Македонската репрезентација

За победа најдобрите 90 минути

Нашите фудбалски репрезентативци немаат право на кикс, ниту кредит кај навивачите и затоа утре против Ирска мора да ги одиграат најдобрите 90 минути.

Само така можат да ја сочуваат тензијата во квалификациите за Европскиот шампионат. Ирците во март во Даблин не беа подобри, но победија, сега е време за повторување на историјата и за продолжување на позитивниот домашен ефект.

И двете репрезентации се под притисок што се очекува да донесе неизвесен дуел.

„Ќе биде тежок натпревар, но со полна поддршка од полниот стадион, очекувам победа било кој резултат со еден разлика и три бода е позитивен резултат за нашата репрезентација“, вели Мирсад Јонуз, селектор на Македонија.

„Јас сум фудбалски дипломат, според тоа против силна репрезентација како што е Македонија и ремито е добар резултат, иако Ирска секогаш игра на победа. Јас сметам на Роби Кин, тој сака да игра, но докторите ќе решат за тоа“, рече Џовани Трапатони, селектор на Р. Ирска.

Во пресрет на квалификацискиот дуел со Р.Ирска генералниот секретар на ФФМ, Игор Климпер денеска пред новинарите потврди дека интересот за средбата со Ирците кај љубителите на фудбалот е огромен. Досега се продадени 7.000 влезници за македонските фанови и 4.000 за ирските. Влезниците се продаваат во продажните места на "купи карти за се" и на билетарата на Арената "Филип Втори".

"Во наредните денови очекуваме продажбата да "експлодира" и полни трибини со рекордни 33 000 љубители на фудбалот на Националната Арена. Бидејќи средбата се игра на ден во предизборен молк превземаме мерки за спортско навивање без политички памфлети и ќе бидат отстранети сите транспаренти со изборни или слични политички пораки за што ФФМ испрати и соопштение до јавноста"- изјави Климпер.

Цената на влезниците изнесува 300, 250 и 200 денари за северната и јужната трибина. За западната трибина цената изнесува 100 денари, додека источната им е отстапена на ирските фанови.

Натпреварот се игра на 4. јуни со почеток во 21.30 часот

Од репрезентациите кои заедно со Македонија се во квалификациската група за Европското првенство 2012, Русија е најдобропласирана и се наоѓа на 18.место, Словачка е 26-та, Република Ирска е на 34.место, Ерменија е 62-ра, а најслабо котира Андора на 202.место.

Нема промени ниту на водечките позиции. Од првото до десеттото место се наоѓаат: Шпанија, Холандија, Бразил, Германија, Аргентина, Англија, Уругвај, Португалија, Италија и Хрватска.

Следното рангирање ФИФА ќе го изврши на 29 јуни.

Толку ни е силата

Јонуз заборави дека пред квалификациите тој најмногу ја подгреваше атмосферата и ветуваше дека ќе бидеме подобро пласирани од за нас веќе судбинското четврто место.

Специјално од Даблин: Тони Зографски
По поразот од Република Ирска од 2:1 (2:1), македонската фудбалска репрезентација треба да направи вистински подвиг, а притоа да ја има како соузник и среќата, која селекторот Мирсад Јонуз постојано ја споменува на прес-конференциите, за да го освоиме четвртото место во нашатата квалификикациска група. Со само едно добро одиграно полувреме, без концепција, потпирајќи се само на индивидуалните акции на Пандев и на Тричковски докажавме дека полека тонеме во фудбалска Европи и дека не треба да се занесуваме дека имаме квалитет да се бориме со посилните европски репрезентации. На моменти ќе блесневме со добра игра, или пак со позитивен резултат против посилните репрезентации, но според квалитетот на македонскиот фудбал треба да ни е јасно дека толку ни е силата и местото ни е при дното на европскиот фудбал,
Нормално, и овој пат како и на претходните пресови селекторот Мирсад Јонуз беше задоволен од прикажаната игра и како главен фактор за поразот ги сметаше рано примените голови и немањето на среќа.
- Поради двете грешки на нашиот голман сме поразени од Ирска. По раното водство се обидовме да се вратиме. На полувремето ги советував моите фудбалери да ја пренесат играта на половината на Ирска. Тричковски имаше шанса да биде јунак на мечот, но промаши зицер. Во финишот Ирска умешно ја држеше топка и не ни даде шанса да направиме нешто повеќе. Со малку среќа можевме да стигнеме до бод - рече Јонуз кој на прашањето околу преземање на одговорност околу слабите квалификациски настапи на репрезентацијата, тој наполно се изгуби. Повторно почна да прави анализа на играта, по потоа одговорноста ја подели со репрезентативците и на крајот рече дека тој ја сноси одговорноста.
- За поразот, мојата одговорност и онаа на играчите е заедничка. Да можев да влезам јас да бранам и да давам голови тоа ќе го направам. Јас сторив се што е во моја можност околу системот на игра, и околу мотивацијата на фудбалерите. Затоа јас ја сносам одговорноста за резултатот. Ако има подобро решение кажете - одговори нервозно Јонуз кој заборави дека пред квалификациите тој најмногу ја подгреваше атмосферата и ветуваше дека ќе бидеме подобро пласирани од за нас судбинското четврто место. Што е најинтересно тој сеуште верува дека квалификациите не се загубени за нас.
- Ако во јуни ја совладаме Ирска во Скопје понатамо се е можност!?
Иван Тричковски во саботата вечер можеше да се прослави. Во 75. минута тој излезе сам пре домашниот голман Вествуд.
- Бев во одлична позиција, на голманот излезе многу блиску до мене, добро затвори и не успеав да шутирам под него. Малку ме попречи и песокливиот терен. Штета што изгубивме. - рече Тричковски.
Николче Новески натпреварот го заврши со отечено око.
Во средината на второто полувреме, во еден воздушен дуел еден од домашните фудбалери ме удри со глава. Верувам дека ќе бидам добар до сабота на мечот на Мајнц - кажа Новески кој држеше мраз на повреденото око.
Следниот меч македонската репрезентација го игра на 4 јуни во Скопје.

***

200 Македонци не бодреа на "Авива" арената

Околу 200 Македонци дојдени од Англија, Швајцарија и од скандинавските земји беа на трибините на "Авива" арената. Тие уште пред почетокот на мечот ја подгреваа атмосферата во еден од пабовите во близина на стадионот, кој беше украсен со македонски знамиња.

***

Нурединоски: Жал ми е за момците

Трагичарот на мечот, голманот Един Нурединовски емотивно ги доживеа двата примени гола.
- Жал ми е за момците кои добро играа. Едноставно немав свој ден. Кога голман рано ќе прими гол потоа тешко се брани. При двата гола малку ме изненади и влажниот терен. Не знам што друго да кажам многу ми е тешко - со солзи во очите изјави Нурединовски.

***

Грнчаров го одмаздуваше Попов

Во средината на второто полувреме, нашиот Грнчаров стартуваше со крампони во лицето на нововлезениот Лонг.
- Бев нервозен, бидејќи претходно тој крвнички стартуваше на Попов, фаул што не беше санкциониран. Кога видов дека судијата држи жолт картон ми олесни. Инаку, стартот беше за чист црвен.