првата зоолошка градина во светот?

Една од неговите најомилени шеги била да шета јастог на јаже низ улиците на Париз..... Неколку години порано, познатата Контес од Еглинтон се обидувала да ги шокира пријателите на друг начин.Ги канела сите кај неа дома на голема вечера. Кога седеле на масата со храна пред нив, ќе чукнела во ѕидот, потоа од една дупка ќе излегле купче стаорци кои ја јаделе храната пред гостите да ја пробаат.....Кога била сигурна дека нејзините гости биле преплашени, таа повторно ќе чукнела на ѕидот и стаорците исчезнувале.

Се до 1600-те години, добро ситуираните Европејци чувале животни за нивна лична забава. Тогаш и францускиот крал Луис ја отворил и првата зоолошка градина во Европа. Траела се до француската револуција, дури 100 години.Француските граѓани кои го поразиле кралот, одлучиле дека треба да ги ослободат сите животни од зоолошката градина. Тоа го направиле со исклучок на носорогот.Чуварот на зоолошката им препорачал да не очекуваат дружељубивост од страна на носорогот во случај да го ослободат, и тоа било пресудно за да им го смени мислењето.

Кинезите биле првите кои го изградиле првиот систем на зоолошки градини. Ги нарекувале „Паркови на Интелигенцијата!“.............

Зоолошка ќе добие и крокодил

Заедно со крокодилот, во Зоо ќе пристигнат уште три вида папагали, една жолта анаконда и игуана

Зоолошката градина во Скопје ќе се поднови со крокодил. Новото животно, кое се носи во Градината по триесет години е донација од Зоолошката градина во Софија. Крокодилот е стар пет години, а долг е 1,60 метри.
За неговиот живот во Скопската градина направено е специјално, ултрамодерно живеалиште, приспособено на специфичните потреби на овој вид животни.
Заедно со крокодилот, во Зоо ќе пристигнат уште три вида папагали, една жолта анаконда и игуана.
"Животните се на пат. Во секој момент очекуваме да пристигнат, по што посетителите ќе добијат можност, по многу години, да видат крокодил во нашата градина", вели Дане Кузмановски, директор на Зоолошка.
Освен нови животни, скопската Зоолошка градина добива и нов имиџ преку обнова на влезот и билетарницата, како и со изградбата на сопствен паркинг-плац за посетителите

Камила во ЗОО

Освен камила, во скопската Зоолошка, има и два бизона, еден гибон, седум мајмуни и два бува. Сите животни се донација од три градини во Германија и Чешката Република

Зоолошката градина се поднови со уште 13 животни. Во оваа пратка пристигна и камила, која градината ја чекаше две години, кога претходната се задави со ќеса од смоки.
Освен камила, има и два бизона, европски и американски, еден гибон, седум мајмуни, од кои два од видот патас и пет од видот мангаби и два бува. Сите животни се донација од три европски градини. Бувовите се од зоолошките Халле во Германија и Олмуц во Чешката Република, а останатите се од градината во Берлин.
Новите жители се сместени во живеалишта, специјално приспособени за нивните потреби.
"Посетителите конечно добија можност во нашата градина да ги видат и овие животни. Сите веќе се сместени во живеалишта кои се направени според најнови стандарди и се во добра здравствена состојба", изјави Дане Кузмановски, одговорен за односи со јавност во Зоолошката градина, нагласувајќи дека нема да дозволат да се повтори немилиот настан со претходната камила.
Освен овие животни, новина во ЗОО е застаклениот влез во градината, а неодамна беше направен и паркинг за посетителите пред влезот

http://mojataubavagradina.mk/index.php/sto-velat/2011-09-03-13-50-32/1315-najstariot-aligator-vo-svetot-se-naoga-vo-belgrad" rel="nofollow - НАЈСТАРИОТ АЛИГАТОР ВО СВЕТОТ СЕ НАОЃА ВО БЕЛГРАД?

Американскиот алигатор (Aligator mississippiensis) наречен Муја се смета за најстариот жив алигатор во светот.

Тој е пристигнат во Зоолошката градина во Белград една година по нејзиното основање, поточно на 12 септември 1937 година.

Денес тој е единствениот останат најстар жител на градината, кој успеал да ја преживее Втората светска војна, да претрпи двапати бомбардирање на Белград.

Муја е во прилично добра форма, јаде и по 5-6 килограми месо. Се надеваме дека на уште долго ќе живее:)

http://www.kurir.mk/republika/skopje/101003-Majmunce-od-vidot-Patas--nov-zitel-na-Zoo-Skopje" rel="nofollow - Мајмунче од видот Патас- нов жител на Зоо Скопје