Најубави велигденски јајца

 

 

Различните култури развиле и различни начини на украсување на велигденските јајца.......
Во секоја земја Велигден се прославува слично, но постојат специфични мали разлики и обичаи кои се практикуваат поодделно.

1. Во Грција најраспространети се темно црвените јајца кои се мешаат со многу малку сина боја и се добива нијанса на пурпур.

2. Во делови на Германија и Австрија на Велики Четврток се користат зелени јајца.

3. Австриските уметници ги варат јајца со гранче папрат околу нив. Потоа кога ќе го извадат, на јајцето останува насликана папратта.

4. Словенските народи ги украсуваат велигденските јајца со посебен вид сребрена и златна боја.

5. Полјаците и украинците ги украсуваат јајцата со едноставни бои и шари. Одреден број јајца се украсуваат на поинаков начин и тие се наречени pysanki.

6. Во Босна, Хрватска, Германија и некои други земји јајцата служат како украс. Со помош на игла се дупнува јајцето и се испразнува во сад, а празната лушпа на Велигден се реди на дрва и грмушки.

7. Ерменците, ваквите празни јајца ги украсуваат со ликот на Исус, Дева Марија или некои други религиозни мотиви................

Изменето од bijonse1 - 02.Април.2010 во 16:31

             
Цртање со восок
Цртањето со восок е еден од традиционалните начини на украсување на јајцата. Железно перо прицврстено на дрвен држач се потопува во растопен восок, па на тврдо варено јајце се изработуваат ликови. Перото постојано се загрева на свеќа, така што со восокот подобро се работи. Кога восокот ќе се стврдне на јајцето, тогаш потопете го јајцето во боја, а потоа тргнете го восокот. На тој дел каде што бил восокот ќе остане необоен.

Камени јајца
За јајцата да изгледаат како да се од камен или од мермер, секое одделно завиткајте го во газа или некоја ткаенина. Потоа јајцето спуштете го во врелата вода во која сте раствориле сина боја за вапсување. Од сварените јајца отстранете ја газата или ткаенината и ќе добиете јајца со различни шари, а нијансите на сината боја ќе се движат од најсветли до темносини тонови.


Изменето од bijonse1 - 02.Април.2010 во 16:21

Природно вапсување на јајцата
Пред вапсувањето јајцата убаво измијте ги со вода во која сте додале малку оцет или лимонов сок, а потоа изберете зеленчук, овошје или тревки со кои ќе ги варите јајцата и така природно ќе ги обоите. Еве кои бои можете да ги добиете на овој начин:
Светло кафеава: лушпи од кромид (сварете ги лушпите од кромидот, а потоа во водата ставете ги јајцата и оставете ги да отстојат неколку часа, или во текот на целата ноќ - ако сакате потемна боја).
Портокалова: рендан морков
Светло-жолта: цветови од камилица
Зелена: спанаќ и коприва
Виолетова и темно-црвена: цвекло
Светло-црвена: ротквички или кора од врба.