Фан клуб Горан Пандев

Прекрасно е да се биде во Интер

Малку невообичаено, но тоа е тоа. Горан Пандев во понеделникот го стави својот потпис за Интер, по само 48 часа беше во стартниот тим на "нероазурите", а вчера во Милано нашиот најдобар фудбалер ја имаше и официјалната промоција за новиот клуб. Дресот на Интер до јуни 2014 година ќе го носи најдобриот фудбалер на Македонија. Пандев со тренерот Мурињо и Габриеле Ораили од управата на големиот клуб се појави на вчерашната прес-конференција посветена на неговото доаѓање на "Џузепе Меаџа".

"Прекрасно е да се биде дел од Интер...", беа првите зборови на Пандев пред јавноста во Италија.

Новото засилување на Интер кој ќе го носи дресот со бројот "27" ги откри и причините поради кои одлучи да ја прифати понудата од "нероазурите".

"Пресудно за моето враќање во Интер беше и упорноста на тренерот Мурињо да ме доведе во неговиот тим. Му благодарам што веднаш ми даде шанса затоа што бев стартер уште на првиот меч. Беше како во сон овој меч против Киево во Верона. По толку долга пауза од 5 месеци неиграње задоволен сум од тоа како одиграв на мојот прв меч во дресот на Интер", додаде Пандев,кој уште на почетокот од својот престој во Интер ги освои симпатиите на навивачите, на тренерот Мурињо...

Сепак, на својата прес-конференција Пандев се потсети и на проблемите кои мораше да ги победи за да стигне до дресот на големиот Интер.

"Ова беше тежок период. И покрај тоа што немав настапи јас напорно тренирав затоа што фудбалот ми е во крвта. Во Лацио минав 5 години и таму израснав пред се како личност, а потоа и во фудбалер. Сакам да му се заблагодарам на римскиот клуб. Сега сум тука, во Интер, и мислам само на следните предизвици...".

Пандев дојде во клуб кој постојано има амбиции да освојува титули, да победува. Дојде во клуб каде има жестока конк*ренција и во екипа каде ја има големата доверба на тренерот Мурињо. Тоа што веднаш беше стартер е сигнал дека Пандев во Интер доаѓа како големо засилување.

"Тука сум меѓу шампиони и затоа нема да биде лесно. Секогаш мора да се дава максимумот и да се биде 100% подготвен за да се биде во првиот тим. Се уште ми треба време да ја достигнам врвната форма затоа што имав долга пауза па така сега сум 80% подготвен. Но со работа и со натпревари формата ќе дојде на потребното ниво. Најважно е да имам добри игри и мојот Интер да победува. Јас дојдов во најдобриот тим во Италија со кој се надевам дека ќе ја одбраниме титулата во домашниот шампионат и ќе се обидеме да стигнеме далеку во Лигата на шампионите...", се желбите на Пандев за оваа сезона со неговиот нов клуб.

Жозе Мурињо беше на промоцијата на Пандев. Тој на новинарските прашања одговараше само на оние кои беа поврзани со новиот фудбалер.

"Ова е прес-конференција на Пандев и затоа нема да коментираме за другите случувања. Сите тренери со кои работеше Горан дадоа голем удел во неговиот професионален развој. Сега тој е играч со големи квалитети и искуство. Се што кажа Пандев околу тоа дека доаѓа во шампионски тим е вистина. Тој вчера играше за тимот и не за него самиот и поради тоа одлучив да го оставам на теренот што е можно повеќе. Се уште не е во топ форма, но тоа не ми пречи. Важно е тоа дека дава се од себе...", коментираше Мурињо.

Португалскиот стратег на сите страни го фали Пандев и е презадоволен од неговата професионалност, пристап во играта и на тренинзите.

dobar pogodok na pandev za inter,vednash mu najdoa i nadimak KUNG FU PANDEV...

Пандев: "Сонот да се игра за Интер"

Еден ден по неговото деби против Интер Chievo, Горан Пандев беше откриен на печатот на тренингот земјата. "Тоа е голема емоција да носат дресот на Интер повторно", рече македонскиот напаѓач. "Морам да се заблагодарам на шефот за давање ми шанса да игра веднаш. Тоа беше сон да играм со Интер кошула по пет месеци без играње".

Пандев беше во придружба на прес-конференција од страна на José Mourinho и Gabriele Oriali, кој безусловно прес за состојбата на Cristian Chivu пред изразувајќи го своето задоволство при гледање Горан назад во Интер. "Го поздравувам Горан назад", рече Oriali. "Јас сум многу задоволен да го види назад, бидејќи ние тука нека отиде прерано. Јас сум многу задоволен, исто така, бидејќи таму имаше и многу други клубови, вклучувајќи и некои странски оние, кои беа заинтересирани за него."

Горан Пандев ја извлекол на неговиот нов број 27 кошула вчера по долго отсуство од играње поле. "Овој период беше многу тешко за мене, но јас продолжи да воз и затоа што бев вознемирена да биде без фудбал", објасни Интер најновите потпишувањето. "Минав пет прекрасни години во Лацио, иако, и јас подобрена како човек и играч. Заблагодарам на тимот, туку дека јас сум тука сега, и е подготвен како и секој друг. Јас сум меѓу многу шампиони, па така нема да биде лесно да се игра во секое време. "

Пандев, кој потпиша договор до 2014 година, во понеделникот, изјави дека се уште треба време да се достигне врвот фитнес. "Јас сум на 70 или 80% од мојата физичка состојба, но јас секогаш ќе ми дадат придонес. Тоа беше лесно за мене во текот на Chievo-Интер, бидејќи мојот тим-пријатели објаснува многу работи за мене. Јас не мислам јас би успеваат да остане на теренот толку долго, но дадов ми сите. морам да се заблагодарам на моите другари. Тие се шампиони и тоа е лесно да се игра со нив. "

José Mourinho's затворени Пандев презентација прес-конференција со неговата лична проценка на новиот Интер напаѓачот: "Сите негови тренери направија голем придонес за да Горан е професионален развој. Тој е играч од голем квалитет и искуство. Што рече тој беше вистински: тој е полесно кога ќе се приклучат на тимот на шампиони, но тој играше за тимот вчера, а не за себе, и затоа решив да го остави на теренот за толку долго. Тој не е во топ состојба, но тоа не ми пречеше . Што е важно што тој ги дава своите сите. "

извор: официјалната веб страна на FC Internazionale
http://www.inter.it/aas/hp?L=en

 

"Жал ми е што заминувам вака, но..."
"Многупати овие години мислев дека засекогаш ќе останам во Лацио. За жал, се покажа дека тоа не е можно", вели Пандев кого го очекува трансфер во Интер

Откако пред една седмица и дефинитивно, со помош на Арбитражниот суд во Милано, најдобриот македонски фудбалер се раздели со својот досегашен клуб, Горан Пандев се одлучи преку отворено писмо низ страниците на италијанскиот "Ил Месаџеро" да го испрати последниот поздрав до своите најверни навивачи од Рим.

"Последните неколку месеци ме научија колку лагите можат да бидат навистина болни", се осврнува Пандев до навивачите на Лацио, притоа дополнувајќи:

"Не сакам да употребувам сега некакви лажни слатки зборови дека конечно сум по својот пат. Отсекогаш моите намери беа да бидам максимално приврзан за клубот уште од првиот ден кога пристигнав во Рим. Сега, од 2010 година ќе бидам на противничката страна против мојот драг Лацио. Сигурно ќе прославувам голови и победи со некои нови соиграчи во сосема друг дрес од оној светло-синиот на Лацио. Секако, ќе се обидам да бидам среќен исто како што бев и низ првите четири години од престојот во овој град".

Во својот осврт македонскиот репрезентативец истакнува дека со оглед на неговиот извонреден почеток во 2005 и во 2006 година не е тајна дека претходно верувал и во можно останување во Лацио до крајот на кариерата, меѓутоа факт е дека фудбалот секогаш носи нови предизвици.

"Многупати овие години мислев дека засекогаш ќе останам во Лацио. За жал, се покажа дека тоа не е можно. Навистина ми е тешко што заминувам на овој начин. Сакав да бидам поуспешен од противничките одбрани на теренот, сакав фудбалски да победувам, а не во судниците. Сакав да бидам само фудбалер, а не во друштво на адвокати, меѓутоа фудбалот некогаш носи и неочекувани нешта. Не требаше разделбата со Лацио да биде на овој начин, но некои работи едноставно се далеку од моја контрола. Збогум Рим, и среќна нова година Лацио!", завршува во своето обраќање Горан Пандев.

Со среќа нека му е на Пандев, се надевам дека добро ќе се прилагоди во новата средина. На Лолито му пожелувам втора лига од година. 

P.S. Надвор од темата е прашањево, ама дали знае некој што се случи со Горан Славковски, се уште е во Интер или?

ПОВЕЌЕ НЕМА ДИЛЕМИ ОКОЛУ ИДНИНАТА НА ГОРАН ПАНДЕВ
Во ИНТЕР - 15.000.000 евра за 5 години
На 2 јануари нашиот најдобар фудбалер ќе биде промовиран како засилување за шампионот на Италија и ќе почне со работа кај Хозе Мурињо

Битката со Лацио е добиена и сега е време за следниот предизвик. Горан Пандев заминува во Интер, и тоа е 100% завршена работа. Трансферот ќе биде официјализиран во првите денови од новата 2010 година кога и почнува зимскиот преоден рок. Повеќе и нема тајни околу условите кои ги добива нашиот најдобар фудбалер од неговиот матичен клуб во Италија. Дознавме дека Пандев веќе има потпишано договор со Интер на 5 години и тоа за вкупна сума од 15.000.000 евра кои ќе легнат на сметката на нашиот репрезентативец.

Фудбалерот беше во Милано кога арбитражниот суд завчера ја соопшти веста за неговата слобода. Веднаш потоа имал и средба со луѓето на Интер со кои ги прецизирале сите детали иако од поодамна се знаеле формалностите. Дека му падна камен од срце и дека Пандев со нетрпение ја чекал слободата и времето за одмор говори и фактот дека тој веднаш по одлуката барал билет до Македонија по секоја цена. Вчера во вечерните часови се појавил во својата родна Струмица и со својата фамилија и најблиските ја прославил победата и слободата и трансферот во Интер.

Како што дознавме, нашиот најдобар фудбалер добил време за одмор и од новиот шеф Хозе Мурињо. И познатиот португалски стратег е свесен за пеколот низ кој мина Горан Пандев и затоа не инсистирал тој веднаш да стартува со тренинзите иако за клубот има само 2-3 дена пауза затоа што на 6 јануари продолжува сезоната кога Интер го игра првенствениот меч со Киево кога се очекува и дебито на струмичанецот во новиот тим.

Горан Пандев на 2 јануари ќе биде промовиран како нов фудбалер на Интер. Истиот ден ќе го има и првиот тренинг со екипата во која има огромна конк*ренција за напаѓачките места.

"Јас никогаш не сум стравувал од конк*ренција. Верувам во своите квалитети. Интер!? Тоа е клуб кој ги исполнува моите амбиции. Веќе реков дека сакам да одам во екипа која ќе се бори за титули, која ќе игра во Лигата на шампионите...", коментира Пандев од Струмица кој ниту ги демантира а ниту ги потврдува најавите за неговиот следен нов клуб.

"Се е како што треба и треба да минат неколку дена. Нема потреба од брзање иако веќе на сите ви е добро познато што ќе се случи. Во денешно време нема криење...", е ставот на нашата прва фудбалска виолина во последните неколку години.

Среќниот крај на тензиите околу Пандев, неговата слобода по судскиот процес во Лацио и трансферот во Интер се најдоброто нешто што му се случи на македонскиот фудбал во оваа проклета и црна 2009 година. Настанот околу нашиот најдобар фудбалер е топ тема не само во земјава и во Италија туку и во комплетната фудбалска јавност низ светот. Пандев го заслужи сето ова. Сега на ред е нашиот најдобар фудбалер да покаже што знае во дресот на Интер и да се вивне кон најголемите ѕвезди на овој спорт. Да се освојуваат титули, да се тресат мрежите на сите фронтови. Струмичанецот имаше долга пауза, но низ настапите за националниот тим оваа есен простигна 7 голови на 6 средби.

Пандев во Интер заминува како освежување во нападот и е на добар пат и оваа сезона со екипата од "Џузепе Меаца" да ја одбрани титулата. Сепак, предизвикот за Интер во новата 2010 година се вика Челзи и настапите со оваа екипа во 1/8 финалето од Лигата на шампионите.

Третиот Македонец на "Џузепе Меаца"

Дарко Панчев, Горан Славковски и сега Горан Пандев. Струмичанецот е третиот Македонец кој ќе го носи дресот на најдобриот тим од "Џузепе Меаца". Во 1992 година Дарко Панчев од Црвена Звезда за 10.000.000 германски марки замина во Италија и тоа беше еден од најголмите трансфери за тоа време.

Историјата како да се повторува. И тогаш Панчев бираше меѓу Интер и Милан и се одлучи за "сино-црните". Многумина аналитичари и во денешно време коментираат дека тоа бил погрешен избор. Панчев не се прослави во Интер. За 3 години престој во тој тим одигра 19 средби и даде само 3 голови. И сега Пандев бираше меѓу Интер и Милан. И тој оди по стапките на "златната копачка". Дефинитивно Интер е клуб на Македонците.

Тука не смее да го заборавиме и Горан Славковски. Големиот талент влезе во клупската историја на оваа екипа како најмладиот играч кој настапил на првенствен меч. Настапи 15 минути на дуелот со Сиена пред три години и има минутажа и е дел од тимот на Интер кој освои шампионска титула. Славковски беше голгетер за младинците на Интер каде во времето на Пандев настапуваше и Ацо Стојков.