Архитектонското студио „MW Architects“ разви практичен дизајн за современа кујна во дуплекс во Северен Лондон. Главниот протагонист во просторот е практичната модуларна кујнска композиција од полици и шкафчиња за кујнските елементи што непречено се простира на меѓунивото и формира библиотека во работната соба.

Спојот од светло дрво, смела жолта и темнозелена нијанса ѝ дава посебен карактер на пространата кујна што се соединува со трпезаријата во еден простор што преку широки прозорци се отвора кон дворот и ужива во зеленило. Масивната дрвена композиција што од кујната на првиот кат се простира до работната соба на вториот кат хармонично ги поврзува двата простори и создава отвореност и континуираност во ентериерот.

Модуларниот систем од кујнски шкафчиња и библиотека се истакнува со јасни и прецизни линии, кои, освен практична, му даваат декоративна функција со која од само функционален простор оваа конструкција се сраснува и со другиот декор во домот.