КОШАРКА - новости

Евроинс Црно Море победи македонскиот Работнички со 96:61 како гостин во натпревар од претпоследното круг на регуларната сезона во Балкансканта лига. Успевот беше од голема важност за варненци, кои речиси си обезбедија второто место во групата А. Останува им еден натпревар со црногорскиот Ловчен дома во почетокот на следниот месец, а победата во него ќе им обезбеди втората позиција. Загуба ќе ги прати четврти во групата. Така Четвртфиналниот Евроинс Черно Море речиси сигурно ќе се соочи со третиот тим од групата В, најверојатно ОКК Белград. Досега "морнарите" имаат 4 победи и 3 загуби. За Работнички загубата е без значење, бидејќи тие се на последното место во групата А и немаат шанси за пласман понатаму. 



За победниците најдобриот беше младиот Тихомир Желев, заврши со 16 поени, 5 асистенции и 4 борби. 15 поени додаде капитенот Симеон Ценови, а по 12 нанизаа Гери Уеар и Александар Јанев (11 борби).

За Работнички Енес Хаджибулиќ заврши со најмногу поени - 21. По 10 добавиха Марко Симоновски, Марко Докузовски и Марјан Тодоров. 

Исток го победи Запад во „Ол стар“ викендот

Традиционалниот дуел во НБА лигата меѓу Исток и Запад познат како „Ол стар“ заврши со минимална победа на Исток од 141:139.

Натпреварот во Далас го следеа рекордни 108.713 гледачи. Сега билансот е 36:24 во победи за Исток.

За најдобар играч на 60-тиот „Ол стар“ е прогласен Двејн Вејд од Мајами, кој реализираше 28 поени, 11 асистенции, 6 скокови и 5 украдени топки. Во неговиот тим Леброн Џејмс постигна 25 поени, а Крис Бош 22.

Кај поразениот тим најефикасен беше Кармело Ентони со 27 поени, но го промаши последниот шут за три поени и за победа на неговиот тим.

Партизан го победи Панатинаикос во Евролигата

Кошаркарите на белградски Партизан направија големо изненадување на стартот од фазата „Топ 16“ во кошаркарската Евролига.

Тие како гости го совладаа актуелниот европски првак Панатинаикос со 64:59, во рамките од првото коло на четвртфиналната група Е.

Освен дуелот во Атина, синоќа се играа натпревари во Москва каде ЦСКА беше подобра од шпанската Уникаха со 86:78 (Г група) и во Мадрид каде Реал го порази Ефес Пилсен со 77:70 (Ф група).

Вечерва се играат преостанатите пет натпревари од првото коло во кои се среќаваат:

    * Барселона - Маруси (група Е)
    * Монтепаски Сиена - Макаби (група Ф)
    * Проком - Жалгирис (група Г)
    * Химки - Цибона (група Х)
    * Каха Лаборал - Олимпијакос (група Х)

Ako deckive ja pobedat Grcija, treba na site da im se dade orden od najvisoko drzavno nivo. So site pocesti sto sleduvaat.

Македонските кошаркари ја совладаа Полска со 95-88

Македонските кошаркари ја совладаа Полска со 95-88 во натпреварот за третото место на супер-купот во германскиот град Бамберг.

За разлика од соочувањето со домашната селекција на Германија, денеска нашите репрезентативци имале негатива во поголемиот тек од средбата, а потоа со пресврт во вториот дел ја направиле позитивата за победа против Пољаците.

Противникот отворил со серија од 13-4 за пет минути, создал плус-11 по првата четвртина и предност од 15 коша на полувремето, 51-36.

Македонија се доближила во третиот период кој завршил со 30-21 за нас, а потоа во решавачкиот со позитива од 29-16 составот на селекторот Јовица Арсиќ остварил победа против домаќинот на претстојниот евро-баскет.

Во отсуство на капитенот Врбица Стефанов, Мејси со 17 коша бил најефикасен во македонскиот табор, одличен настап имал и Војдан Стојановски со 15 поени, Перо Антиќ избројал 14, Тасовски завршил со 11, а Вашингтон со 10.

Ако не се смета променливата игра, според статистичките податоци, на денешниот натпревар Македонија поправила неколку слабости манифестирани на претходните контроли за Европскиот шампионат.

Пољаците имале само три офанзивни скока што значи дека добро сме го затворале рекетот и не сме дозволувале поени од втора шанса. Од друга страна, нашиот национален состав успеал да собере дури 40 топки под двата обрача.

Со лош ефект за три поена, седум прецизни од 27 обиди, Македонската селекција ја забележа третата победа во подготвителниот период за натпреварите во Познањ од седми до 10-ти септември против Грција, Израел и Хрватска.

Претходно двапати ја совладавме Словачка, а загубивме од Германија, од Европскиот шампион Русија и во два меча од Словенија.

Наредниот викенд македонските кошаркари ќе играат на Ефес купот во Анкара.

Мајсторите застанаа на "101"

НАШАТА НАЈДОБРА СЕЛЕКЦИЈА НА СМЕТКА НА СЛОВАЧКА ГИ ЗАПИША ПРВИТЕ ДВЕ ПОБЕДИ ВО ПОДГОТВИТЕЛНИОТ ПЕРИОД ЗА ПРЕТСТОЈНОТО ЕП


МАКЕДОНИЈА - СЛОВАЧКА 101:70

(21-12, 22-14, 27-20, 31-24)

Сала: "Билјанини Извори" во Охрид. Гледачи: Судии: 1000. Крстевски - Терзиевски - З.Митровски - сите од Скопје. Делегат: Макревски.

Играч п 3п 2п 1п ск ас Играч п 3п 2п 1п ск ас

Стефанов 7 1/3 2/8 0/0 3 4 Мајорош 13 1/5 4/6 2/4 4 1

Мираковски 0 0/2 0/0 0/0 0 3 Гавел 18 0/6 3/6 12/14 7 10

Вашингтон 14 4/4 1/3 0/0 3 4 Балдовски 0 0/1 0/0 0/0 1 0

Димитровски 6 2/4 0/1 0/0 1 2 Лосонски - - - - - - -

Соколов 7 1/4 1/3 2/2 3 3 Цервенка - - - - - - -

Блажевски 3 1/2 0/1 0/0 2 1 Новак 6 1/6 0/1 3/3 2 0

Д.Стојановски 4 0/1 2/2 0/0 2 1 Сикора 19 4/11 3/4 1/2 6 2

Николовски 8 0/0 2/2 4/4 0 0 Шалај - - - - - - -

Антиќ 17 1/4 2/6 10/11 11 2 Миклосик 0 0/0 0/3 0/2 7 1

Трајковски 7 1/2 2/2 0/0 1 1 Рерко 10 2/6 2/2 0/1 1 1

Мејси 13 1/1 3/5 4/4 8 2 Нубер 0 0/1 0/1 0/0 0 0

Самарџиски 15 0/0 7/11 1/3 12 0 Батка 4 0/0 2/2 0/0 3 0

Вкупно: 101 12/17 22/44 21/24 45 23 Вкупно: 70 8/36 14/25 18/26 31 15

Нашата најдобра селекција дојде и до втората победа на дуелот со Словачка, овој пат од 101:70.

Иако на крајот дојдовме до убедлив триумф, сепак, Јовица Арсиќ и неговите момци ќе треба уште многу да работат за да дојдат до врната форма која ја бара евробаскетот во Полска.

Можеби причина за различните одиграни периоди е постојаната ротација на играчите, односно рамномерното распределување на минутажата, што, пак, не дозволува да бидеме постојани.

Од друга страна, пак, вчера можеа да се видат насмевки на лицата кај сите. Играчите ги користеа сите моменти за атракција, а оние кои дојдоа да ги бодрат знаеја како да ги наградат, но и да ги мотивираат.

Како и да е, победничкиот ритам веќе е наметнат, а сега останува во наредниот период да се корегира сето она што во моментов не чини и не може да помине на континенталниот собир.

Првата четвртина ја почнавме во ист стил, стегнато, но се чини за разлика од првиот меч сега ни беше потребно малку време за да фатиме ритам.

Овој пат предводник на избраниците на Јовица Арсиќ беше Перо Антиќ, неговите 13 поени во овој дел од играта беа доволни за нашите момци по првата четвртина да имаат позитива од девет поени (21-12).

Практично подобро функциониравме под обрачите, освен Антиќ, тука беше и Мејси.

Расположените високи играчи на "црвено-жолтите" им донесоа високо водство, а на противникот главоболки, кој немаше решение за нашата игра.

Во шестата минута негативата од минус еден поени (11-12) со серија од 23-0 успеавме да ја претвориме во водство од плус 23 поени (35-12), додека на Словачка не & дозволивме да постигне девет минути ниту еден поен.

Во овој период почнаа да функциионираат и надворешните линии, а на изненадување на сите предводникот беше Дариус Вашингтон, кој реалираше осум поени.

Но се чини Арсиќ с$ уште ќе го мачи константноста во нашата игра. Иако судејќи според играта се очекуваше да ги "газиме" Словаците, сепак, забележавме пад, кој, за среќа, не траеше долго.

На нашето највисоко водство од 40-16 гостите ни направија серија од 10-0 и н$ спуштија на 40-26. За среќа, брзо следеше одморот, а пред него Кирил Николовски со своите први поени се избори на паузата да заминеме со 43-26. Во воведните минути по паузата не можеше да се види премногу квалитетна кошарка. На двете страни се играше неумешно, без некоја посебна реализација.

Словачка се обиде да ја намали негативата, но тоа и успеа на момент, дојде до минус 13 (45-32) и тука застана, а нашите момци предводени Џеремаја Мејси се врати на плус 20 (52-32) во 26. минута.

Желбата за висока победа пресуди, мотивот беше голем, па токму затоа ние продолживме да доминираме на теренот. Во 35. минута имавме плус 30 (82-52).

Тука и беше крајот за противникот, а почетокот за повеќе атрактивна игра.

Најефикасен во нашите редови беше токму Перо Антиќ, кој за 23:13 минути постигна 17 поени и фати 11 скока, кои беа доволни за дабл-дабл.

Предраг Самарџиски постигна два поени помалку, 15, но еден скок повеќе со кои исто така запиша дабл-дабл.

На двајцата кошаркари им се приклучија и двата натурализирани Американци, Мејси и Вашинготн, кои искомбинираа заедно 27 поени. На другата страна Даниел Новак со 19 поени беше прв стрелец.

Нашата најдобра сениорска селекција денеска продолжува со подготовките за ЕП во Охрид каде ќе остане најверојатно до сабота.

М. Ковачева

М. Постоловски

СЛИКА: ПЕРО АНТИЌ

Беше вистински лидер и нерешлива енигма - Перо Антиќ



РАМКА

Гечевски за кратко го напушти Охрид

Во таборот на нашиот тим недостасуваше Тодор Гечевски. Искусниот центар по првиот меч поради приватни проблеми морал да го напушти Охрид и замина во Кавадарци.

Но како што н$ известија од таборот на нашиот тим, тој уште денеска би требало да продолжи со подготовките.



РАМКА

Вашингтон дебитираше

Сосема очекувано вториот натурализиран Македонец дебитираше на вториот меч со Словачка. Дариус Вашингтон влезе во осмата минута, а ако се земе предвид дека само три дена е со нашите момци може слободно да се каже дека пружи одлична партија, но и добро се вклопи во тимот.

Американецот со македонски пасош во игра мина 18:22 минути за кои постигна 14 поени, имаше 100% реализација од линијата за три поени (4/4 за три, 1/3 за два поени), подели четири асистенции, фати три скока и украде исто толку.

СЛИКА: ДАРИУС ВАШИНГТОН

Одлично се вклопи - Дариус Вашингтон

РАМКА

Не бевме на ниво, но се брои победата

По поразите од Словенија и Русија, Македонија славеше против Словачка со резултат од 75-66.

Капитенот Врбица Стефанов го скрши мразот погодувајќи тројка под фаул, па по реализацијата на слободното фрлање поведовме со 4-0.

Немавме течна игра во првиот период, репрезентативците премногу солираа и мака мачевме да формираме сигурен напад. Словаците ги користеа нашите грешки и успеаја да стигнат до минимално водство, што значеше тајм аут за Јовица Арсиќ. На место нашите, по минутата одмор се разиграа гостите, кои со серија 7-0 го имаа највисокото водство 17-11. Капитенот ја презема палката, погодува повторно за три, асиситира до Тодор Гечевси и по првите десет минути на семфорот стоеше 19-19.

Не се подобри реализацијата ниту на стартот на вториот период, но затоа, пак, под конец одигра одбраната, која отвори доста простор за Мејси. Преминуваме во водство 21-19, следува серија на силното крило за предност 30-24.

Војдан Стојаноски погоди, а серијата ја заокружи Антиќ и за првпат Македонија е над плус десет 35-24. Гавел ја прекина нашата серија и го врати својот тин на полувремето на минус шест (36-30).

На стартот на третиот период Петровски ја почна својата игра. "Украинецот" нанижа пет поени во серија, а по поените на Тасовски на додавањето на Стефанов дојдовме до највисоки плус 14, (46-32) .

Но падна ритамот на игра по серијата замени, Словаците се консолидираа и со мини серии до финишот на периодот стигнуваат до подносливи 53-49 по три периоди игра.

Изедначено се играше во последниот квартал, игра "два на два" на Стефанов за Мејси, кој погодуваше без проблем. Нашиот капитен не остави ништо на случајност. Војдан Стојаноски со удари од надвор ја решеташе мрежата на гостите, по забивањето на Антиќ по асистенцијата на Трајковски беше скршен отпорот на гостите, а сето тоа охридска публика знаше да го награди и почна да ја прославува победата.

МАКЕДОНИЈА - СЛОВАЧКА 75:66

(19-19, 17-11, 17-19, 22-17)

Сала: "Билјанини Извори" во Охрид. Гледачи: 2000. Судии: Денковски - Цветановски - Павлов - сите од Скопје.

МАКЕДОНИЈА: Стефанов 22, Мираковски, Петровски 7, Димитровски, В.Стојановски 8, Блажевски, Тасовски 3, Гечевски 7, Антиќ 15, Трајковски, Мејси 11, Самарџиев 2;

СЛОВАЧКА: Мајорош 2, Гавел 22, Балдовски, Лосоноски, Червенка 8, Новак, Сикора 12, Шалај 4, Миклошик 4, Рерко, Нубер 2, Батка 12;

Фил Џексон - најтрофејниот тренер во NBA

Легендарниот тренер на Бостон Селтикс Ред Оербах, освои девет шампиноски титули. Сите до една ги прослави со пура која стана негов заштитен знак и која стана синоним за успех. Оербах обожавеше пури, и да беше жив сигурно ништо немаше да го спречи да запали и во арената. 

Тоа добро го знае и Фил Џексон кој со десеттата освоена титула викендов стана и официјално најтрофејсниот и најјуспешниот тренер во историјата на НБА лигата. "Ќе запалм една во негово име. Тоа беше голем човек" - изјави Џексон. Сепак и самиот Оербах не би можел да биде посреќен со фактот дека е симнат од тронот од една жива легенда на Американската и воопшто светската кошарка. Џексон ја освои десеттата титула во кариерата од кои шест со Чикаго Булс и неприкосновениот и единствен Мајкл Џордан, а четири со Коби и Лејкерси. Мора тука да се спомене и неизбежниот Шекил О'Нил кој беше дел од три титули освоени со Лос Анџелес. Томку овој факт го натера Коби да вложи дополнителни напори и да ја освои толку посакуваната тиула без Шек само за да докаже дека е способен тоа сам да го стори. Колку и да докажува Коби дека може без Шек толку мора да признае дека не може без Фил Џексон.

Човекот чии методи на работа влучуваат и медитација и читање книги ( во случајот на Тони Кукоч стрипови), не секогаш размислувал на кошарка и бавењето со спорт.

"Имав сопствен бизнис кои ми беше примарната дејснот во животот. Воопшто не размилував на кошарка или бавење со неа. Не одеше се како што треба, каматите на кредитите кои ги имав земено се накачуваа од 15 на 18% па морав да барам друга солуција, и во тој момемн сосема случајно излезе тренерската понуда во Албени ( нисколигашка ЦБА лига екипа). Тоа траеше околу пет месеци, и сфатив дека може добро да се живее од тоа. Ја освоивме титулата но сепак во тоа време се заработуваше не повеќе од 25.000 долари годишно не беа којзнае колку примамливи. Тогаш еден од вработените во клубот ми рече дека доколку сум среќен во тоа што го правам никогаш не треба да ја напуштам браншата. Тоа со време ќе ти се исплати. На моја голема среќа се долучив да го послушам и останав во кошарката не ни замислувајќи дека ќе станам најјуспешниот тренер во историјата на овој спорт.

 Самиот Џексон по активната кошаркарска кариера која траеше од 1967 до 1980 година и неговите две титули како играч на тимот Њу Јорк Никс не даваа никаков знак дека во него се крие најголемиот кошаркарски стратег на сите времиња. Неговиот легендарен триаголник формација во нападот остана енигма за целата лига и адут кој му ја донесе целата слава и успех. Иако судбината си поиграла со Фил Џексон и тој морал на потешкиот начин да сфати дека е едноставно роден да се бави со кошарка, тоа воопшто не го спречува да биде една од најмаркантните личности воопшто во историјата на спортот.