Пиле на мексикански начин

Пилешко Cordon Bleu

Состојки: 4 парчиња пилешко филе, 3 лажици вегета, 200мл вода, лебни трошки, 2 лажици стопен путер, лук по желба, 1/2 лажица оригано, 100г шунка, 2 лажици мелен црвен пипер, 2 лажици рендан пармезан, кашкавал или сирење

Подготовка: Истолчете го месото на тенки парчиња. Одозгора зачинете го со вегета.

Течна смеса: Во сад ставете ја водата, 2 лажици вегета, путерот, лукот и ориганото. Загрејте додека водата не почне да врие и гответе неколку минути.

Смеса за поховање: Измешајте ги лебните трошки, црвениот мелен пипер и пармезанот.

На секое парче месо ставете парче шунка, преку него сирење или кашкавал, свиткајте и зацврстете со чепкалки. Подготвеното месо извалкајте го во течната смеса, па во смесата за поховање. Похованите шницли наредете ги во тепсија, одозгора налејте ги со остатокот од течната смеса и печете во рерна на 200 степени околу 40 минути.

Слатко кисело пилешко

Пилешко со јогурт

Иако можеби звучи како необична комбинација, спојот на пилешкото и јогуртот е вистински празник за стомакот.

Прочитајте како да подготвите вкусно јадење од овие продукти

Состојки:4 парчиња пилешки батак-карабатак, 500мл јогурт, 70г кашкавал, 2 лажици бело вино, 2 лажици соја сос, една лажичка кари, зејтин, сол, бибер

Подготовка: Сипете го јогуртот во поширок сад, додајде ги виното, зачините и соја сосот. Пилешкото посолете го и ставете го во јогуртот, поклопете и оставете да отстои во фрижидер цела ноќ. Месото ставете го во плех за печење, одозгора сипете го преливот од јогурт, прекријте со фолија и печете 60 минути на 180 степени. Потоа тргнете ја фолијата, врз месото изрендајте го кашкавалот, вратете во рерна и печете уште 10 минути.

Сервирајте со печени компири и свеж зеленчук.

Добар апетит!

Кој е најдобриот начин за приготвување пилешко?

За пилешкото не е потребен некој посебен вовед. Еден од најупотребуваните продукти и сигурно еден од најпопуларните поради цената, но и нутритивната вредност. Се консумира на сите континенти, а во светот во 2003-тата година имало дури 24 милијарди пилиња.

Најупотребувано е од домашните животни, што поради месото, но и поради јајцата. Приказната за пилешкото почнува многу, многу чудно. На почетокот се одгледувале индијски видови, и тоа исклучиво заради борба со петли. Малку внимание се обрнувало на месото и јајцата, речиси воопшто. Тие живееле од пет до десет години, во зависност од видот.

Најстарата кокошка која умрела имала 16 години, и тоа од срцев удар. Интересно е тоа што имаат т.н. „ред на петлите“, многу јасна хиерархиска поделба во внатрешноста на заедницата. КуК*рикањето на петлите е територијален знак за другиот петел, а кокошките се гласни кога лежат јајца, ги повикуваат пилињата, но и кога чувствуваат опасност.

Денеска има се помалку кокошки од органско производство, а се повеќе се одгледуваат во фабрички услови, и вакумирани се праќаат на полиците во супермаркетите. Постојат се помалку кокошки кои се исхранувани со пченка, а органско одгледнуваната живина се подготвува различно од неорганската за да биде сочна. Со пилешко се комбинира речиси се – печурки, зеленчук, тестенини, ориз, безброј видови на билки, сосови, зачини, па дури и, во Турција, слатко пилешко.

Пилешкото може да се полни, пече, вари, да се динстува, похова. Експериментирајте, обидете се со соја сос и мед, со коријандер, кокосово млеко во црвен сос од кари. Истражувајте, со пилешкото можете се!

Рецепт за вкусно и едноставно пилешко

Потребни состојки:

• 1 пиле
• 1 главица кромид
• сланина
• сол
• бибер
• 1 лажица путер
• 1 лажица мед
• 1 лажица сенф
• сок од еден портокал

Пилето го подврзувате со коноп, така што крилцата ќе се завртат на внатрешната страна и батаците ќе се приближат до градите. Потоа оставете го на собна температура, посолете го, и по неколку минути ставете го да се пече на 200 степени без масло. Доколку имате мајчина душица, наросете малку одозгора.

Пропржете го кромидот со сланината, додајте малку ловоров лист и зачинете. На крајот додадете малку путер за вкус и густина. Во сад ставете го медот, сенфот и сокот од портокал, зачинете со сол и бибер и посипете го врз испеченото пиле со гарнир од кромид и сланина.