Закон за здравствено осигурување

Morfeus напиша: Ме интрересира дали невработените ќе можат да се пререгистрираат во Фондот за здравствено осигурување и после 1 Септември? Или мора да се запази рокот? Се разбира дека додека не се пререгистрираат нема да бидат здравствено осигурани, но не се проблем сигурно неколку дена, ако на тој начин би се избегнале гужвите и хаосот.

Согласно Законот за изменување и дополнување на Законот за здравствено осигурување (Сл. Весник на Р. Македонија, бр.53 од 14.04.2011 година) одредбите од овој закон, кој се однесуваат и на основот за здравствено осигурување на невработените започнуваат да се применуваат на 01.09.2011 година.

Законот не прави пречка и понатаму некој да се пререгистрира, никаде не постои изречна одредба дека после тоа нема да може да се врши регистрација. Ако така го толкуваме тој член, тогаш секој кој ќе стане невработен после 01.09.2011 треба да остане здравствено неосигуран, што секако е парадоксално.

Тоа е словото на законот, според кое невработените го остваруваат ова право. Некои извори од фондот велеа дека ќе можело и понатаму невработените да се регистрираат, но дека тие денови нема да бидат здравствено осигурани, но според други извори, невработените нема да можат да се пререгистрираат.

Најдобро е веднаш да се појде и да се пререгистрира, затоа што мошне е мал бројот на пререгистрирани, па не се знае до кога и како ќе се заврши со сето тоа.