Потребни состојки:

• Осум парчиња леб по желба или четири мали погачи
• 4 портобело печурки
• 2 лажици оцет
• 2 зелени пиперки
• 1 модар патлиџан
• 2 чешниња лук
• 2 лажици пармезан
• 200 гр. овчи кашкавал
• 4 лажички мајонез
• 50 гр. лупен сончоглед

Припрема:

Добро измијте ги портобело печурките, отстранете им ги стеблата и полијте ги со оцетот. Оставете ги во покриен сад да отстојат 12 часа во фрижидер.

Испечете ги пиперките и излупете ги, па оставете ги да се изладат. Испечете го модриот патлиџан и излупете го, па и него оставете го да се излади. Ситно исецкајте го лукот и промешајте го со мајонезот.

Врз секое парче леб намачкајте малку мајонез со лук. Врз 4 парчиња леб ставете по половина излупена пиперка и парче модар патлиџан. Врз нив изрендајте кашкавал, па посипете лупен сончоглед. Одозгора ставете по една печурка и наросете пармезан, па поклопете со преостанатиот леб.

Во загреан тостер ставете ги сендвичите да се запечат, се додека не се растопи кашкавалот. Послужете во чинија за сервирање. Добар апетит.

Марта Стјуард, една од најпознатите готвачки на светот, беше гостинка во шоуто на Опра Винфри, каде ја презентираше својата брилијантна идеја за бар за сендвичи. Доколку планирате забава, ви предлагаме да ја пробате идејата на Стјуард за поставување на бар каде вашите гости ќе може да изберат каков тост сендвич сакаат. Имено, ви предлагаме да им понудите на вашите гости најразлични видови на леб, кашкавал, зеленчук и сосови и да им дозволите самите да си ја изберат својата омилена комбинација, која потоа ќе ја потпечете на тостер.

За вечера со 10 луѓе:

Потребни состојки:

• 40 парчиња различни видови на леб
• Зеленчук по желба: домат, пиперки, краставици, кромид, зелени пиперки,
• Салама по желба: пилешка прса, шунка, сланина, пршута, печеница, мортадела, свински врат.
• Кашкавал по желба: тост кашкавал, кравји, овчи, мешан, зачинет, пармезан
• Зачини по желба: магданос, босилек, оригано, мајоран, мајчина душичка, нане
• Сосови по желба: кечап, мајонез, сенф, павлака, тартар, сос од рен, малиџано
• 300 гр. путер.
• Сол и црн пипер

Припрема:

Секое од парчињата леб намачкајте го со путер. Откако гостите ќе изберат што се сакаат во својот тост сендвич, наредете ги состојките врз едното парче леб, но притоа внимавајте кашкавалот да биде најдолу.

Вака приготвенот сендвич ставете го во претходно загреан тостер и печете се додека лепчето не се потпече и кашкавалот не се стопи. Тост сендвичите послужете ги во чинија за сервирање, а на гостите понудете им топче павлака или крем сирење. Добар апетит!