Џентлмените - загрозен вид?

Најновото истражување покажало дека романтичните смс пораки и редовни постови на фејсбук го замениле придржувањето на капутот или испраќањето букет цвеќе.

Концептот на ,,бечка школа,, не е изумрен само се променети правилата на игра, вели истражувањето. Девојките се уште бараат романтични гестови. Но во денешно време сликичка од букет рози залепена на ѕидот од профилот ги тера да воздивнат, а доколку над сликичката има два три нежни збора лајкови доаѓаат од сите страни. Мажите викаат ,,секоја чест мајсторе,, а жените обично воздивнуваат и завидуват на среќната добитничка на виртуелната сликичка.

Но истражувањето вели романтиката и џентлменството не се поврзуваат со цвеќе. За романтично се смета се она секој гест кој ќе предизвика топење на срцето кај девојката. Па нека е тоа и сликичка на фејс, тврди Остин Рид лидерот на тимот кој го спровел истражувањето.

Денеска нема да ви забележи девојката ако на состанокот не ја пречекате со роза, но обидете се да не и пратите смс порака, или да не одговорите или кликнете лајк на постот кој таа го напишала на вашиот профил – врската ви е завршена во тој миг, вели Рид.

Сепак заклучокот е дека џентлмените сеуште постојат, технологијата им ја олесни работата, а богами им го чува и џебот на џентлмените.