Едно-две, и оп - промени на уставот

Ne te razbiram sho sakash da kazesh so citiatov od pravilata na forum .

Pozdrav prijatele novace

Уставот нема да се чепка за веронауката

Билјана Јовановска

Претставниците на петте верски заедници набележани во највисокиот правен акт, на последната средба која не била на ниво на поглавари, не покажале подготвеност да се менува Уставот за да се врати веронауката во образовниот систем.

Иако искуствата со веронауката се различни, некои дури и не одржуваа настава, сите се единствени дека сакаат таа да биде дел од државниот образовен систем и со таков став ќе излезат неделава.

Не кријат дека училниците можеби и не се најсоодветниот простор за молитви и запознавање со сопствената вера, но, веројатно поради финансискиот момент, ќе инсистираат веронауката да се врати во училиштата.

Откако прво жестоко ја искритикуваа одлуката на Уставниот суд со која се избриша спорната одредба од Законот за основно образование, верските водачи решија да не ја брануваат јавноста и да не предизвикуваат дополнителни реакции.

Дознаваме дека таквите препораки, всушност, ги добиле од Владата, па сега се' е ставено во функција да се изнајде законско решение за враќање на веронауката, а тоа да не биде спротивно на Уставот.

Се размислува, на пример, за преименување на предметот, а содржините да останат исти.

Проф. Саво Климовски смета дека не може да се оди на ад хок решенија, бидејќи вака ќе имаме дневниполитички пазарења со највисокиот правен акт на државата кои влијаат на слабеењето на самите институции. Освен промена на Уставот, тој не гледа друго решение за веронауката да се врати во државните училишта, меѓутоа смета дека тоа не е ниту препорачливо ниту едноставно, бидејќи се внесува елемент со кој се урива секуларниот карактер на државата без да се внимава на целината на вкупното живеење и однесување, а се покажува интерес само за еден негов сегмент.

Но, проф. Климовски е категоричен дека „тоа не е прашање за кое би требало да решаваат верските заедници, туку ако веќе сакаат уставни промени, на заедничка маса треба да седнат политичките лидери и правни експерти и да се договорат каков тип држава сакаат и, конечно, што и' одговара во дадениот момент на Република Македонија“.

Климовски не е поборник на линијата која не е за никакви корекции во Уставот, бидејќи тој содржи многу неусогласени одредби. Сепак, јасно е дека секое посегање по Уставот е своевидно отворање на Пандорината кутија. Оние кои ќе се одлучат на уставни измени мора да бидат подготвени на предлози и барања од најразличен вид, како што се, на пример, со одредба да биде регулирано потпретседател на Собранието да биде Албанец, да се отвори прашањето на следните претседателски избори шефот на државата да не го бираат граѓаните, туку пратениците во парламентот, па иницијатива за дводомен парламент, за федерализација на држава преку децентрализацијата...