ТОШЕ ПРОЕСКИ - Книга на жалост

	Биографија на Тоше Проески Владата објави ден на жалост во Македонија

Загина Тоше Проески

Загреб /16/10/ 09:22/9:50/10:48/12:12

Македонската и балканската поп - рок мега ѕвезда Тоше Проески загина денеска на 26 години во сообраќајна несреќа во Хрватска.

Проески, според официјални информации, настрада во 6:20 минути по локално време кога возилото со кое патувал во насока на Загреб удрило во приколка на камион, а потоа се извртело и удрило во заштитната ограда.

Тоше загинал на местото на несреќата, потврдија за Макфакс од македонското Министерство за надворешни работи. Според непотврдени информации, тој во моментот на сударот спиел на совозачкото седиште од автомобилот.

Во несреќата се повредени и менаџерката Лилјана Петровиќ (49) и возачот Георгиевски Ѓорѓи (32), кои се хоспитализирани во болницата во Нова Градишка. Според хрватските медиуми, Петровиќ има полесни, додека возачот има потешки телесни повреди.

Според изјава на возачот на камионот Славиша Кузмановиќ, возилото „Фолксваген Туарег“ во кое се возел Тоше, со голема брзина удрило во приколката на камионот. Приколката, според информациите на Макфакс е со белградски регистерски таблички и била влечена од камион со италијански таблички

Несреќата се случила на клучката кај Нова Градишка во Западна Славонија, на делот од магистралата Липовац – Загреб.

Image 59669