Почина пејачката од Roxette на 61-годишна возраст по долга битка со рак

Мари Фредриксон ја изгуби долгата битка со ракот. Пејачката од дуото Roxette почина на 61-годишна возраст.

„Мари ни остави огромно музичко наследство. Нејзиниот неверојатен глас, кој беше и силен и сензитивен, како и нејзините магични настапи во живо ќе бидат запаметени од сите кои имаа среќа да ги проследат. Но, ќе се сеќаваме и на прекрасна личност со огромен апетит за живот и жена со големо срце која се грижеше за секој што ќе го сретнеше“ - се вели во соопштението на менаџментот.

Мари беше успешен соло изведувач во Шведска, но стекна светска слава во 80-тите години откако со Пер Гесле ја создадоа групата Roxette. Нивните фанови веднаш ќе ги набројат хитовите „It Must Have Been Love“, „The Look“, „Listen to Your Heart“, „Joyridе“ и „Fading Like A Flower“.

На Мари ѝ беше дијагностициран рак на мозокот во 2002 година, но по лекување со агресивна терапија, таа се опорави и во 2009 година се врати на сцената. Во 2016 година, докторите ја посоветуваа да се повлече и да го стави здравјето на прво место, бидејќи се соочуваше со проблеми предизвикани од радиотерапијата користена за лекувањето на ракот.

„Мари Фредриксон почина утрово на 9 декември како резултат на нејзина претходна болест“ - стои во соопштението на ужаленото семејство.

Денеска се навршуваат две години од смртта на Џорџ Мајкл, но на неговиот гроб во Северен Лондон и натаму нема споменик.  Неговите обожаватели се многу лути поради тоа и коментираат декатоа е “срамно и непоштено“.

Џороџ Мајкл почина на католички Божиќ во 2016 години, а погребан е во март 2017 година, покрај мајка му, на гробиштата Хајгејт. На гробот е само сив крст од камен на неговата мајка.

По неговата смрт е откриено дека Џорџ донирал огромна сума пари во добротворни цели, а авторските хонорари од неговите најпознати синглови одат на сметката на Организацијата за сида во Лос Анџелес.