Сок од моркови и портокал

Ароматична диња

Потребно:

* 1 диња (околу 1 кг)
* 1 лажичка ливчиња од свежо нане
* 2 лажици вињак

Приготвување: добро изладената диња пресечете ја на половина и исчистете ја од семките. Меснатиот дел од дињата издлабедете го, исечете го на коцкички или обликувајте топчиња и посипете го со сечканото нане. Коцкичките (или топчињата) посипете го со вињакот, ставете ги во издлабената половина на дињата и послужете ги.

Во топлите летни денови исхраната треба да му даде енергија на организамот, но и доволно количина на вода. Затоа наоружајте се со овошје и зеленчук, како и јогурти и сладоледи и уживајте во летото без проблеми.

Главно обележје на летните денови е топлината, па затоа храната која сте ја јаделе во постудените денови сега веќе не доаѓа во предвид. Тешката храна создава чувство на тежина во желудникот, го зголемува потењето, а понекогаш може да предизвика и дехидрација. Затоа за да немате проблеми, најдобро е да ја прилагодите храната на летото. Одберете храна која нема да Ве оптеретува, а и позитивно ќе делува на Вашата линија.

Супа
Супата е одличен летен оброк кој може да се конзумира за ручек или вечера. Супата може да се јаде топла или ладна, но важно е да биде бистра. Каква супа и да одберете, нема да погрешите. Супата го подобрува варењето, го забрзува метаболизамот и благотворно делува на целиот организам.   

Овошје
Овошјето е добро во секое годишно време, но во лето е идеално. Летото ни нуди најразлични видови на овошје, па жално е да не ги искористиме. Затоа одберете било кое овошје и јадете го во неограничени количини. Настојувајте секој меѓу оброк да биде овошен, телото ќе Ви биде многу благодарно за тоа.

Зеленчук
Зеленчукот може да се јаде свеж или сварен. Јадете домати, краставици, пиперки и останат зеленчук богат со вода и витамини. Ова позитивно ќе делува на Вашето здравје, но и на линијата.   

Варена храна
Наместо печена и тешка храна, јадете варена и лесна. Конзумирајте риба или пилешко месо со многу зеленчук. Варената храна е полесна и телото полесно ја поднесува, а тоа е одлично за летниот период.   

Салати
Во топлите летни денови одлично делуваат салатите од свеж зеленчук. Можете да им додадете сирење или малку зачини, но не претерувајте со зачините. Можете да ги јадете како прилог со месо или само салата.   

Овошни јогурти и сладоледи   
Освен овошје за вечера може да си дозволите овошен јогурт или сладолед. Сепак со сладоледите внимавајте да одберете некој кој нема многу додатоци. Идеални се овошните сладоледи кои ќе Ве освежат, а немаат многу калории. Овошниот јогурт пак можете да го јадете во текот на целиот ден и добро ќе Ви дојде на високите температури.

еве и една многу популарна рецепта баш за овој период

Жетварка салата