Состојки
Основа
400гр. свежи урми (без семка)
150гр. мелени овесни снегулки
1 лажица какао
1 лажица ванила
кора од лимон
1-2 лажици млака вода (по потреба)
Крем
150гр. непечени индиски ореви
50мл. вода
1 лажица ванила
3-4 лажици јаворов сируп
сок и кора од 1/2 лимон

Интересни, вкусни и некласични пралини. Последниот рецепт за оваа година, па ќе ја искористам приликата да ви посакам среќни и весели празници поминати со најблиските.

1. Индиските ореви треба да киснат 6-7 часа, најдобро од вечер или сабајле пред да одите на работа. Прелијте со ладна вода доволно само да ги покрие и оставете ги. Потоа исцедете убаво и исушете ги на кујнска крпа. Сите состојки за кремот, освен кората од лимон, ставете ги во блендер и блендирајте подолго додека се добие убава кремаста смеса. Потоа додадете ја и кората и промешајте со лажица. Има сличен вкус на крем сирење.
2. За основата урмите измелете ги, па спојте ги со другите состојки да добиете средно мека смеса.
3. Од смесата зимајте топчиња и ставете ги во калапите за пралини, притискајте кон страните убаво да се обложи и направете бунарче во средина. Наполнете со кремот и од горе затворете со смесата од урми. Во зависност од големината на калапот ќе варира и бројот на пралини. Мојот калап е малку поголем па ми излегоа 17 парчиња.
Извадете ги од калапот и оставете барем 1 час за да се спојат вкусовите. Декорирајте по желба. Јас користев чоколаден сируп, посната верзија на ројал глазурата (со шеќер во прав и сок од лимон) и малку светки.

Добар апетит =)

*Кремот ќе ви остане скоро половина, може во старт да ги преполовите состојките или да го искористите понатаму за нешто друго.

За тесто
500 гр брашно
150 гр маргарин
200 гр шеќер
3 јајца
1/4 кесичка прашок за пециво
1 ванилин шеќер
1-2 лажички какао
За декорирање
50 гр темно чоколадо
50 гр бело чоколадо
30 гр марципан
30 гр кршени ореви
30 гр мешано кандирано овошје
30 гр бело суво грозје
100 гр фондан
4-5 лажици мармалад од вишни
2-3 лажици мармалад од кајсии
20 гр кокос
неколку резанки кандирани портокали
Користени Делимано произво

Колачињата на сликата се направени од исто тесто, но сите се со различен вкус. Тестото е едноставно и може да го користите такво, но може и да додадете разни додатоци како кокос, какао, лешници, бадеми... Меко е, па тие нема лошо да влијаат на неговиот квалитет... Напротив! Употребете ја фантазијата и ќе добиете прекрасни колачиња.

Изработка на тестото
Брашното и прашокот за пециво просејте ги, па во нив додадете го омекнатиот маргарин и со прстите направете трошки. Јајцата изматете ги со шеќерот и ванилиниот шеќер и додате ги кај брашното. Замесете мазно тесто. Замотајте го во пластична фолија и ставете го во фрижидер 30 минути. Потоа е спремно за играње.
Колачињата се печат многу кратко, зависи колку дебели ќе ги направите, но отприлика 5-10 минути на 180 степени. Треба да останат бели.

Јас ставив какао во 1/4 од тестото, а останатите вкусови ги добив од „декорациите“.

1. Кружните колачиња со отвор се лепени со стоплен мармалад од вишни. За секое колаче треба да направите еден полн круг и еден круг со дупче и да ги споите.
2. Чоколадните срциња имаат глазура од бело чоколадо и суво грозје.
3. За корпичките ви треба калап, јас ги правев во калапот за мини мафини. Наједноставно е да исечете кружни форми од исуканото тесто и така да ги ставате во калапите. На овој начин сите ќе бидат еднакви. Полнети се со растопено темно чоколадо, а декорирани со кандирани портокали. Јас ги користам од слаткото од портокали на Лили. Добро исцедени ги сечкам и ги препелкам во кристал шеќер. Инаку може да се полнат со џем, ганаж, разни креми...
4. Чоколадните елкички се вистински чоколадни.
5. Четирилисните детелинки се прошарани со темно чоколадо и додека се уште беше меко ги испрскав со кокос.
6. Трилисните детелинки се со мешано кандирано овошје, ситно исечкано и измешано со тестото. Одозгора се прошарани со бело чоколадо со многу тенки линии. Инспирацијата беше од едни италијански колачиња.
7. Ѕвездичките се обложени со многу тенко исукан фондан исечен со истата форма како колачињата. Претходно ги намачкав со многу тенок слој сок од слатко за да се залепи фонданот.
8. Чоколадните крукчиња се обложени со тенко расукан марципан, а формите е најдобро да се прицврстат со капка бело чоколадо бидејќи марципанот е прозрачен.
9. Споените топчиња се инспирирани од ванилиците на Лили. Се прават мали топчиња кои се препелкаат во кршени ореви. По печењето се лепат со стоплен мармалад од кајсии.
10. Мермерните топчиња се направени од остатоците од бело и чоколадно тесто. Ги исукав многу тенко и двете, ги ставив едно преку друго и замотав ролат. Потоа сечев мали делчиња и ги правев топчиња.

Од сите видови правев по 12 колачиња, освен ванилици и мермерни топчиња кои беа по 10. Значи се на се, 116 колачиња.

Пријатен апетит!

Состојки
Тесто
250 гр маргарин омекнат на собна температура
200 гр шеќер
рендана кора од лимон и портокал
12-13 лажици вода
по 2 лажици сок од лимон и портокал
1 лажиче прашак за пециво
500 гр брашно
Други додатоци за во тестото
1 лажиче какао
1 лажиче цимет
по 1/4 лажиче морско оревче, ѓумбир и каранфилче
За декорација
50 гр чоколада за готвење + 1 лажица масло
2 лажици шеќер во прав + лимонов сок по потреба
по потреба шеќерни трошки
Користени Делимано производи


Посни и вкусни празнични, декоративни колачина спремни за дегустирање, а и за поклони за дечиња.
Маргаринот и шеќерот убаво изматете ги со миксер, со маталките за тесто. Потоа додајте го брашното, пецивото, сокот и кората од лимонот и портокалот и водата. Продолжите да матите додека тестото убаво се измеси, изедначи.
Префрлете го на работна маса посипана со брашно и размесете и малку со рака.
Поделете го на два дела.
Едниот дел оставете го така жолт, завиткајте го во најлонска фолија и ставете го во фрижидер околу 1 час.
Во другиот дел додајте го какаото и другите зачини и повторно убаво измесете го да се соединат во тестото. Завиткајте го во најлонска фолија и ставете го во фрижидер околу 1 час.

Прво од жолтото тесто на работната маса посипана со брашно развлечите кора дебела околу 5-6 мм и со калапчина вадите форми по ваша желба.
Ставајте ги да се печат во загреана рерна на 200 степени 10 минути, толку е доволно да останат светли.
Остатоците од тестото премесете ги и правите колачи додека се потроши целото.
Истата постапка повторете ја и со кафеавото тесто.
Јас неколку направив и мали корпиња (се гледаат на сликата).
Со калапче цвет се вади од тестото и се ставаат во мали хартиени корпиња за колачи. Откако ќе се испечат одма им се реди по малку мармалад на средина.

Печените колачина декорирајте ги по ваша желба и замисла.
Некои со стопената чоколада, некои со глазура од шеќер во прав и лимон, со шеќерни трошки и тн.
Од овие колачи направивме и поклончина за деца. По неколку стававме во алуминиумски чинивчина и ги завиткавме со проѕирна фолија и панделка. Навистина беа прерадосни.

Состојки
2 чаши мелени овесни снегулки
1 чаши мелени печени лешници
1/2 чаша мелени сурови лешници
1/2 чаша кафеав шеќер
1/2 чаша вода
1 ванилин шеќер со вкус на рум
1/4 чаша мелена гранола
1/2 лажичка рогач во прав
1 лажичка мелен цимет
1 лажичка мелен ѓумбир
1/2 лажичка мелено каранфилче
За чоколаден прелив
100 гр чоколадо
3 лажици масло
1/4 лажичка чили во прав
За украсување
гоџи бобинки, шеќерни перли во разни бои и сл.

Мирисни и вкусни колачиња кои не потсетија дека доаѓаат празници, ама и секој од нас сакаше да си ја присвои кутијата со колачињата. Добро бе, јадете сите колку ви се јаде, пак ќе направам, лесни се за правење!!!

Подготовка
На оган во тенџере ставаме вода и шеќерите. Кога ќе поврие кратко ја тргаме на страна и ги ставаме мелените овесни снегулки и мелените лешници, како и зачините. Формираме смеса. Ја ставаме помеѓу најлонска фолија, поминуваме преку неа со оклагија и вадиме кругчиња кои ги редиме на намрсено тавче или хартија за печење. Ги печеме т.е. сушиме на 100 степени во рерна со уклучен вентилатор 30 минути. Ги вадиме и ладиме.
Чоколадото го топиме на пареа или на сосема ниска температура на рингла и во него промешуваме чили и масло. Секое колаче го потопуваме до половина во чоколадото и украсуваме по желба.

Забелешка
Чашата е 250 мл или 1 cup.
Можете да додадете во смесата и кора од портокал по желба и вкус или пак аранчини. Ако ви е ретка смесата, за да ја формирате додадете од овесните снегулки. Инаку користам делимано тава за печење која воопшто не ја ни намрсив за да ги печам колачињава.

Состојки
500гр кори за баклава
400гр ораси
5 лажици гриз
250гр маргарин
50 мл масло
За шербет
1 л вода
1 кг шеќер
1 ванилин шеќер
1 лимон
Користени Делимано произво

Во тава се топи маргаринот и се додава маслото за готвење. Потоа се додава и гризот и се готви 3-4 мин.
200гр ораси се сецкаат, 200гр се мелат.
Се зема една кора и врз неа се пропрскува со смесата со гриз и масло. Потоа се ставаат мелените ораси низ цела кора, а на почетокот од кората се редат под линија сецканите ораси. Се зема мало стапче и кората се мора околу него во ролна. Почнувајќи од средината кон краевите се гужва и се става во тава за печење. Зависно од тоа колку кори имате, се распределува смесата и состојките и се редат во ред. Се сече на 4 дела и се става да се пече на 180 степени, половина час.
Во меѓувреме се подготвува шербетот. На оган се става 1 литар вода и 1 килограм шеќер и се вари 5-6 мин, за да се згусне смесата.
Врз испечената и оладена баклава, се става врелиот шербет и се остава да одстои неколку часа пред сервирање.

Состојки
250 гр јаткасто овошје (орев, бадем, лешник по избор)
250 гр смокви
250 гр црно суво грозје
250 гр урми
3 јајца
100 гр шеќер
1 кора од портокал
Декорација- бела чоколадна маса за декорирање и марципан

Овој празничен Божиќен колач го немам спремано неколку години, иако предходно често се наоѓаше на Божиќната трпеза. Бидејќи овој колач е мрсен, затоа се спрема за Божиќ, а не за Бадник.

1. Смоквите и урмите исецкајте ги на ситни коцки. Јас користев бадеми овојпат и ги исецкав на крупни парчиња во Делимано Кларити Про.
2. Се матат 3 белки со 100 гр шеќер во густо шне. На крај од матењето се додава 1 жолчка, другите две ќе служат за премачкување на колачот.
3. Се мешаат јајцата заедно со сувото овошје и бадемите и се додава кората од портокал. Ќе добиете убава густа смеса, која лесно се обликува.
Смесата се дели на 3 ролати или во мојот случај ја поделив на две смеси и го распределив во калап за печење леб, одложен со хартија за печење.
Одозгора се премачкуваат со жолчка.
4. Се пече на 150 степени, околу 1час. Треба на тивко да се суши колачот и јајцата пополека термички да се обработат.
5. Печениот колач се остава убаво да се излади и потоа се декорира. За декорација користев бела чоколадна маса за декорирање и марципан во боја.

-----------------------------------------------------------------------------
Јас не сум јас ако не го променам основниот рецепт. Кон горенапишаниот основен рецепт внесов промена при оваа подготовка. Експериментирав со рецептот, бидејќи многупати го имам подготвувано, па можев да си дозволам отстапки.
Ставив 125 гр суво грозје и 125гр брусница. Сувите овошја ги потопив во 1 чашка рум и стоеа околу 15-20 мин. Исто така додадов и пола лажичка мускатво оревче и пола лажичка цимет. Сетоа ова дополнително го украси колачот и даде побогат вкус.

Состојки
Суви состојки
2 чаши брашно
2 чаши пченичен гриз
1 чаша шеќер
1 пециво
плус
900гр вишни
2 ванили
1 чаша шеќер
170мл масло
Чашата е од 200мл

Интересен сочен колач, не одзема многу време, а е могу декоративен и одличен за божикните пости. 
Се ставаат во цедалка замрзнатите вишни и течноста се чува за на крај. Сувите состојки се мешаат со лажица. Исцедените вишни нежно се притискаат со вилушка за да се изгмечат, се додава шеќерот, маслото и ванилата.
Во тавче 20Х30 се става една третина од сувите состојки убаво се мазни и над нив се става половина од филот со вишни. Потоа над вишните се става уште една третина од сувите состојки, повторно од вишните и на крај со сувите состојки се покрива убаво колачот.
На крајот се додава сокот од исцедените вишни. Се печи во загреана рерна на 180степени околу 40мин.
Одозгора направив шеќерна глазура од шеќер во прав и сок од вишни. На колачот на сликата е ставено вишни само на средина, но оргинал рецептот е со 2 реда вишни.
Се остава убаво да омекне 3-4 саати, потоа е многу сочен.