ХРИСТИЈАНСКИ КАЛЕНДАР: ДЕНЕС СЕ СЛАВИ

 

Христос беше родум од Витлеем Јудејски. Беше столар, а во верата ги надвисуваше сите вероучители. Проповедаше живо слово, не како фарисеите, туку како Оној што има власт. Многу народ почна да врви по Него. Заради тоа фарисеите и вероучителите се исполнија со горчлива завист и решија да го погубат. Во Негово време Ирод беше четворовласник,  а Понтие Пилат управител со Јудеја. Фарисеите Го накодошија Исуса дека го бунтува народот против царот, дека си прави Самиот Цар и дека рекол оти ќе го урне храмот во Ерусалим и ќе го соѕида пак за три дни. Заради тоа го осудија на маченичка смрт. Го удираа со тупаници, Го плукаа, Му удираа плесници говорејќи: „Проречи ни, Христе, кој Те удри?” Му кладоа венец од трње и Го исмејаваа. Најпосле го одведоа на Голгота, Му забија клинци во обете раце и нозе и Го распнаа на крст. Откако претрпе се, Му ја предаде душата на Бога. Пострада во 33 година.