Имотот на политичарите

Премиерот Никола Груевски како личен имот пријавил само дека поседува банкарски депозити - девизи на кредитни картички: 7.768 евра, 1.060 долари, 565 британски фунти, 59 швајцарски франци, како и 30.446 денари. На тековна сметка пријавил 331.588 денари. Премиерот има орочени 34.000 денари и 24.358 евра, 6.108 швајцарски франци и 167 долари. Во неговиот анкетен лист, од друг имот пријавени се само средства во готово 20.500 денари и камата од орочените депозити.



Јанкуловски има стечајно побарување
Вицепремиерот Живко Јанкуловски има куќа од 171 квадратен метар и мал стан на име на децата. Има автомобил "нисан сани" од 1996 година. Поседува акции и има стечајно побарување 504.000 денари плус камата. На тековна сметка има 2 илјади долари и 4 илјади евра како и 45.000 денари на кредитна картичка.


Габи има 52 уметнички слики
Вицепремиерката Габриела Коневска - Трајковска ја пријавила куќата на родителите од 250 квадратни метри, во вредност од 350.000 евра. Вози "ауди А6" од '96 година, а нејзиниот сопруг "опел астра 1,7 тди" од 2001 година, како и три мотоцикли. Како личен имот пријавила и накит од 10.000 евра. Има побарувања за заем од 18.800 евра. Има и побарување за поддршка на меѓународни активности од 54.000 евра. На девизната кредитна картичка има 5.800 евра, а како друг имот пријавила приходи од 48.000-50.000 евра годшно, како и колекција од 52 уметнички слики во вредност до 27.000 евра.


Ставрески поседува стан во Вашингтон

Вицепремиерот Зоран Ставрески пријавил како недвижен имот половина куќа во Охрид од 22 квадратни метри, половина куќа во Стар Дојран, стан во Скопје од 73 квадратни метри на сопругата и во Вашингтон, на "Чеви Чеис" од 9.177.000 денари како заеднички имот. И четвртината од куќата во Скопје е имот на неговата сопруга. Поседува "вартбург" од '91 година и "хонда цивик" од 2001. Како заеднички имот пријавил и 4.110 долари, 11.190 евра и 7.000 долари на девизни сметки.

ВЕСТ 01.08.07

    - Дајте некоја помош да им дадеме зашто ќе умрат гладни и без место за живот