Состојки
Тесто
500 гр. брашно
30 гр. квасец
3 лажици млеко
120 гр. шеќер
2 јајца
80 мл. сок од портокал
125 гр. крем сирење
150 гр. омекнат на собна температура путер
1 ванила
3 лажици рум
1 портокал - ренданата кора од целиот портокал
прстофат сол
на врв на ножот кардамон, мускатно оревче, цимет, или 1 /4 лажичка ал - спице
100 гр. кандиран портокал
50 гр. кандиран ѓумбир
80 гр. суви кајсии
6 лажици сок од портокал
по желба марципан - 100-200 гр.
за премачкување
100 гр. стопен путер
за посипување
80-100 гр. шеќер во прав

Подготовка
- Прво исецкајте го на ситни коцки кандираното овошје, сувите кајсии полијте ги со 6 лажици сок од портокал и тргнете на страна да стојат.
1. Растопете го квасецот со млекото, додадете малку шеќер и брашно, да се активира.
- Во друг сад ставете го брашното, шеќерот, јајцата, прстофат сол, сирењето, сокот од портокалот, румот, омекнатиот путер и со додатоците од миксерот кои се за месење тесто измесете го тестото. На крај додадете ја ренданата кора од портокал и зачинките и кратко само измиксирајте. Ако сакате да ви остане посветло на боја тестото тогаш зачинките ставете ги сосема на крај кога ќе го премесувате тестото. Измесеното тесто покријте и оставете на собна температура да стасува околу 2 часа. Повторно измиксирајте го и пак оставете да стасува околу 45 мин.

2. Стасаното тесто ставете го на лесно побрашнета работна површина. Со рацете развлечете го и по него расподелете го кандираното овошје. Поделете го тестото на толку дела колку што сакате да бидат мали овие вкусни ароматни овошни слатки пецива или сладок леб. Можете и само на два дела и ќе добиете веќе поголем Столлен. Размесете го секое топче и оставете да се одмори околу 10 мин.
3. Со сукало секое поделено тесто кое веќе одстојало десетина минути, само налегнете го на средината. Краевите треба да останат подебели. Доколку ставите марципан кој сте го оформиле во форма на колбас, овде поставете го и само лесно замотајте како кога се мота ролат, но не до крај. Мора едниот подебел крај од тестото да остане слободен. За да не ви се одлепат краевите со малку вода поминете на самиот крај кој се спојува со тестото и притиснете. Ако не ставате марципан, исто постапете, така што ќе го мотате без него.
Ставете го во тава покриена со хартија за печење. Доколку немате мали модлички, тогаш секој приготвен Столлен со трака која ќе ја направите од алу-фолија, замотајте околу него, стиснете ги краевите и тоа ќе биде импровизирана модла која ќе овозможи да се задржи обликот на оформеното тесто.
Оставете да стасува околу 30 мин. Ставете да се пече во претходно загреана рерна на 200 степени која веднаш ќе ја намалите на 180 степени откако ќе ставите да се пече. Фолијата ќе ја одмотате од секое парче Столлен откако до половина веќе се испекло, нека се допече до крај без неа.
4. Додека се пече вие растопете го путерот.
- Печениот топол Столлен веднаш премачкајте со путерот, обилно посипете со прав шеќер и ставете на решетка да се лади. Вака со сите парчиња ќе направите. Нека се потполно олади, потоа спакувајте ги мотајки во прозирна фолија, убаво краевите од фолијата прилепете и ако не се изеде веднаш,  дозволете да одстојат повеќе време како би можеле да дојдат до израз зачинките кои сме ги ставиле во тестото. Може вака да стои до 1 месец, колку повеќе стои, толку повкусен е.
Немалку пати вака спакувани во мини форма, столлен, мене ми служеа за Божикни подароци...

Состојки
Глазура
150 гр темно чоколадо
2 лажици масло
Смеса за мињони
300 гр бисквити
1/2 лажичка ѓумбир
1/2 лажичка цимет
1/2 лажичка мешавина мускатно оревче и каранфилче
1 лажица арома рум
3 лажици какао
50 гр сецкани тостирани ореви
100 мл млеко (по потреба, зависно од бисквитите)
3 лажици шеќер
70 гр маргарин

Овие превкусни мињони се доста декоративни и лесни за подготовка и се со неодолив мирис и вкус. Може да се подготват со бисквити и зачини, како во овој рецепт или пак да се користат спекулас бисквити кои веќе се зачинети. Нема да погрешите и во двете верзии.

1. Млекото се загрева заедно со шеќерот, за да се стопи. Поедноставната верзија е со шеќер во прав, за полесно да се стопи и да не крцка.
2. Бисквитите се мелат во сецко на ситно. Оревите се додаваат кон бисквитите, сите зачини и какаото и сето тоа се меша.
3. Потоа додате го млекото и аромата рум и исецканиот маргарин. Сетоа тоа убаво се замесува. Ако ви е сува смесата додадете уште млеко.
4. Стопете го чоколадото со маслото и оставете малце да се олади.
5. Во силиконски калапи за мињони, ставете го растопеното чоколадо. Наполнете ги 1/3 калапите. Оставете да се олади и стегне чоколадото на 10-15 мин, во замрзнувач.
6. Останатиот дел од калапите пополнете ги со смесата за мињони и повторно вратете во фрижидер, убаво да се оладат.

Изладените мињони убаво се вадат од калапите, бидејќи се убаво стегнати и изгледаат доста декоративно за на празнична трпеза. Вкусот и аромата се неодоливи, бидејќи е одлична комбинацијата!

П

Состојки
Кори (Состојки за 1 кора, потребни се 4 кори)
3 белки
3 лажици шеќер
3 лажици мелени ореви
2 лажици брашно
Фил
650мл млеко
9 лажици шеќер
12 жолчки
4 лажици брашно
250гр путер
250гр шеќер во прав
300гр мелени ореви

Рерната загрејте ја на 200 степени. Модла со пречник од 24см премачкајте ја со малку зејтин и ставете на дното хартија за печење.
Белките матете ги додека да побелат па додадете го постепено шеќерот. Откако смесата убаво ќе згусне, додадете ги оревите и брашното. Промешајте кратко и истурете ја смесата во модлата. Печете 12 мин. Проверете со чепкалка дали е тестото печено. На истиов начин испечете вкупно 4 кори.
Фил
Од вкупната количина на млеко одвојте 200 мл и измешајте го со жолчките и брашното. Во другото млеко додадете го шеќерот и ставете да се вари. Откако ќе зоврие, додадете ја смесата со жолчките и на средна темература варете го филот. За цело време мешајте енергично со жица за матење. Внимавајте да не ви загорат жолчките, по потреба намалете ја температурата. Откако се сварил и згуснал како пудинг, ставете стреч фолија врз површината на филот и оставете го потполно да се излади.
Путерот и шеќерот во прав изматете ги пенасто, додадете го филот од жолчки и оревите. Измешајте убаво и оставете ја смесата половина час во фрижидер.
Филувајте ја секоја кора и одозгора украсете по желба.
Јас бидејќи украсував со фондан, филував три кори, последната ја премачкав со крем од путер, за кој рецепт имам поставено овде на странава.

Во продолжение ви го презентираме рецептот, а вие можете да си играте со декорацијата дополнително ако сакате, оставаме на вас.

Состојки (за 15-тина бисквити):

- 239 гр.путер

- 3/4 шолја (до 250 мл) шеќер во прав 

- 1 шолја течен мед 

- 1 јајце 

- 5 шолји обично брашно (неколку лажици брашно можете да ги замените со неколку лажици какао) 

- 1 лажичка сода бикарбона 

- 2 ќесички зачини за бисквити (цимет, ѓумбир, афион... - може мешано или само еден) 

- малку сол 

За „снегот“:

- 4 белки 

- 4 шолји шеќер во прав 

- 2 лажички екстракт од ванила 

Начин на подготовка:

Сите состојки треба да бидат на собна температура. 

Помешајте ги брашното, какаото (ако го користите), сода бикарбона, зачините и солта.  

Со миксер изматете го путерот и шеќерот во право. Матете додека не добиете изедначена смеса. Додадете и мед и повторно мешајте. Потоа, додадете и јајце и со мискерот продолжете да мешајте додека не се соедини. Миксот сувите состојки, додавајте ги постепено и мешајте, додека повторно сè не се соедини. 

Добиеното тесто ставете го на работна површина, на која претходно се наросиле малку брашно. Со сукало обликувајте го тестото во голем, мазен круг. Потоа, завиткајте го во фолија и оставете во ладилник 2 до 4 часа (може и 24 часа). 

Тестото од ладилник развлечете го во голем, тенок круг, па со модли правете бисквити во облик на цветови или ѕвезди. Внимавајте, потребни ви се и помали и поголеми модли за бисквити. Супер е ако имате 3 или 4 различни големини. 

Бисквитите наредете ги во подмачкан плек и печете околу 8 минути, во рерна загреана на 200 степени. На помалите бисквити можеби ќе им бидат доволни и 5 минути. Потоа извадете ги и оставете да се изладат. 

Додека се ладат, вие подгответе го „снегот“. Изматете ги белките во цврст снег, а потоа постепено додавајте шеќер во прав и ванила. Мешајте го тоа додека не добиете цврста смеса.  

Потоа, составете ја новогодишната елка. Најголемиот бисквит ставете го на дното на тацната. Преку него, на средина ставете 1 лажица „снег“, па покријте го тоа со помал бисквит и продолжете да редите по тој редослед, додека не добиете елка. Најмалиот бисквит нека ви биде ѕвездичка на врвот на елката. 

Состојки
1 Пандоро
250гр. маскарпоне
100гр. шеќер во прав+ за наросување
150гр. ладно млеко
75гр, прашок за шлаг пена

Јас знам дека во МК Пандоро нама во продажба, но ако си го набавите или добиете на поклон пригответе си го на овој начин нема да се покаете превкусно е!
Пандорото расечете го хоризонтално на 7 парчиња ( види дополнителни фотографии).
Во сад за матење со миксер изматете го ладното млеко и прашокот за шлаг пена околу 5 -6 минути. Со лажица измешајте го шеќерот во прав и маскарпонето. Потоа соединете ги двете смеси и измешајте ги со шпатула.
Филувајте го пандорото, пандишпаните редете ги секогаш спротивно со краевите за да може да ја формирате елката. На крај тортата елка наросте ја со шеќер во прав.
Пслужете ја тортата ладна.

Состојки
Тесто
250 мл топла вода
100 мл масло
1/2 коцка квасец
1 лажиче сол
1 лажиче шеќер
500 - 550 гр брашно
Фил
300 гр замрзнат спанаќ
1 парче (100 гр) праз
5 - 6 лажици масло
1 филџанче вода
по вкус сол
За декорација
црвена пиперка маслинки, домат, ленено семе, сусам, семе од афион
малку маргарин

Најпрво подгответе го филот
Празот ситно исецкајте го и заедно со спанаќот (претходно одмрзнат) ставете ги да се пржат во тава со маслото. Додајте ја водата и сол по вкус и оставете да се динстаат додека течноста испари. Тргнете ги на страна и оставете ги да оладат.
Замесете го тестото.
Во садот каде што ќе месите ставете го квасецот, водата и шеќерот и измешајте ги да се раствори квасецот. Додајте го и маслото и солта. Брашното постепено додавајте го и замесете средно меко тесто. Покриено оставете го да одмори 20 мин.
Од тестото оставете едно мало топче за долниот (држач) и врвот (ѕвезда) на елката.
Останатото тесто на набрашнета површина развлечете го во правоаголна кора со должина околу 30 см, нанесете го филот и порамнете го. Завиткајте ролат и крајот залепете го со притискање на прстите да не се одделува.
На голем плех ставете хартија за печење и на средината најдолу ставете дел од оставеното тесто за држачот на елката.
Ролатот сечете го на парчина со околу 2цм (треба да се добијат 15 парчина) и редете ги во плехот. Првиот ред 5 па 4 - 3 - 2 - 1 ролат. Ролатчината при сечењето се плескаат но при ставањето во плехот малку ќе ги дотерате за да не ја изгубат формата.
Од мал дел од тестото направите топче или ѕвезда и ставете ја на врвот од елката.
Најдолниот дел намачкајте го со малку топла вода и посипете го со ленено семе а врвот со сусам.
Елката украсете ја со црвени пиперки и домати, маслинки исечени на коцки или според вашата креативнос. Одозгора наредете мали парченца маргарин.
Кога елката е готова уклучете ја рерната да се загрее на 190 степени. Ставете ја да се пече околу 30 мин. Потоа покриена со фолија и крпа оставете ја малку да подолади и послужете се.