Направете вкусни корпи со рум кои се лесни и за искусните домакин(к)и, но и за аматерите во кујната. Нема грешка со овој рецепт:

Начин на подготовка:

1. Се мелат бисквитите и се ставаат настрана, а во меѓувреме се топи путерот на оган, заедно со чоколадото, шеќерот и румот.
2. Садот се трга од оган и се лади, па се додава во бисквитите и убаво се меша.
3. Се става од смесата во корпи, и одозгора се става чоколадо за готвење кое претходно сме го растопиле.

Потребни состојки: 140 гр маргарин, 140 гр шеќер, ванилин шеќер, 6 јајца, 140 гр мелени ореви или лешници, 3 реда чоколада – вашата омилена, една лажица какао, рум

За филот: 125 гр путер, 125 гр шеќер во прав, ванила, 3 реда чоколада, една лажица какао, 2 јајца

Начин на приготвување:

Со миксер пенесто изматете ги маргаринот, ванилата и шеќерот. Додајте ги една по една жолчките, матејќи се додека смесата не се изедначи. Потоа додајте го какаото и растопената чоколада, а на крајот лешниците или оревите. Посебно изматете ги белките во цврст снег и полека додајте ја смесата во чоколадната смеса. Ставете го и румот. Во калап за печење ставете масло, а потоа и брашно па сипете ја смесата и ставете ја да се пече во загреана рерна на 250 степени. Печете 10 минути, а потоа намалете ја температурата на 200 и печете уште 15-20 минути. Филувајте кога тестото ќе биде потполно изладено.

За филот:

Пенесто изматете ги путерот, шеќерот во прав, ванилата па додавајте ги една по една жолчките, потоа какаото, растопената чоколада и рум. Пенесто изматете ги белките и додајте ги во чоколадниот фил. Филот ставете го во фрижидер да се излади, а потоа филувајте го тестото.

Доколку смесата е леплива, слободно додадете мелени бисквити.

Бомбиците може да ги чоколадирате, да ги посипете со мрвици, со мелени ореви и слично.

За посните слави, подгответе ги без млеко и белка. Стопете путер со малку вода, па со топлата смеса замесете ги оревите и чоколадото.

Разлика во вкусот нема, а ќе добиете вкусни посни слатки за зимските слави.

Всушност, секој рецепт за визитарски колачи може да ја прилагодите и да ги направите посни.

Совет: Подготовката на визитарски колачи секогаш дава слобода за комбинирање на состојките. Секој рецепт може да го прилагодите на сопствените потреби, да употребите повеќе бисквити, а помалку ореви или лешници и не мора строго да се придржувате до количината на состојките.
Важно е да добиете смеса од која лесно ќе се прават форми.

Совршени колачи за љубителите на рум, кој лесно и брзо се спрема.

Состојки
ЗА ПАНДИШПАН
8 јајца
8 лажици шеќер
8 лажици мелени ореви
5-6 лаж брашно
1 пакетче прашак за пециво
2 лажици какао
ЗА ФИЛ
5 јајца јајца
250 гр шеќер во прав
250 гр чоколадо
250 гр маргарин
малку рум

ПОДГОТОВКА НА ПАНДИШПАНОТ
1. Се матат јајцата со шеќерот во еден сад.
2. Се исклучува миксерот, се додава брашното со пецивото, какаото и мелените ореви и се промешува.
3. Се истура во тркалезно, високо ( длабоко) тавче или длабоко тенџере обложено со хартија за печење.
4. Се пече околу 40-50 мин. на 180 С
5. Испечениот пандишпан се сече на три дела по висината.
6. Секоја од корите се попрскува со рум и се филува

ПОДГОТОВКА НА КРЕМОТ
1. Маргаринот и чоколадото се растопуваат на огин во еден сад, но да не вријат.
2. Јајцата и шеќерот се матат со миксер и се варат во густ крем на пареа.
3. Се соединуваат двете смеси и се оставаат да се изладат со повремено промешување за да не фати коричка филот
4. Со филот се филуваат сите три кори
5. Озгора се декорира по желба - со шлаг пена, со слатка павлака или чоколадо. Јас декорирав со фондан бидејќи тортата ја направив за брат ми и снаа ми.

Состојки
1 белка
100 гр шеќер
150 гр мелен лешник
100 гр мелени бисквити
200 гр растопено црно чоколадо
2 лажички рум
за полнење на бомбиците
30 вишни од слатко исцедени од шербетот
за валкање на бомбиците
150 гр црно чоколадо
3 лажици масло
за декорација
30 зрна лешник

- Во една вангличка се става белката, се мати со миксер и постепено се додава шеќерот. Се додаваат румот, растопеното чоколадо, бисквитите, лешниците
Сето убаво се изработува со рака за да се добие убава хомогена смеса. Ако е суво може да се додаде уште едно лажиче рум или малку од шербетот од слаткото со вишни.
Се земаат парчиња со големина на орев, во средината се става по една вишна, се формира бомбица и се редат на послужавник.
На страна над пареа се растопува 150 гр чоколадо со 3 лажици масло и секоја бобица се потопува во чоколадото. Се редат на хартија да се стегнат и се украсуваат со еден цел лешник.

Состојки
Пандишпан
4 јајца
4 лажици шеќер
4 лажици мелени ореви
3 лажици брашно
1/2 пакетче прашак за печиво
1 лажица какао
3-4 лажици рум
Фил
3 јајца
130 гр шеќер во прав
130 гр маргарин
130 гр чоколадо
3 лажици рум

Подготовка на пандишпанот
1. Јајцата со шеќерот се матат и во нив се додаваат останатите состојки
2. Се пече во загреана рерна во плех од рерната
3. Испечениот пандишпан се попрскува со 3-4 лажици рум, се дели на 3 ленти по должина и се филуваат и се редат една врз друга
4. Најозгора се декорира по желба...јас ставив рендано чоколадо

Подготовка на филот
1. Маргаринот и чоколадото се ставаат во сад да се растопат
2. Јајцата со шеќерот во прав се матат со миксер и се варат на пареа. Откако ќе се згусне филот од јајца, во него се додава растопената чоколада со маргарин и румот. Се меша и се остава да се излади со повремено мешање