Чудесните меки кифли полнети со неодолив крем се дефинитивно најдобриот начин како да ги воодушевите и вашите најблиски и гостите. Се приготвуваат многу лесно, а еве како може да ги приготвите уште денес!

Домашни крем кифли

Чудесните меки кифли полнети со неодолив крем се дефинитивно најдобриот начин како да ги воодушевите и вашите најблиски и гостите. Се приготвуваат многу лесно, а еве како може да ги приготвите уште денес!

Вкупно време2 ч

Оброк: Десерт

Кујна: Француска

Клучни зборови: крем бруле, кифлички, кифли, крем кифли, благи кифли

 

Порции: 4

Состојки

• 300 гр брашно (+ уште малку за месењето)
• 1 јајце
• 80 мл пресно млеко
• 65 гр кисело млеко
• 30 гр омекната свинска маст
• 1 супена лажица масло за готвење
• 70 гр шеќер (+ уште малку за одозгора на крај)
• 12 гр свеж квасец

За кремот

• 500 мл пресно млеко
• 50 гр ванилино нишесте
• 70 гр шеќер

Начин на подготовка

• Прво пригответе го ванилиниот крем, за да може да се излади и затегне, пред употреба. Загрејте 400 мл од млекото со шеќер, додека е готово за зоврие. Тогаш кренете го од оганот и додадете го нишестето, изматено во преостанатото млеко. Мешајте 5 минути и кремот ќе биде готов.
• Задолжително покријте го садот со кремот со проѕирна фолија, со цел да ја спречите појавата на тврда кора на површината.

За тестото

• Растворете го квасецот во малку шеќер во лесно затоплено пресно млеко. Оставете го 10 минути да реагира. Изматете го јајцето со шеќер, притоа одделувајќи малку од жолчката за премачкувањето на крај.
  
• Пресејте го брашното во садот и во средина направете вдлабнатина, во која ќе го додадете квасецот, јајцето со шеќерот и киселото млеко. Додадете ја и маста и замесете го тестото. Ако е потребно, додадете уште брашно.
• Обликувајте го тестото во кора со дијаметар од 34.5 цм. Исечете ја на триаголници и од истите свиткајте ги кифлите, истовремено пополнувајќи ги со крем. Подредете ги во премачкан сад за печење или покриен со хартија за печење и оставете ги да отстојат 1 час, со цел да го зголемат нивниот обем.
• Премачкајте ги кифлите со смеса од изматена жолчка со вода и масло, нанесете на крај одозгора шеќер и поставете ги да се печат 20 минути во загреана рерна на 190°C до добивање златна боја.
  

Готвиме со Маја: Здрави крофни

Кога ќе ја погледнам ќерка ми како да го гледам Могли. Ми личи на него затоа што поостојано сака да биде надвор да истражува да трча да си игра. Таа буквално не знае да седне. Освен понекогаш кога има „Пепа пиг“, но и тоа не е долго. По неколку повторувања на една епизода кај што Пепа јадеше крофни почна да ми бара да и ги направам. Не сакам да јаде крофни потонати во масло, прженици … затоа се обидував да најдам решение. Не ми успеа од прва затоа што не беа мнпгу воздушести и по многу обиди сватив дека нема да добијам здрава воздушеста крофна. Но сепак добив некоја алтернатива на здрави крофни .

Потребни состојки:

50мл. топла вода (не врела)

150мл. млеко

1 сув квасец (по можност био)

2 м.лажички кафен шеќер

2 мерилки (cup) брашно од спелта

70гр. путер (маргарин,кокоосово масло) 

кора од 1 портокал

2 јајца 

сол

*ќе ви треба плус уште некоја лажица брашно 

Јас тестото го спремам навечер за да кисне во фрижидер. Најпрво во водата ставете ги шеќерот и квасецот за да го активирате. Млекото стоплете го заедно со изренданата кора од портокал за да добиете убава арома и оставете го да се олади да не е врело. Потоа помешајте ги заедно јајцата и млекото. Во садот со квасецот ставете го брашното и промешајте. Додадете го млекото со јајцата и растопениот путер и мешајте со дрвена лажица да добиете хомогена смеса а потоа додадете уште малку брашно доколку тестото е лепливо. Треба да добиете меко тесто. Оставете го во фрижидер и следниот ден пред печење извадете го тестото. Измесете го и со сукало направете круг со дебелина од 1 цм. и вадете форми кружни или како амерички крофни со дупка во средина. Ставете ги на тава со хартија за печење и покријте ги со чиста крпа да нараснат дупло. 

Вклучете ја рерната на 200 степени и откако убаво ќе се загрее и крофните ќе ннараснат печете ги 15тина мин. Зависно од вашата рерна.

Украсете ги по желба. Јас ги потопував во растопено црно чоколадо 85% и додадов кикирики.

За Женски Магазин, готви Маја Зивчевиќ

Солени крофнички (во апарат за крофни)

Состојки
2 јајца
1/2 лажичка сол
100 мл. масло
220 мл. јогурт
10 лажици брашно
1 пециво
1/2 лажичка оригано
1 лажичка шарена сол
30 гр. пилешка салама (многу ситно рендана)
околу 1 лажица бело сирење (ситно рендано)
Дополнителни состојки на сликата
1 јаболко
ореви и лешници (количина по желба)

 Со миксер пенесто се матат јајцата и солта, се додава маслото и јогуртот.
- Се додава брашното кое е просеано и измешано со пецивото, се мати со мала брзина на миксерот.
- Потоа се ставаат сите останати состојки и убаво се мешаат да се добие смеса погуста од таа за палачинки.
- Апаратот за крофни се пушта да се загрее, а за тоа време од смесата се става во шприц или пак во кеса за замрзнување на која и е отсечен врвот. Дупчињата на апаратот се намрсуваат со малку масло и внимателно се полнат со смесата.
- Крофничките се печат 5-6 минути, а потоа се превруваат од другата страна 1 минута. Додека се печат се полни нова смеса.

Забелешка
Зависно од впивливоста на брашното се додава или одзема малку од него, важно е да се добие смеса погуста од смеса за палачинки.
Саламата и сирењето се рендаат на најситна страна на рендето за да може убаво да оди низ шприцот или кесата.
Одлични за именден, ужинка, мезе ...

Состојки
175мл млеко
40гр путер
400гр брашно
1 пакетче сув квасец (7гр)
50гр шеќер
прстофат сол
1 јајце
1 жолчка
1 лажица какао во прав
Шеќерен прелив
50гр шеќер во прав
1-2 лажички сок од лимон (или вода)
За полнење
1 пудинг од ванила подготвен според упатсвото, или готов пудинг од ванила

Млекото и путерот ставете да се загреат додека путерот се стопи. Оставете да се излади до млако.
Во длабок сад ставете го брашното, шеќерот, квасецот, солта, јацето и жолчката, додадете млекото со путерот и изматете ја смесата со миксер со маталките за тесто. Матете некои 4-5 минути па потоа префрлете го тестото на лесно набрашнета површина и со набрашнети раце продолжете со месење уште 5-6 минути. Тестото е лепливо ама такво треба да биде, не доставајте повеќе брашно. Доколку ви лепи на површината на која месите, помогнете си со шпатула за подобро да можете да го измесите.
Поделете го тестото на два еднакви дела. Едниот дел, растегнете го малку со раце и во средина ставете го какаото. Преклопете од сите страни и замесете повторно. Ако ви е полесно, вратете го тестото во садот каде матевте и со миксерот изматете го. Двете теста ставете ги во посебни садови, затворете ги со стрч фолија и оставете ги на топло да стасаат (отприлика 1 1/2 час).
Премесете ги, вратете повторно во садовите, покријте со стреч фолија и ставете ги во фрижидер да отстојат најмалку 3 часа. Јас тестото го подготвувам од вечер и го оставам преку ноќ во фрижидер.
Двете теста извлечете ги на набрашнета површина во кори со дебелина од 1 см. Темната кора ставете ја врз светлата и замотајте ролат. Ролатот развлечете го во кора со дебелина од 1см. Така ќе добите тесто во црно-бели слоеви. Со чаша вадете форми со големина од 8 см.
Тестото што ќе ви остане од краевите, замесете го кратко и повторно сечете форми....сега веќе ќе добиете марморна мустра. Сечете повторно форми со чаша.
Крофните редете ги на крпа, покријте ги и оставете да стасуваат.

Пржете ги на умерена температура (кај мене на 4 од 9) од двете страни. Вадете ги на кујнска хартија да се исцедат од вишокот маснотија и оставете малку да подоладат. Внимателно со нож, отстранете им ја средината одозгора.
Пудингот подгответе го според упатството, оставете да се излади. Кога ќе биде млак, изматете со миксер за да добиете мазна смеса и ставете во кеса за замрзнување на која ќе и го исечете врвот.
Шеќерот во прав измешајте го со сокот од лимон (или водата) за да добиете хомогена смеса. Ставете во кесичка за замрзнување на која ќе и го отсечете врвот.

Крофните напрскајте ги со шеќерниот прелив и полнете ги со пудинг.
Одозгора можете по желба и да ги наросите со шеќер во прав.

Од оваа количина на состојки мене ми излегоа 10 крофни.

Со овој рецепт ги заокружувам двете стотки на споделени рецепти на странава. Па и време беше после четири години, нели? :))))
Некогаш ме имаше почесто, некогаш поретко...но редовно си ја следам странава, редовно ги следам сите споделени рецепти од членките. Со текот на времето, странава си стана и моја онлајн датотека на мои омилени рецепти, за кое сум и многу благодарна за нејзиното постоење.
Ве поздравувам сите со надеж за долгогодишна дружба. :)

Davе’s Kitchen: Плетени кифлички

Вкусни плетени кифлички кои се топат во устата.

Потребни состојки:

• 400 гр. брашно 
  
• 170 мл млако млеко 
  
• 2-1/2 лажички инстант квасец 
  
• 60 гр. шеќер 
  
• 2 јајца 
  
• 60 гр. масло за јадење 
  
• 1 лажиче сол

За премачкување:

• 1 жолчка 
  
• 2 лажици млеко 
  
• сусам 
  
• путер по желба

Начин на подготовка:

Најпрво замесете тесто од сите сотојки и оставете да стаса околу 90 минути. 
Поделете го тестото на 12 еднакви делови и секој од тие делови поделете го на половина. Направете две долгнавести ленти и ставете ги една врз друга во форма на крст. Повлечете ги краевите хоризонтално во обратен правец сè додека не се формира убава плетенка. 
Оставете ги да стасаат околу 45 минути и премачкајте ги со изматена жолчка и 2 лажици млеко. 

Одозгора нарусете сусам и печете на загреана рерна околу 25 минути или додека не добијат убава златно-кафена боја.

Dave’s Kitchen: Вкусни Божиќни кифлички