Машки одела

Како правилно да изберете костум?

Не стојте како кип пред огледалото
Кога се обидувате да најдете костум, немојте да гледате само како изгледа додека стоите пред огледалото. Прошетајте во него, седнете и движете ги рацете, бидејќи слободното движење и удобноста се најважни, инаку нема да уживате додека го носите.

Чорапи
Кога бирате чорапи, секогаш изберете во иста боја како и панталоните. На тој начин ќе создадете ефект на видно подолги нозе.

Ракави
Совршената должина на ракавот е онаа кога вашите раце стојат покрај телото, а излегува половина или четвртина од манжетните на ракавите.

Должина на сакото
Совршената должина на сакото е до седиштето на столот кога седите. Сѐ подолго од тоа ќе направи вашите нозе да изгледаат куси.

Елек
Додека носите елек никогаш не дозволувајте кошулата да ви излегува од долниот дел на елекот.

Панталони
Тие треба цврсто да стојат и кога ќе станете по подолго седење.

Кошула и вратоврска
Кога се вратоврските во прашање, постои едно важно правило – кога носите еднобојна кошула, можете да носите вратоврска со дезен, и обратно. Така никогаш нема да изгледате нападно.

Каиш или трегери
Никогаш не носете каиш со костум, бидејќи тој визуелно го сече телото на два дела. Наместо тоа, подобро е да носите трегери на панталоните.

Сако
Сакото секогаш треба да ви стои добро на рамениците. Никогаш не бирајте сако кое ќе го ограничи движењето во пределот на рамениците, ниту сако кое видно ќе ве шири во тој дел.

Црно или тегет
За настани на кои треба да носите црна вратоврска, многу е подобро наместо црна да изберете тегет вратоврска. Таа боја ќе има подобар контраст со вашата бела кошула.