Крем супа од ротквици

Потребно:

* 1 китка ротквици
* бибер
* сол
* 1 лажица зачинал
* 200 мл млеко
800 мл вода
* 30 г брашно
* 50 г маргарин
* 40 г ориз
* 2 лажици рендан пармезан

Приготвување: исчистете ги и измијте ги ротквиците заедно со листовите. Ситно исечкајте ги листовите, а ротквиците испасирајте ги со 100 мл вода во пире. Пропржете го брашното во загреаниот маргарин, па додајте ги пирето од ротквиците, зачиналот и оризот. Прелијте го сето тоа со остатокот од водата и варете го 10 минути. Потоа додајте ги млекото и листовите од ротквиците и варете со додека оризот не се свари. Послужете ја крем супата посипана со ренданиот пармезан

Супа со сирење

Потребно:

* 2 коцки за супа
* 1 главица кромид
* 40 г путер
* 2 лажици брашно
* 1 л вода
* 2 парчиња зденка
* малку рендано морско оревче
* сок од лимон
* магдонос
* бибер

Приготвување: кромидот ситно исечкајте го и во загреаниот путер пржете го додека не стане стаклест. Додадете го брашното и сето тоа прелијте го со водата. Откако ќе зоврие, додадете ги коцките за супа и варете го сето тоа околу осум минути. На крај од варењето додадете ја зденката, добро измешајте и супата зачинете ја со ренданото морско оревче, биберот, сокот од лимони ситно сечканиот магдонос.

Тортелини во супа

Потребно:

* 200 г тортелини со фил од сирење
* 1.200 мл вода
* 2 говедски коцки за супа
* 30 г путер
* 1 лажица ситно сечкан магдонос
* 1 лажичка ситно сечкан босилек
* рендан пармезан

Приготвување: проварете ги говедските коцки за супа во вода, додајте ги тортелините, па варете го сето тоа околу 15 минути на тивок оган, во полупокриено тенџере. При крај на варењето, во тортелините додајте ги путерот, ситно сечканите магдонос и босилек. Тортелините во супа послужете ги топли, посипани со ренданиот пармезан.

Супа од праз

Потребно:

* 60 г кромид
* 50 г шунка
* 30 г путер
* 500 г праз
* 1 зеленчукова коцка за супа
* бибер
* 50 мл бело вино
* 1 лажичка нишесте
* 2 лажици кисела павлака
* малку магдонос
* 4 лажици рендан ементалер

Приготвување: кратко пропржете ги исечканите кромид и шунка во загреаниот путер, па додајте го празот исечен на тркалца. Динстајте го сето тоа околу 5 минути. Прелијте го со вриената супа приготвена од зеленчуковата коцка и варете го сето тоа 10 минути. Разматете го нишестето во малку вода и сипете го во супата. Додајте ги виното, киселата павлака и кратко проварете го. Пред крај од варењето, посипете ја супата со биберот, ренданиот ементалер и ситно сечканиот магдонос

СУПА ОД БУКОВКИ

ПОТРЕБНИ СОСТОЈКИ:
1000 милилитри Супа од зеленчук
малку   Сол
100 милилитри Масло
2 чешниња Лук
1   Кромид
100 грама Компир
50 грама Грашок
250 грама Буковка печурки
малку   Црн пипер


ПОДГОТОВКА:
На загреаното масло пропржете ги сецканите кромид и лук.

Додајте ја буковката исецкана на листови и продолжете го динстањето.

Кога печурките ќе омекнат додадете 1 лажица брашно и налијте со супата.

Зачинете со сол и црн пипер, додајте ги компирите и грашокот.

Продолжете го варењето додека зеленчукот не омекне.

Месна бистра супа со кнедли од шунка


ПОТРЕБНИ СОСТОЈКИ:
малку   Сол
50 грама Маргарин
малку   Магдонос
1   Кромид/а
2   Кришка/ки леб
50 грама Кисела павлака
20 грама Брашно
малку   Бел бибер
1   Јајца/це
1000 милилитри Супа од зеленчук
50 грама Шунка


ПОДГОТОВКА:
Излупете го кромидот и ситно исецкајте го. Шунката исецкајте ја на ситни коцки.

Извадете ја кората од лебот и прелејте ја со павлака. Загрејте го маргаринот и пропржете ги коцките кромид во него. Потоа додадете ја шунката, лебот, јајцето, брашно и исецканиот магдонос.

Посолете го тестото, па наросете го со бибер. Од тестото направете кнедли и лагано спуштете ги во претходно загреана вода со сол (1л.).

Оставете ги да се сварат, но внимавајте да не се преварат (зошто ќе се растурат). Кнедлите извадете ги штом ќе излезат на површината. Зачинете ја месната супа.

Ладна чорба од тиквички