Ако класичните пржени тиквички ви здосадиле, тогаш ви предлагаме да ги пробате следните тиквички со крцкава кора од кашкавал и кревка средина одвнатре. Најдоброто од сè е што истите се диетални!

 Испечати рецепт

1 ч

Состојки

• 2 тиквички
• 2 јајца
• 150 гр кашкавал
• 50 гр лебни трошки
• 4 супени лажици брашно
• 1,5 кафена лажица сол
• 1 кафена лажица мелен црн пипер

Начин на подготовка

• Бидејќи тиквичките се приготвуваат брзо, веднаш вклучете ја рерната да се загрее на температура од 180°C. За подготовка на овој рецепт, најдобро е да изберете млади тиквички.
• Измијте ги тиквичките, исушете ги, исечете ги краевите и од двете страни и исечете ги на половина. Исечете ја секоја половина по должина на 2 дела и исечете ги на парчиња.
• Поставете ги исечените тиквички во соодветен сад, додадете сол, мелен црн пипер и зачини по ваш вкус и избор. Оставете ги тиквичките да отстојат така 15 минути.
• Во меѓувреме подговете ја смесата за похување. Ситно изрендајте го кашкавалот, измешајте го со лебните трошки и добро измешајте. Изматете ги јајцата со малку сол.
• Похувајте ги готовите тиквички. Прво поставете ги во брашно, потоа потопете ги во јајце, а на крај во смесата од кашкавал. Вак аподготвени, поставете ги тиквичките во сад, покриен со хартија за печење.
• Поставете го садот во загреана рерна и печете околу 30 минути, до образување на вкусната крцкава кора од кашкавал. Тиквичките може да ги сервирате и топли и ладни, со сос од кисела павлака и лук.

Постојат илјада и еден начин за подготовка на тиквичките- омиленот зеленчук на сите, особено во топлиот летен период, бидејќи лесно се комбинира со сè, а неговиот вкус е секогаш ароматичен и богат.

Може навистина да го комбинирате со буквално сè: Со други зеленчуци, зачини, со месо и секој пат, специјалитетот ќе биде различен, нов и оригинален.

За денес ви подготвивме токму рецепт за еден таков деликатес, со кој ќе ги воодушевите вашите најблиски и вашите гости.

Летни ражничи од месо и тиквички

Потребни состојки

• 2 тиквички
• 50 гр кашкавал
• Сол по ваш вкус
• 4 супени лажици кисела павлака
• 350 гр мелено месо
• 1 чешне лук
• 1 компир
• Црн мелен пипер и зачини по ваша желба
• 1 супена лажица масло за готвење

Начин на подготовка

Потопете ги стапчињата за ражничите во вода.

Измешајте го месото со исечениот лук, а потоа додадете ја солта, црниот мелен пипер и зачините.

Неприготвените компири изрендајте ги и додадете ги во месото. Измешајте ги добро состојките и оставете ја смесата да отстои.

Тиквичките се сечат на кругови со дебелина од 1 центиметар.

Од смесата со компирот и месото направете топчиња и измешајте ги во брашното.

Подгответе ги ражничите така што прво на стапчето додадете тиквичка, па месо и така сè додека не ги потрошите состојките.

Премачкајте ги ражничите со маслото за готвење и поставете ги во садот за печење. Одозгора нанесете ја киселата павлка и посипете од наренданиот кашкавал.

Покријте го садот со фолија и печете 35 минути, на 200°C. По изминатиот половина час, отстранете ја фолијата од садот и печете дополнителни 10 минути.

Фактот што овој специјалитет се приготвува во рерна, ви дава одлична можност за манипулација со состојките: Може да ги насечете тиквичките на кругови и да ги замрзнете, а потоа во текот на целата година, кога ќе посакате, може да си го направите овој деликатес.

Лесно, нискокалорично летно јадење на кое никој не може да му одолее. Подгответе го на грчки начин.

Количините за овој рецепт се однесуваат на четири порции. Време на подготовка – 1 час и 20 минути.

Од намирници потребно ви е – 1 главица стар кромид, половина главица лук, 300 грама мелено месо, 100 грама варен ориз, 4 тиквички, 3 домати, 4 лажици маслиново масло,  30 грама сечкани бадеми, 30 грама суво гозје, малку сол и црн пипер, малку ким и цимет, малку црвен пипер, 100 грама кашкавал.

Подготовка

Кромидот и лукот ситно се сечкаат, се мешаат со меленото месо, бадемчињата и сувото грозје. Се додаваат зачините, сол, црн пипер, црвен пипер, ким и цимет.

Потоа се мијат тиквичките, се сечат на половина, се длабат со помош на лажица. „Месниот“, издлабениот дел од тиквичката се става во посебен сад.

Во меѓувреме оризот се вари, и кога изгледа омекнат, на самиот крај се додавава „месниот“ дел од тиквичките за  малку  да омекне (1 минута).

Оризот и мекиот дел од тиквичките се додаваат на садот со месо, кромид, лук и зачини. Ги сечкаме доматите на ситни парченца и ги додаваме во смесата. Се добро се меша, а потоа со смесата ги полниме издлабените тиквички.

Наполнетите тиквички ги редиме во сад за печење. Ги полеваме со маслиново масло и ги ставаме во загреана рерна. Печеме на 200 степени 35 минути.

Во меѓувреме го рендаме кашкавалот. Малку пред да бидат готови печените полнети тиквички, ги наросуваме со кашкавал и печеме уште малку додека кашкавалот не се стопи.

Ги сервираме топли и ги украсуваме со сечкан магдонос.

Сезоната на тиквички е пред нас, а од оваа намирница се подготвуваат најразлични вкусни јадења. Ние ви предложуваме да го дегустирате специјалитетот од тиквички во бешамел сос.

Потребни намирници – 3 средно големи тиквички, 150 грама кашкавал (или пак, моцарела), сол, оригано, црн пипер и мирудии по желба, 1 лажица павлака, 2 јајца.

Ова летно јадење подгответе го за ручек или за вечера и уживајте во неповторливиот вкус.

Од намирници потребно е – 2 тиквички со средна големина, 100 грама шунка или сланина, 150 грама крем сирење, 50 грама моцарела или некое друго сирење кое лесно се топи, 1 чили пиперка, неколку листа босилек и сол и црн пипер.

Подготовка

Исечкајте ги тиквичките по ширина, внимавајќи да не ги пресечете сосема, за да добиете форма на армоника. Шунката исечкајте ја на лентички. Ставете по една до две лентички помеѓу секој рез на тиквичките и притиснете ги лентичките подоле во тиквичката.

Таквите тиквички префрлете ги во сад за печење кој претходно сте го намастиле малку. Печете на 200 степени околу 10-на до 15минути, во зависност дали сакате тиквичките да бидат малку крцкави или не.

Додека тиквичките се печат, подгответе го полнењето – крем сирењето, изренданата моцарела, ситно исечканата чили пиперка и босилекот, помешајте ги во глатка смеса. Наросете сол и црн пипер по вкус.

На крајот, наполнете ги тиквичките со смесата, изрендајте врз нив уште малку кашкавал и печете уште 10-минути, додека кашкавалот и сирењето се стопат. Послужете го јадењето топло.