Naj iskreno se raduvam za Pandev sega samo da go odbere najdobriot tim i da pocne da ja pisuva i drugata stranica so negovata prekrasna igra.Jas licno sum za Juventus.

Изненадувачки, вториот гигант од Милано, тимот на Милан, се вклучи во трката за македонскиот напаѓач Горан Пандев. "Росонерите" се третиот тим од Италија покрај Интер и Јувентус кои го посакуваат струмичанецот во своите редови во јануарскиот преоден рок, кога се очекува Горан да биде слободен фудбалер, откако деновиве судот во Милано треба да ја донесе конечната одлука околу ослободувањето на обврските со неговиот сегашен тим Лацио. Како гром од ведро небо се појави информацијата дека и Милан ќе тргне по потписот на нашиот најдобар фудбалер.

"Тутомеркато" во своето најново издание истакнува дека Пандев и Красиќ би требало да бидат зимските засилувања на Милан, со кои ќе атакува кон шампионската титула во Серија А. Но со Србинот има еден голем проблем: тој не би можел да биде пријавен за Лигата на шампионите во пролетниот дел од првенството, додека Пандев без проблем би играл во најелитното фудбалско натпреварување на стариот континент.

Пред неколку денови медиумите во Италија пишуваа дека трансферот на Пандев во Интер е готова работа, меѓутоа во последен момент неговиот градски ривал Милан е во обид да му ги "замрси" сметките и да стигне прв до потписот на македонскиот голгетер кој пет месеци е без одигран натпревар во Лацио, поради тврдоглавоста на претседателот Лотито, кој сега се чини ќе мора без никаква отштета да го пушти Пандев да замине во друг клуб. Најмали шанси за ангажман на Горан му се даваат на Јувентус, тим кој исто така е заинтересиран за македонскиот репрезентативен голгетер.





Изменето од fiks - 21.Декември.2009 во 16:45

"Пандев од јануари во Интер"

Поранешниот претседател на Јувентус, една од најконтроверзните личности во италијанскиот фудбал, Лучјано Моџи, вчера со категорична најава за италијанските медиуми дека најдобриот македонски фудбалер Горан Пандев од јануари 2010 и дефинитивно ќе биде нов фудбалер на Интер.

"Пандев сигурно во јануари ќе се пресели во Интер затоа што и е потребен на оваа екипа. Самуел Ето ќе биде на Купот на конфедерациите во Африка па Мурињо ќе остане без напаѓач, а Пандев е идеално решение. Мислам дека купувањето на македонскиот фудбалер ќе биде одлична работа за Интер", истакна вчера Моџи.

Вчера и италијанскиот "Тутоспорт" најави дека управата на "нероазурите" нема да дозволи Ливерпул да им го открадне Горан Пандев, па според информациите раководството на Интер е подготвено во моментов да му плати на Лацио, четири милиони евра плус отстапување на младиот Марко Арнаутовиќ.

Само два дена претходно англиските медиуми, пак, најавија дека Ливерпул е подготвен веднаш да плати 7 милиони евра за услугите на нашиот репрезентативец.

Како што е познато, Горан Пандев е далеку од првиот тим на "лацијалите" оставен на немилост во тимот, како резултат на неговото одбивање да потпише нов договор со тимот од Рим. Актуелниот му завршува во јуни 2010 година.
 

Играчите во одбрана на Пандев

Проблемот на Горан Пандев со управата на Лацио повеќе не е само проблем на двете "завојувани" страни. Мизерниот однос на клубот кон еден од своите најдобри фудбалери е причината за реакцијата на здружението на професионални фудбалери во Италија.

Колегите на Пандев го кренаа својот глас и својот став против теророт на Лацио кон Пандев и го обелоденија преку соопштение низ медиумите во својата земја. Фудбалерите застанаа на страната на нашиот репрезентативец кој наиде на терор и закани од претседателот Клаудио Лотито, кој реши да го "замрзне" фудбалерот откако тој одби да го продолжи договорот со Лацио според услови кои за него се неприфатливи.

Здружението на фудбалери во Италија од Лацио побара објаснување за настанатиот проблем и неоправданото "бришење" на Пандев од првиот тим на Лацио. Теророт кој го преживува Пандев од управат на Лацио е невиден скандал во Италија кој трае со месеци и месеци а покрај здружението на фудбалерите во наредните денови се очекува и реакција на обвинителството во Италија.

Ваков пример се уште не е виден во Италија каде еден водечки играч на некој од клубовите неоправдано е исфрлен од тимот, а потоа и условуван да потпише нов договор доколку сака да игра. Тоа е спротивно од договорот кој го имаат Пандев и Лацио па така сега со реакција на институциите но и на ФИФА се очекува нашиот фудбалер да ја добие потребната слобода и конечно да се ослободи од канџите на Лотито.

Лацио иако вчера го доби писмото од здружението на фудбалерите не даде одговор, а најновата вест од базата на "лацијалите" е тоа што во тимот се враќа Ледезма со кој е најден договор, но тоа не важи и за нашиот Пандев.

I sto sega ge gree klupa, ili uste poloso na tribini.

"Цела македонска јавност знае дека сакам да си заминам од Лацио, но сега единствено сакам да се концентрирам на репрезентацијата, а Лацио во моментов не ме интересира", истакна вчера Пандев кој најверојатно во Интер оди од јануари 2010
13 милиони евра + Матераци = Пандев

Најдобриот македонски фудбалер Горан Пандев, вчера приклучувајќи се на подготовките на нашиот национален тим од Охрид ја очекуваше разврската околу сопствената идна клупска кариера.

И последниот ден од "трансфер прозорецот" до синоќешните часови не го даде конечниот одговор околу преселбата на нашиот репрезентативец во Интер иако последните информации говореа, како што најавивме и претходно, дека шампионот на Италија сепак ќе најде заеднички јазик со претседателот на Лацио, Клаудио Лотито.

И додека синоќа траеја преговорите меѓу Морати и Лотито кој до последно одбивал секаква понуда. Италијанските медиуми како последна ја објавија информацијата дека Горан Пандев ќе потпише за Интер за сума од 13 милиони евра плус дефанзивецот Марко Матераци кој би се преселил во Рим. Меѓу варијантите од договорот се потенцира дека, и покрај новиот трансфер, сепак Пандев би останал во Лацио до јануари 2010 година кога би се приклучил на составот на Мурињо откако Самуел Ето ќе биде отсутен поради учество на африканскиот шампионат.

"Не е коректно од Морати да барам нови жртви, но Пандев навистина го посакувам во мојот тим, и веројатно тој би бил последното наше засилување", вчера и менаџерот на Интер, Хозе Мурињо повторно го засили впечатокот околу дефинитивно враќање на нашиот репрезентативец во Милано.

Горан Пандев, пак, откако пристигна во Охрид без премногу оптоварување за време на првиот свој одработен тренинг со националниот тим иако свесен дека притисокот при една неизвесна ситуација секогаш постои.

"Сигурно не е едноставно да се концентрираш само на натпреварот пратен од една ситуација каква што е мојата актуелна со клубот од Рим. Цела македонска јавност знае дека сакам да си заминам од Лацио, но сега единствено сакам да се концентрирам на репрезентацијата, а Лацио во моментов едноставно не ме интересира", порача вчера Пандев од Охрид.

А, со оглед на крајот на преодниот рок...

"Точно е дека преодниот рок завршува денеска, но после репрезентацијата ќе мислиме на клупските обврски", вели најдобриот фудбалски Македонец убеден дека како и да е новата успешност на неговата клупска кариера нема да биде доведена под прашање.

Живеам со тензии!!!

Секој ден има по неколку приказни околу Горан Пандев. Се споменуваа многу клубови, многу понуди и многу милиони. А Горан Пандев се уште нема трансфер. Се уште е член на Лацио и тренира со оваа екипа. Сака да замине ова лето струмичанецот од редовите на римскиот клуб. Таа желба му е од мал, а еве и по три месеци се уште трае отпорот на неговиот клуб со кој има договор до 2010 година. Има многу понуди, многу екипи, но има и проблеми.

"Цифрата од 18.000.000 евра која ја бара Лацио за мојата слобода е премногу голема. Мислам дека нема клуб кој ќе плати таква цифра за играч кој следното лето може да си замине без отштета", изјавува Пандев по вчерашниот тренинг во Рим со Ледезма и де Силвестри. Тоа е триото кое не замина со Лацио на Супер-купот со Интер во Пекинг. Трио кое сака да си замине и трио кое може да ја спаси касата на римјаните.

"Во ниту еден момент не сум се однесувал арогантно кон Лацио. Многупати сум кажал дека нема да имам и ништо против ако останам уште една сезона. Сметам дека и за мене и за Лацио ова е најдоброто време за една пријателска разделба. Јас да ја исполнам мојата желба, а клубот да заработи од моето заминување. Но, сепак, не очекував ваков отпор иако сега се надевам дека за многу брзо време ќе се средат работите. Живеам со тензии и исчекувања. Еве Лацио се засили во нападот со Круз и со тоа се отвори можност за мое заминување. Мислам дека сега доаѓа периодот во Италија кога ќе се случат многу трансфери", оптимистички гледа кон настаните Пандев, кој не сака да ги коментира сите овие настани затоа што секој збор се одразува против односот на Лацио кон него и неговиот менаџерски тим.

Многумина очекуваат да го видат струмичанецот ова лето во дресот на Јувентус. Чека "Старата дама" на Пандев и се надева дека тој ќе ја засили за многу брзо време.

"Само Лацио да се смилува и да прифати понуда за помалку пари. Реков дека сакам да одам во клуб со шампионски амбиции и екипа која ќе настапува во Лигата на шампионите. Се уште стојам на сите тие мои зборови. Не доаѓа предвид трансфер во екипа од неатрактивна земја. А од таму се нудат многу пари, но за мене ова е период во кој сакам да играм во голем европски клуб. Секојдневно има по некоја понуда и кога ќе падне договорот со Лацио тогаш ќе коментираме околу тоа која понуда е најдобра. Јуве!? Тоа е голем клуб...!!!", додава Пандев околу очекувањата и неговите желби каде би одел ако добие зелено светло за трансфер од Лацио.

Римјаните в сабота играат со Интер во Пекинг и по тој меч се очекува да се решат случаите со Пандев, Ледезма и де Силвестри.

"Досадно ми е повеќе да зборувам за нив тројцата. Мојот став околу тие проблеми е ист. Ќе ги продадам ако имам добри понуди", беше вчерашната изјава на Клаудио Лотито, првиот човек на тимот од "Олимпико", поврзан за споменатото трио на фудбалери кои лани беа носители на играта и кои му го донесоа пехарот на Лацио во Купот на Италија.