КРШТЕВАЊЕ НА БЕБИЊА-ДА ИЛИ НЕ?

Не сум сигурен баш дека сите веруваме и се сложуваме дека човек се спасува само ако е член на црквата. Незнам што точно подразбираш ти под тоа "член на црквата"? Крштеница ли со печат од МПЦ и потпис од г.г.г. Стефан? Тоа ли ќе не спаси? Тоа ли е визата за рајот?

Повеќе од 75% од македонците ја имаат таа виза, а сепак ни 5% од нив не знаат ни зошто дошол Христос на земјава и зошто дозволил да биде распнат на крстот. Следи внимателно, колкумина (што биле крстени како бениња) за Велигден ќе речат: "Христос се роди!", наместо: "Христос воскресе!". Смешно и трагично во исто време.

Таа фраза "човекот се спасува само ако е член на црквата" најмногу била употребувана и се употребува од Католичката и Православната црква со цел да создадат еден верски монопол и од луѓето да направат лојални муштерии заплашувајќи ги дека доколку не се членови на црквата нема да бидат спасени, и дека доколку не ги крстат бебињата во нивните цркви, кутрите мали бебиња ќе горат во пеколот. Срамота!

Сепак и јас верувам дека човекот (а не бебето) се спасува аке е член на Божјата Црква (со големо Ц). Таа Црква ја сочинуваат сите починати и живи Христови следбеници кои својата вера ја втемелиле во Христос и Неговото, а не нужно и црковното, учење.

Чаир, како ќе се спасат бебињата кои не се крстени ти напишав во предходните два поста и сметам дека тоа е доволно.

Гревот нема осуда и моќ врз нив и тие ќе бидат спасени преку Божјата огромна милост на база на Христовата Жртва и од нив нема да се бара вера бидејќи немале можност да ја имаат истата. Да не се повторувам докажувајќи ти го ова, прочитај ги моите два предходни поста.

Прашање до тебе:

Христос му рекол: "Вистина ти велам, денес ќе бидеш со Мене во рајот"

Мислиш ли дека разбојникот викнал од крстот по војниците: "Ве молам, симнете ме од крстот за да се крстам, па потоа пак заковајте ме на него, бидејќи само така се станува член на црквата и само така човек се спасува!" :-))) Извини за иронијава, ама со овој пример само сакав да ти покажам дека крштевањето не е во дирекна и неопходна врска со Спасението, туку неопходни се покајанието и верата. Разбојникот се покајал и поверувал дека Исус е Христос и затоа бил спасен.

Нормално, секое одбивање на крштевањето од страна на возрасен човек кој има услови да изврши библиско крштевање, е добар индикатор дека тој или таа имаат проблем со предусловите на крштевањето т.е. немаат вера или не се покајале вистински. Е таквата вера и таквото покајание, на кое му следи одбивање и непослушност на Христовата заповед да се крстиме, не не спасува. Тоа е, како што апостол Јаков ја нарекува, мртва вера.

Крштевањето на бебиња не е библиско крштевање и Бог не го препознава како такво и затоа јас го нарекувам само едно вонредно бањање на бебето.

Тоа е, како што го нареков, само еден ритуал, само еден обичај, да си направиме една гозба со роднините и пријателите и да си ја смириме совеста дека ете го крстивме бебето, го поштедивме од пеколот и го направивме христијанин. Христијанин ипол! :-)

Павле си имал голема мака со Галатјаните да ги убеди да не се навраќаат кон делата на законот, кон ропството на неговите обреди и заповеди, кон телесното обрежување и сите други површни и надворешни ритуали.

И ќе им рече: "Се чудам што така брзо се одвративте од Оној, Кој ве повика кон Христовата благодад, и преминавте кон друго евангелие (ерес!)" Галатјаните 1:6

Би сакал овој пост да го завршам со следниве 2 слогана:

"Но бидејќи знаеме дека човекот не се оправдува од делата на законот, туку само преку верата во Исус Христос, и ние поверувавме во Исус Христос, за да се оправдаме од верата во Христа, а не од делата на Законот; зашто од делата на Законот нема да се спаси ниту еден човек." Галатјаните 2:16

SOLA SCRIPTURA (Само Светото Писмо)

"Цеото Писмо е од Бога вдахновено и полезно за поука, за изобличување, поправање и поучување во правдата, за да бдие Божјиот човек совршен и подготвен за секое добро дело. 2 Тимотеј 3:16

Поздрав!

EvAngelos