Што да подарите за празниците...

 

  За мене  најдобар, најубав, подарок е  книга !

 

Од неговиот подарок можете да извлечете некои заклучоци - како партнерот ве гледа, што мисли за вас и што очекува од вашиот однос. Значи, што ви подарил?

Чоколадо, бомбониера и слично се чест подарок на почетокот на врската (доколку сакате слатко). Ако веќе некое време сте во врска и обожавате слатки, а тој ви го подари омиленото чоколадо, работата е јасна - доволно ве познава и знае што сакате и баш тоа ви го подарува.

Доколку сте на почеток на врската, подароците од овој тип значат дека тој се обидува да ве импресионира, но сеуште добро не ве познава (па ви подарува нешто што е општо во светот на подароците) и не ве гледа како некој посебен (што со време може да се измени, се разбира).

Ви подарил нешто за што и самиот би сакал да го има.? Тоа зборува за убав однос - тој ве гледа како своја втора идеална половина. Дури и ако тоа не е подарок за кој сте сонувале, секако треба да го цените она што сака да ви го каже со подарокот.

Подарувањето на накит, како и подарувањето чоколади или бомбониера, на извесен начин се општи подароци, но со поинакво значење.

Имено, ако ви подарил накит, смета дека сте убави и сака да го подигне вашиот однос на повисоко ниво. Плус со тоа сака на целиот свет да му покаже дека сте негови и дека се гордее со тоа.

Поклончиња од типот, кадифени играчки некои жени ќе ги сметаат навредливи, затоа што мислат дека партнерот се уште ги смета за девојчиња, а не за жени.

Не грижете се, тој знае дека не сте дете. Можеби се почувствувал малку повеќе сентиментален, а можеби сте со партнер кој сака малку повеќе нежност и на кој не би му пречело да стане татко.

Да нема забуна, плишаното мече или нешто слично за подарок не значи „ајде да правиме бебе“- може да значи и дека сте му се на светот, комплетно семејство и дека е многу среќен сега и овде со вас.