• Редовно кажува благодарам и се интересира за другите, наместо да зборува само за себе. Искрен е и дава комплименти. Шири позитивна енергија и знае да направи луѓето да се чувствуваат специјални.
• Секогаш е точен. Неточноста до одреден степен значи и арогантност, затоа што на таков начин оној што доцни покажува дека неговото време е поважно од времето на оние кои чекаат.
• Отвора врата и го задржува палтото, но не само на својата партнерка и жената која има цел да ја освои, туку и на сите други жени. Вистинскиот џентлмен не ги дискриминира жените на основа на привлечноста.
• Скромен е. Фалбаџиството е лоша карактеристика која создава одбивност.
• Секогаш е добар партнер. Нема ништо пошармантно од маж кој знае да ја почитува и цени жената што е до него.
• Изгледа уредно. Без разлика каков стил на облекување има, никогаш не се појавува со непеглани алишта, неуредна брада или фризура.
• Избегнува постојано да зборува на телефон или да пишува SMS кога е во друштво.
• Никогаш не ги омаловажува и озборува другите. Зборува со почит и внимава како се изразува.
• Знае да ја почитува жената на првиот состанок. Плаќањето на сметката не треба да биде знак на финансиска моќ или истакнување, туку на почит и чест. Тоа не значи дека мажите треба секогаш да ги помируваат сметките, но првиот состанок е важен. Ја испраќа својата партнерка до дома и во никој случај не е нападен кон неа сексуално.
• Вистинскиот џентлмен никогаш не ја малтретира жената физички или психички.

Па, добро размислете и ќе заклучите дека не се многу мажите што ги имаат овие карактеристики, а и дел од оние кои ќе ги ставите во категоријата „џентлмен“ на крајот може да излезат лажговци под маска.

Ако сакате да проверите дали некој маж е достоен да биде наречен џентлмен, погледнете објективно како се однесува кон сите жени, а не само кон вас.

Абе момци, почнавте да ја расипувате работава.

Животна школа Само кроце

Однесувањето во согласност со бонтонот може да биде важен клуч за успех во заведувањето бидејќи речиси секоја жена сака да биде третирана како принцеза.

Мажите бунтовници можеби ги интригираат повеќето жени, но тие почесто даваат предност на џентлмените и повеќе ги ценат, покажува една италијанска студија.

Претставниците на посилниот пол кои имаат фини манири и почитување кон спротивниот пол, побрзо ќе го најдат патот до женското срце.

Однесувањето во согласност со бонтонот може да биде важен клуч за успех во заведувањето бидејќи речиси секоја жена сака да биде третирана како принцеза, да и ја придржуваат вратата, капутот или мантилот, да и отстапуваат место, да и го наместат столот, сипаат пијалок во ресторан...

Освен тие вообичаени "ситници", постојат уште многу правила за добро однесување кое не ги остава рамнодушни претставничките на поубавиот пол, пишува "Novosti".

Претставете ја

Жената во ваше друштво секогаш претставувајте ја на познатите личности кои ги среќавате на улица, во кафуле, ресторан, без разлика дали ви се пријатели, роднини, колеги од работа или бившата девојка. Во спротивно, таа сигурно ќе се навреди.

Заборавете на мобилните

Додека сте со жена која сакате да ја импресионирате, избегнувајте премногу да се користите со мобилниот телефон, разговорите максимално скратете ги, немојте да дозволите таа да се досадува додека вие опуштено зборувате како да сте сами.

Немојте да праќате СМС пораки, а тој кој ви ги испраќа известете го дека не сте во можност да се допишувате.

Добро би било и да го исклучите телефонот, за повиците да не ве вознемируваат и да не го прекинуваат вашиот разговор и мисли.

Понудете и ја јакната или чадорот

Доколку е ладно или врне дожд, а вие сте подобро опремени за такво време од неа, ќе изгледате крајно бесчувствително ако не и ја понудите јакната или чадорот. Во случај ако таа категорично одбива, тогаш немојте да инсистирате.

Не зборувајте многу вулгарно

Жените се позборливи од мажите, тоа не е никаква новост. Немојте да се натпреварувате во оваа категорија со неа, туку џентлменски слушајте ја, дури и ако тоа ви е напорно.

Кога ќе дојдете до збор, обидете се да не користите "улични жаргони" и вулгарности бидејќи тоа не одговара на еден возрасен и зрел маж, а пцовките избегнувајте ги бидејќи се одлика на непочитување.

Испратете ја до дома

Без оглед на тоа во каков статус сте со дотичната девојка, дали ја заведувате или ви е колешка и другарка, испратете ја до дома, работа или станица и почекајте да и стигне превозот.

Кога брзате и не сте во прилика да го направите тоа, извинете се што не можете да ја испратите за да и дадете до знаење дека сте ја имале таа намера.

Ми недостигаат сите оние ситници кои одат во „пакет“ на совршениот џентлмен, не сакам да го гледам само на филм. Некогаш дури ми се јавува желба да можам да се вратам во времето, да си живеам во Англија во 19 век, и да уживам во друштво на прав џентлмен. Чудно, во денешно време, оној кој изгледа како џентлмен го прави тоа со некоја „задна“ намера и некаква цел.

Па не мора да имаш никаква, ајде да речеме, корист од девојката или жената на која ù помагаш. Можеш едноставно да го направиш тоа добронамерно, ама како што тргнале работите, новиве генерации зборот „џентлмен“ ќе го пребаруваат во речник. Зошто мажите знаат да бидат џентлмени само на првиот состанок и на наредните неколку (некои дури ни тогаш). Секоја чест на исклучоците! На оние кои знаат дека не си „папучар“ ако си вистински џентлмен кон својата девојка, мајка, пријателка…

Зошто да не ù дозволиш на жената да влезе пред тебе во автобусот, или да ù отстапиш седиште, што ќе ти се случи? Или можеш да ù помогнеш на старата женичка која се витка носејќи ги ќесите. Тоа веќе се граничи со нивото на култура, кое во нашето општество е многу ниско. Не сакам да бидам една од оние мрчаторски настроени луѓе, не мислам дека сè тргнало „по ѓаволите“, ама со недостигот на џентлмени не можам да се помирам!

Кога последен пат јас и Ена буквално се влечевме по улица носејќи го тешкиот багаж, помина група момчиња и само нè одминаа. Паметам кога пред извесно време излегов на состанок и типов ко од пушка порача прв. Добро, си кажа човекот, ама олабави малку, никој не ти го зема пијалокот, ќе се најадеш и ќе се напиеш, наспроти тебе седи дама. Па свесни сте колку плус поени добивате со џентлменски гестови? Оние кои се свесни, само го злоупотребуваат тоа и ништо повеќе, џентлменското кај нив не трае долго.

Како да сакаш да отвориш врата од кола кога она ми вика: Шо кола возиш? Сигурно нема да се возиме во крнтијата на татко ти… или те глеа дека навистина добро се носиш и прво што ù текнува во глава е: Овој мора да има БМВ или Мерџо… а ти возиш Астра 97 година и се радуваш што имаш клима и нема да се скуваш док излезеш у град. Пробуваш да помогнеш на девојка у град дигната на 12-ка штикла, натоварена со кеси потешки од неа со реномирани копии од Бершка, Мона и Теранова и уште ти вика: Бегај море манијак еден… Хелоууу мислиш дека сум толку лесна па со ова ќе ме ќариш? МАРШШШ… или едноставно ти одмавнува со поглед и те прави да се чувствуваш као кретен. Влага во 5-ка дотерана пиц-пец со нога ко ќумец и ти вика: Дечко пази малце, не глеаш дека влагам??? Или се вози во државен во вторник и петок и ти се врти тебе и ти вика: Дечкооо… Шо се буташ???

Вака сеа, добро е што жените почнаа да се залагаат за нивните права, но да разграничиме омаловажување од добронамерни џентлменски гестови. Твоето его нема да биде повредено ако некој ти отвори врата и ти влезеш прва, ама твоето его нема да биде повредено и доколку се заблагодариш на дечкото кој се потрудил да те испочитува како дама. Доколку си и самата способна да ја отвориш вратата, значи способна си и да се заблагодариш или едноставно пријатно да се насмевнеш во чест на почитта што ти ја пружил, без прво да помислиш во глава дека со тоа ќе ти се наруши твоето его и ќе дозволиш за жал на, не твој тип на маж, да се насмевнеш и ти ги види твоите „добро наредени заби“. Како што жените го изменија зборот женствени, така и мажите го изменија истакнувањето на машкоста.

Колку само ни недостигаат сите оние ситници на кои се радуваа жените од 80-тите и 90-тите години. Скинато цвеќе од градината на комшијата, крадење кола од дома за да ја изненади девојката и да ја однесе на место каде сонувала да биде, да отвори врата од кола, да ù подаде рака да се качи на коњ, да ù го подаде марамчето паднато на под, да помогне на старата изнемоштена жена која се натоварила со кромид и лук за дедото и слични работи што ги гледаме само на филм и станаа неблагодарни гестови за кои те озборуваат и те оцрнуваат како човек.

Ништо друго не бараме, туку почит каква што мажите имале до почетокот на новиот милениум, насмеано лице за подареното цвеќе, а не повратен одговор: И шо да му правам сега? Кај да го ставам? Или: Кај ти текна да ја земеш крнтијава, едвај ќе стигнеме сеа… Ај не ми се прави џентлмен, можам и сама… Го гледа инструкторот за јавање и се моли да ја придржи и дигне за да ја качи на коњ. И, треба нешто да значи ова ако си ми го подал марамчево? …

Мажите веќе се свесни дека и со намера нешто да направиш нема да го добиеш, затоа ова почнаа да го практикуваат само за да го направат животот поинтересен, применувајќи некои од овие ретро џентлменски трикови, но за жал веќе изветреани. Башка, што и да направиш за жените веќе е видено на филм и не е интересно.

Се надевам дека понатака и на првиот состанок мажите нема да треба да прават будали од себе кога битно е првиот впечаток на девојчето за тебе, а тоа навидум стана практика кај сите:

1. Дали добро ја носи косата?
2. Дали носи часовник од позната марка? …што укажувало на фактот дека навистина се грижи за својот имиџ, а не дај Боже да носиш и каиш од Мона, тогаш си совршен, но сепак ќе размислам додека не ме качиш во кола.
А да и најбитното…
3. Какви патичиња носиш? (цел град е преплавен со Најк и Адидас патичиња, без разлика на тоа дали им стои на панталоните и маичката или на сакото што го носат у секоја прилика)

Или накусо речено, за некој да биде џентлмен, треба некоја да биде мадам.