Манчестер сити подготви 250 милиони евра за Кристијано Роналдо!

Изменето од емил - 30.Март.2012 во 12:12

Манчестер Сити со рекордна загуба до 194,9 милиони фунти

Ова е рекордна загуба, во една финансиска година, во англискиот фудбал, и само покажува колку големи инвестиции направил Шеикот Мансур за да го трансформира Манчестер Сити од просечен клуб во 2008, до лидер на табелата во Премиерлигата во овој момент.

И покрај тоа што ’Граѓаните’ за сезоната 2010/2011 прикажаа загуба од 194,9 милиони фунти, управата на клубоt не е загрижена и ваквите бројки биле очекувани поради стратегијата за забрзано вложување.

Во финансискиот извештај, Сити објави нето загуба од 160,5 милиони фунти како и ’додатни вонредни расходи’ од 34,4 милиони фунти.

’Граѓаните’ имаат среќа што сеуште не се применува финансискиот фер-плеј на УЕФА, па нивното место во Европа не е загрозено.

Сепак, се очекува идните финансиски извештаи да бидат далеку подобри со оглед на тоа дека неодамна беше потпишан мега договор со авиокомпанијата Етихад, за кого се пишуваше дека е вреден 35 милиони фунти по сезона а клубот ќе заработи и неколку десетици милиони од настапот во Лигата на Шампионите.

Од таборот на Сити исто така потенцираат дека комерцијалниот приход се зголемил за 49,7% а исто така се зголемил и приходот од ТВ правата за 27,4%.

Вкупниот приход е 153,2 милиони фунти, и за прв пат ја надмина границата од 150 милиони.

Насри пред потпис со Манчестер Сити

Иако се уште нема официјална потврда, Насри во Манчестер Сити за предвремен раскин на договорот со Французинот на Арсенал ќе му плати обештетување од 25 милиони евра. Анонимни претставници од преговарачкиот тим на Манчестер Сити изјавија дека Насри се согласил на трансферот, а во новиот клуб, францускиот репрезентативец годишно ќе инкасира сума од 5,3 милиони евра. Токму Насри беше еден од приоритетите на Манчестер Сити, кој во меѓувреме ангажираше уште еден фудбалер на Арсенал, Гаел Клиши, а дефанзивниот ред на тимот предводен од Роберто Манчини го засили и репрезентативецот на Црна Гора и досегашен член на Партизан, Стефан Савиќ. Насри во периодот од 2008 до 2011 година за Арсенал одигра 124 натпревари и постигна 27 погодоци. Манчестер Сити успеа да ја добие битката за ангажирањето на Насри, а во конк*ренција беа уште градскиот ривал, Манчестер Јунајтед, Челзи и Барселона.

Манчестер Сити го освои ФА Купот

Манчестер Сити - Стоук 1:0 (0:0)
Јаја Туре 75'

Фудбалерите на Манчестер Сити по петти пат во клупската историја, а прв пат по 42 години го освоија ФА Купот, откако во финалниот меч на "Вембли" ја победија екипата на Стоук, која по прв пат се најде во позиција да се бори за престижниот трофеј.

"Граѓаните", беа подобар противник во поголемиот дел од мечот, а голот на одлука беше постигнат од страна на Јаја Туре, кој со силен удар од казнениот простор го матираше голманот Соренсен.

Сити така успеа во добра мера да ги наплати огромните пари вложени во тимот предводен од тренерот Манчини, бидејќи претходно избори пласман во квалификациите за Лигата на Шампионите, а сега го освои и првиот трофеј по 35 години пауза.

Балотели упати навредливи критики кон Мурињо, Меси и англиските медиуми

Марио Балотели е повторно во центарот на вниманието со контроверзната изјава во која нагласи дека Жозе Мурињо треба да научи да се однесува пристојно, дека Лионел Меси не ја заслужи Златната Топка, дека Англиските медиуми се непрофесионални... Играчот на Манчестер Сити во својата изјава за La Gazzeta dello Sport во рубриката extra time даде серија критики и обвинувања кон неговите колеги и медиумите. Балотели му се придружи на Франц Бекенбауер и се надоврза на неговата изјава дека Португалскиот стратег не знае за добро однесување. "Мурињо е најдобриот тренер на светот, но треба да научи што се манири и почитување" - изјави Балотели. Не е тајна дека Балотели и Мурињо имаа несогласувања во Интер, но во никој случај напаѓачот не е компетентен да дава вакви констатации. Балотели е лут и на Англиските медиуми откако објавија дека тој ја изневерувал неговата девојка Софи Мид (која воедно е модел и победник во реалното шоу Големиот брат) со нејзината најдобра пријателка за време на Новогодишната вечер додека сите се наоѓале во истиот стан, па изјави дека не знаат да работат, а додаде и неколку зборови за неговите соиграчи од Манчестер Сити. "Адам Џонсон има одлична техника, Емануел Адебајор е најсмешен, а Патрик Виеира и Александар Коларов многу ми помогнаа кога дојдов тука" - додаде Балотели. "Мислам дека англиската лига е далеку понапредна од другите, но медиумите пак не ги бива за ништо" "Се што можам да кажам за Софи е дека се видовме еднаш и потоа почна да ме бомбардира со пораки, додека една од нејзините пријателки многу повеќе ми го привлече вниманието" "Скудетото мислам дека ќе го освои Милан, но ако размислам поубаво би рекол тимот кој ми даде многу - Интер" "Најдобар играч во Серија А е Златан Ибрахимовиќ, тој е играч од друга планета, а би го избрал Себастијан Џиовинко како најдобар млад италијански играч" "Мислам дека Меси не ја заслужи Златната Топка, наградата требаше да ја добие Весли Снајдер".

Изменето од емил - 18.Јануари.2011 во 06:58

Големите ѕвезди не сакаат во Сити

Неколку познати светски фудбалери одбиле да се преселат во Манчестер Сити во последните два дена од летниот преоден рок, открија англиските медиуми. Станува збор за Златан Ибрахимовиќ, Марко Бориело, Фернандо Торес...

"Секоја чест за нив, но тие се тим на иднината. Треба да чекаат, а јас немам време за чекање. Имам доволно години и сакам нешто да освојам", изјави Ибрахимовиќ откако дојде во Милан.

И Марко Бориело беше цел на "граѓаните", но повремениот италијански репрезентативец одлучи да остане во татковината.

"До последен момент се обидуваа да го донесат, но тој сакаше во Рим", откри агентот на Бориело.

Сити се обиде и со Фернандо Торес и тоа по вторпат откако арапските милијардери го презедоа клубот. Уште еднаш неуспешно.

"Немаше шанси, едноставно Фернандо не сака во Сити и ништо не се сменило во последните месеци", велат извори од Ливерпул.

Ако на тоа се додаде Буфон, јасно е дека се уште постојат фудбалери кои се имуни на арапските милиони.