Сите луѓе, од време на време пијат сокови, кои освен што ќе ги освежат ќе им донесат и многу здравствени придобивки. Доста популарни се соковите од портокал, ананас, праски, банани, но малку се познати придобивките од пиењето сок од вишни. Тој има киселкаст вкус и во себе содржи многу витамини кои придонесуваат да имате енергија во текот на целиот ден.

За се ова е заслужен мелатонинот, антиоксиданс кој го има во големи концентрации во вишните, а кој е неопходен за добар сон. Милиони луѓе во светот имаат проблеми со спиењето. Некои тешко заспиваат, а други, пак, често пати се будат во текот на ноќта. Тоа резултира со хроничен замор, депресија, безволност, но и со сериозни здравствени проблеми. Недоволното спиење е поврзано со цел низ на хронични заболувања и состојби како што се дијабетот, кардиоваскуларните заболувања, дебелината, депресијата.

Научниците откриле дека природниот и вкусен сок од вишни помага при проблемите со спиењето. Ова го потврдиле резултатите од истражувањето во кое учествувале 15 возрасни лица. Научниците од Универзитетите Pennsylvania и Rochester, за да го испитаат дејството на киселкастиот сок од вишни на процесот на спиење, ги поделиле испитаниците во две групи. Едната група испитаници во тек на две недели пиела наутро и навечер по 2 децилитри сок од вишна, додека другата група испитаници пиела плацебо напиток.