Евангелие по МаријаМагдалена

Некој го спомна евангелието според Јуда. Во моментов го имам пред мене па ќе споделам некои информации за него со вас.
Пронајдено е во Египет во 70те години на минатиот век како трет дел од Codex Tchacos на коптски јазик, се смета дека е превод од грчки јазик. Најверојатно е од втората половина на вториот век бидејќи свети Иринеј Лионски спомнува едно ев. според Јуда во своето дело „Против ересите“, но можеби е и само верзија од истото бидејќи тестирањето со јаглерод 14 староста ја лоцира околу 4 век. на преводот и обработката на овој текст работеле: Rodolphe Kasser, Marvin Meyer, Gregor Wurst i Francois Gaudard.

Codex Tchacos е книга составена од 66 страници и истата содржи четири четива:
1. 1-9 страна: верзија на Посланието на Петар до Филип;
2. 10-32 стр.: текст со наслов „Јаков“, верзија на Првото откровение на Јаков од Кодексот 5 од Nag Hammadi;
3. 33-58 стр.: Евангелие според Јуда и,
4. 59-66 стр.: текст кој привремено е наречен „Книга на оттуѓениот“ односно „Странецот“ што е всушност епитет за Сит, синот на Адам и Ева во гностичките текстови и истиов се сретнува за прв пат.

Што се однесува до самото Евангелие според Јуда истото е ГНОСТИЧКО евангелие - ако воопшто може да се нарече евангелие и во него се велича Јуда како најголем меѓу апостолите кој всушност се ЖРТВУВА за светот и е избран Христов сад преку кој се исполнува ветеното спасение. Читајќи го ова дело во целост се согледува и забележува влијанието на писателот-гностик кој во овој текст ТВРДИ дека откровението Христово не е за сите туку само за ОДБРАНИТЕ, она што Христос им го зборувал на сите всушност нема никаква важност дури и на дванаесетте апостоли не им кажувал ништо туку само на Јуда... се забележува и платонско влијание т.е., секој човек има своја ѕвезда и судбината на секого од нас е поврзана со таа ѕвезда итн., итн. Евангелието завршува со раскажување за Христовото предавање на војниците, а не со распетието (ова е разбирливо, бидејќи со тоа би се негирало се што е претходно напишано з.м)
Да не го раскажувам цело.
Мое мислење: Според ниеден критериум овој текст не може да го носи името Евагелие, туку може единствено да се именува како ГНОСТИЧКИ-ТРАКТАТ или НАПИС. Има доста јудејски мистицизам, платонизам и гностички елементи потребни да се оправда постоењето на таканаречени УЧИТЕЛИ - мистици. Класична гностичката еврејска мисла која се разбира името го доби од христијанските гностици....

P.S. До сега не сум слушнал за Евангелие по Марија Магдалена

Познати ми се и ги имам само:

евангелија на детството

1. Проетоевенгелие на Јаков

2. Евангелие на Псевдо-Тома (2 текста на грчки и 1 на латински)

3. Евангелие на Псевдо-Матеј (Пролог, и 2 дела)

4. Евангелие на детството (сиријски текст)

5. Евангелие на детството (ерменски јазик)

6. Книга за раѓањето на Марија
7. Приказната за Јосиф столарот

проповеднички евангелија - јудео-христијански
1. Евенгелие на Евионитите
2. Евангелие на Назареите
3. Евангелие на Евреите

фрагменти на папирус
1. папирусот од Ossirinco (840)
2. папирусот Егертон (2)
3. папирусот од Fayyum
4. папирусот II (710) од Берлин

евангелија на Страданијата и Воскресението
1. Евангелие според Петар
2. Евангелие според Никодим
3. Актите на Пилат (2 текста на грчки јазик)
4. Слегувањето во пеколот (1 грчки и 2 латински текста)

Циклусот за Пилат
Осудата на Пилат
Анафората на Пилат
Парадоксисот на Пилат
Смртта на Пилат
Писмо на Пилат до Ирод
Писмо Ирод до Пилат
Писмо на Пилат до Тибериј
Писмо на Тибериј до Пилат
Исповедањето на Јосиф од Ариматеја
Одмаздата на Спасителот
Евангелис според Вартоломеј

Богородица
Успение на Пресвета Богородица - од Свети Јован Богослов
Преминувањето на Блажена Марија Дева - од Псевдо-Јосиф од Ариматеја
Евангелие според Гамалаил

Гностички
1. Евангелие според Тома
2. Евангелие според Филип
3. Евангелието на Вистината
4. Евангелие според Јуда

Дуалистички
Книгата на апостол Јован

Изменето од Bronhi - 04.Ноември.2007 во 23:15

Внеси реплика	страница 12 3 4 >
Tweet