АТЕИЗАМ

Sokol напиша: Ти кажи ми аџија зашто да верувам во господ, што ќе ми помогне тој/таа.Каква помош,утеха кога ќе ти биде најтешко можеш да очекуваш? Никаква,само бесцелно ќе му се молиш. Кој ќе ти помогне? Човекот, не зборам за научници,доктори туку за најблиските.Во тие луѓе треба да веруваш.

Трагичен крај на матурска забава во Велес

Владимир Тевчев

Матурска вечер со крвав крај, е епилогот од синоќешното славење во куќата на велешкото семејство Картинови. Од раката на својот брат Лефко, убиен е 43-годишниот Драган Картинов, неговата сопруга Валентина е потешко повредена.

Гласната музика била причина за братоубиството. Убиецот Лефко, кој живее на долниот кат, го предупредил брата си да ја намали музиката, Драган го послушал, но кога забавата завршувала, Лефко и неговиот син со стап и нож ги нападнале гостите и домаќините во дворот.

„Ја удри жена му со тупаница и ножот и го забоде во грбот и во тој момент немаше што да правам, ја фатив Валентина и тој еден нож и уште еден нож на починатиот и после избегаа“, изјави Зоран Апостолов, очевидец.

„Валентина и Драган и двајцата беа во крв и на двајцата им ја запирав крвта, многу сум потресена“, рече Снежана Колева, очевидец.

Валентина била избодена во грбот, таа е во Велешката болница и е надвор од животна опасност. Двата убоди во срцето и белите дробови биле фатални за Драган, тој утрово починал во Ургентниот центар во Скопје.

„Крвареше жената од позади, ги товаривме во возилото и ги однесоа“, вели Лазе Атанасков, сосед на убеиениот.

Во куќата на Картинови денеска молк. Роднините на убиениот скршени од болка не можеа да зборуваат за настанот, тие за убиството слушнале утрово во 6 часот, не можат да сфатат како се случило убиството.

Двајцата браќа немале меѓусебни расправии, починатиот Драган дури и го поканил својот брат Лефко на матурска.

Полицијата утрово го приведе убиецот, неговата сопруга и синот, против Лефко поднесе кривични пријави за убиство и обид за убиство.

Пациент од кочанско починал оти немал син картон

Маре Стоилова

Дали немањето на едно парче син картон, 38-годишниот Гоце Митев од кочанско Соколарци го плати со живот? Неговото семејство тврди дека болничката администрација го убила сиромашниот аргат, кој преживеал мозочен удар додека работел на оризовите полиња.

Митев во состојба на бессознание бил примен во кочанската болница, но таму не работел апаратот за снимање, а медицинската сестра била на одмор.

Матичниот доктор го препратил во Штип, каде не му била укажана помош, пациентот не бил прегледан и не добил соодветна терапија.

„Го молевме, тој го фрли упатот на земја. Ни рече, не сакам да го читам и го пушти на земјата“, изјави Станка Митева, сопруга на починатиот.

„Рече, човекот да се испушти, не сакам ни муабет да правам, а не па упатот да го гледам кога немате документи“, рече Македонка Митева, сестра на починатиот.

Беспомошни и испаничени, Митеви се вратиле дома, заедно со пациентот кој во меѓувреме се освестил и се жалел дека се чувствува многу лошо. Молел за помош, барал лекарства, но наместо соодветна терапија, од сопругата на своја рака добил само еден лексилиум.

Овој седатив не му го решил проблемот. Семејството го чекало понеделник, за да обезбеди син картон, но тие два дена биле кобни за невработениот татко на две малолетни деца. Тој починал во неделата.

Од штипскиот оддел на невропсихијатрија не се сеќаваат на конкретниот случај. Дежурниот доктор го образложи правилото од управата.

„Без здравствена книшка, без син картон и без лична карта пациенти да не се примаат. Ако бил таков случајот, веројатно пациентот не е одбиен, туку нему му е кажано дека нема исправна медицинска документација и ако сака да биде прегледан, треба да си плати на приватно“, вели Ѓорѓи Џорлев, Р.Е. „Невропсихијатрија“ - Штип.

Семејството Митеви ќе бара судска разврска на овој случај. Ги повикува сите надлежни државни институции да ја исправат оваа неправда.