Ермира Мехмети, пратеничка од ДУИ

Мехмети има сопствено возило, две платежни картички и кредит на свое име. Според расположивите податоци од нејзиниот анкетен лист, оваа пратеничка од редовите на владеачката ДУИ, го пријавила станот на брачниот другар, со површина од 70 квадратни метри со вредност од 58.400 евра. Мехемти има автомобил марка „тојота аурис“, а раполага со две платежни картички на кои има 1.000 американски долари и месечната плата. Пратеничката треба да врати кредит од 15.190 евра во рок од седум години.

Хајрула Мисини, пратеник од ДУИ

Мисини од недвижен имот има куќа со двор во Куманово, со пријавена вредност од 37.500 евра. Пратеникот прикажал две возила, едното марка „ровер“, а другото марка „голф 5“, за кое не посочил во чија сопственост се. Родителите на Мисини имаат куќа од 190 квадратни метри во Куманово и поседуваат шума од 1 хектар на Косово. Мисини лани во банките се задолжил со два кредити во вкупна вредност од 35.000 евра. Во исто време, од 2008 година отплаќа лизинг за личен имот во вредност од околу 21.000 евра.

Бехиџудин Шехаби, пратеник од ДУИ

Судејќи според расположливите податоци од анкетниот лист, пратеникот Шехаби нема ниту движен, ниту недвижен имот. Пријавил само две работи - куќата на своите родители во Тетово во вредност од околу 200 илјади евра и како сопствен личен имот – денарска штедна киншка со 25 илјади денари.

Рафис Алити, директор на „Македонски пошти“

Богати деца и брат, а скромен личен имот има Алити. Директорот на „Македонски пошти“ Алити, според податоците од анкетниот лист на свое лично име пријавил куќа во село Радуша од 210 квадратни метри во вредност од 110 илјади евра. Во истото село на име „заеднички имот “ пријавил земјиште со вредност од 55.000 евра. Братот на Алити располага со куќа вредна 80.000 евра и деловен простор во Германија со исто така проценета вредност од 80.000 евра. Како имот на децата, директрот од редовите на ДУИ пријавил две парцели земјиште вредни 30.000 евра и два објекти во вкупна вредност од 22.000 евра, лоцирани во село Радуша.

Илир Мемети, заменик директор на Царинска управа на Македонија

Станови во Косово, куќа и земјиште во Тетово, но целиот имот е на име на родителите. Овој владин функционер на свое име, според податоците од анкетниот лист има автомобил марка „пежо 307“ во вредност од 10.000 евра. Останатиот имот е на родителите, кои поседуваат деловен простор, куќа и земјиште во Тетово во вкупна вредност од 950.000 евра, два стана во Косово во вкупна вредност од 95.000 евра и деловен простор од 200.000 евра. Или според расположливите податоци, родителите на Мемети располагаат со имот вреден над 1,2 милиони евра.

Џељаљ Бајрами, заменик министер за транспорт и врски

Бајрами располага само со штедна книшка на која има 5.000 евра. Се останато што пријавил во анкетниот лист е на име на родителите, братот и на сопругата. Така, неговите родители поседуваат куќа, земја и деловен простор во Кумановско.

Немаат банкарски сметки – поседуваат трактори!

Дел од актуелните функционери и пратеници, според податоците од анкетниот лист, не располагаат со банакрски сметки, сопствена куќа, стан. Имаат само автомобили. Личниот имот им е „скормен“, но имаат богати родители, деца, браќа.

Орхан Ибраими, пратеник од ДПА

Пратеникот Ибраими на свое лично име пријавил само куќа во Куманово во вредност од 32.500 евра. Според податоците од анкетниот лист, овој опозициски пратеник пријавил пет парцели на земјиште како „заеднички имот“. Ибраими пријавил автомобил марка „мерцедес“ во вредност од близу 5.000 евра. Пратеникот, според анкетниот лист, не располага за банакрски сметки.

Назиф Буши, директор на Аеродроми на Македонија

Скромен е анкетниот лист на директорот на оваа фирма. Буши пријавил куќа на име на неговите родители од 800 кавадратни метри во Скопје, без да се наведе цената. Во анкетниот лист на Буши има само уште еден податок – земен кредит во 2004 година, во вредност од 15.000 евра со рок на отплата од 10 години. Според расположливите податоци, нема пријавено ниту автмобили, ниту банкарски сметки.

Џемаили Елмази, директор на Биро за регионален развој

Уште еден скромен анкетен лист. Директорот на Бирото за регионален развој пријавил куќа во Тетово во вредност од 75.000 евра, трактор од 2.000 евра и моторно возило марка „опел астра“ во вредност од 8.000 евра. Нема податок во чија сопственост е овој имот.

Музбајдин Ќамили, директор на НУ Албански театар

И директорот на Албанскиот театар, според податоците од анкетниот лист, нема ниту банкарски сметки, ни сопствен стан, куќа. Ќамили пријавил возило во вредност од 12.000 евра и кредит од 5.000 евра.

Брахим Ајваз, градоначалник на Арачиново

Куќа од 100.000 евра и возило марка „ауди“ од 6.000 евра. Ова стои во имотниот лист на градоначалникот на Арачиново. Не е прецизирано на чие име се води овој пријавен имот. Куќата од 400 квадратни метри е во Арачиново и била изградена во 1976 година. Во анкетниот лист нема податоци за друг имот или банакрски сметки.