Научни вести

Microsoft Research во соработка со НАСА објави дека нивната апликација за истражување на соларниот систем WorldWide Telescope сега ја има и најдеталната карта на Марс досега направена.

За да ја изработат оваа карта, научниците на НАСА за три години обработиле 13.000 гигапикселни фотографии од програмата HiRISTE. Toa e фотографија снимена со камерата на орбитерот на НАСА – Mars Reconnaissence Orbiter, кој веќе четири години орбитира околу Марс и ги собира податоците од „црвената планета“.

Microsoft WorldWide Telescope е достапен како посебна апликација (подржана од оперативните системи на Windows) и веб апликација за која ќе ви биде потребен Microsoft Silverlight.

Тука можете да ја погледнете картата.

Србија, САД, но и цела планета в сабота го слават роденденот на славниот научник. Никола Тесла од неодамна на местото на кое му припаѓа

Од Белата куќа преку Филаделфија се до Холивуд, Америка од петок до недела ќе биде во знакот на Никола Тесла. На 154-годишнината од раѓањето на српскиот генијалец - Тесла светот, кој толку го промени, го здогледал на 10 јули 1856 година во личкото село Смилјан крај Госпиќ. Во САД ќе биде организирана конференција, изложби, предавања, а сето тоа го даде претседателот Барак Обама.

Тој на предавањето на студентите на Американскиот универзитет во Вашингтон ја повика нацијата, но и целиот свет да го слават името и делото на големиот научник.

Обама го вброи Тесла меѓу луѓето кои помогнаа да се изгради Америка заедно со Ајнштајн, Ендрју Карнеги и сооснивачот „Гугл“ Сергеј Брин. А токму Брин и неговиот „колега“ Лери Пејџ се едни од најголемите почитувачи на нашиот пронаоѓач по кого и дадоа име на компанијата за производство на електрични автомобили „Тесла моторс“...

- Изјавата на претседателот Барак Обама дојде во најубавиот момент, кога ние во Филаделфија се подготвуваме три дена од 9 до 11 јули да го славиме роденденот на Никола Тесла, рече Никола Лончар, роден Земунец и челник на Фондацијата „Никола Тесла“ во САД. „Ќе одржиме голема парада во центарот на градот, потоа меѓународна конференција посветена на „чистата енергија“ на која ќе присуствуваат иноватори од цела земја. Подготвена е и изложба за Тесла која ни доаѓа од Белград.

Градоначалникот на Филаделфија одлучи прославата за роденденот на Никола Тесла да се одржи и во градската библиотека во централното фоаје на градската куќа и на улиците на градот во која се наоѓа српската фондација.

Гениалецот од Смиљан, кој внесе револуција со своето откритие на полето на електромагнетизмот, електричната енергија, но и радиото и рендгенот, дури последните години во Америка го добива местото кое му припаѓа. Неговата слава ја пренесуваат познати научници, професори, но и „обични“ луѓе, компјутерски игри и холивудски хитови. Сега со право на Тесла му се препишуваат и „видеото“, мобилните телефони, безжичниот Интернет...

„Волстрит џурнал“ забележа дека младата генерација научници, Тесла го имаат поставено степен над лутиот ривал Томас Едисон, поради кој Србинот ја одби и Нобеловата награда.

А Никола, вистина беше далеку пред своето време. За себе зборуваше дека не е иноватор, туку дека само открива работи кои се во природата околу нас. Од неговите белешки се гледа дека го изучувал рендгенот и ласерот, една година пред официјално да се откриени. Предложувал пренос на електрицитетот низ повеќе слоеви на атмосферата.

Новиот филм кој ќе се занимава со Тесла (после остварувањето „Престиж“ во кој го глумеше Дејвид Боуви) „Ученикот на волшебникот“, ќе се појави на 14 јули, а главниот актер Никола Кејџ откри во едно интервју дека цел тим бил придвижуван од магијата на Никола Тесла.

- Филмот го завршивме минатата година, токму на роденденот на Тесла, а неговата премиера ќе биде некој ден после, објаснува „оскаровецот“. - Дознав дека сум роден истиот ден кога Тесла починал, па можеби и затоа отидов во хотелот „Њујоркер“ да преноќам во собата во која починал, не би ли го повикал неговиот дух... Тесла беше чудо.

Бесплатно во Музеј

Музејот на Никола Тесла соопшти дека по тој повод на одбележување на годишницата на раѓањето на истакнатиот научник ќе им приреди на посетителите во сабота на 10 јули бесплатен влез во таа единствена институција.

Разгледувањето постојаната поставка под слоганот „Секоја година е Тесла“ ќе биде овозможено во продолжен термин од 10 до 18 часот. Музејот, исто така, ќе биде отворен и во понеделник 12 јули (неработен ден) бидејќи во недела се завршува фестивалот „Егзит“ чии посетители претходните години во голем број ја посетувале таа институција.

Универзитетот во Манчестер објави дека неодамна неговиот историчар на уметност, професор др. Џеј Кенеди ја открил тајната во делата на класичниот грчи филозоф Платон (428-ма или 427-ма година п.н.е. – 348-ма или 347-ма година п.н.е.), кој според обичаите од тоа време бил и математичар.

Со својот учител Сократ и ученик Аристотел тој го втемелил западно грчкиот начин на размислување и системот во науката.

Платон е познат како писател на т.н. Сократов дијалог. Неговата филозофија е позната по 36 дијалози и 13 писма кои му ги препишува традицијата.

Филозофските теми ги излагал во облик на разговор во често препознатливите групи ликови во некоја тема, цитирајќи го својот учител Сократ со неговите клучни изјави.

Проучувајќи ги дијалозите на старогрчки јазик, Кенеди дешифрирал некои традиционални тези – според кои Платон како вешт математичар и реторичар, во своите текстови под одреден клуч вметнувал прикриен текст.

Во магазинот за стара физиологија и природна наука „Apeiron“, по пет години студирање на Платоновиот труд, Кенеди докажува како на питагорејски начин, Платон во текстовите навистина го сокривал тврдењето, кое изречено јавно во негово време, можело да биде многу опасно.

Неговиот учител Сократ токму поради неприкладни испади во јавноста беше осуден на смрт.

Античката стихометрија е вистинско безбедно криење на дополнителната содржина. Тоа е многу чест начин за криење и откривање на тајните содржини од антиката па се до Данте.

Во својот труд Џеј Кенеди покажува на кој математички начин во текстовите може да се откријат скриените слоеви.

Клучевите претворени во математички алгоритми им овозможиле на компјутерите од изворните старогрчки текстови многу едноставно да ги извлечат Платоновите мисли, кои во негово време, биле добро скриени во тектот.

Во соопштението на Универзитетот во Манчестер цитирани се некои од Платоновите тајни зборови, кои биле прикриени.

- Биди љубезен, бидејќи со секој кој се среќаваш водиш тешка битка.

- Ако од жената се бара да ги работи истите работи како и мажот, тогаш мораме да ги подучиме.

- Незнаењето е коренот на сите зла.

- Само мртвите го доживеале крајот на војната.

- Цената која добрите луѓе ја плаќаат за незаинтересираноста за јавни работи е злобните да ја преземат власта.

- Мудреците говорат, бидејќи имаат што да кажат, будалите говорат, бидејќи нешто мораат да кажат.

Др. Џеј Кенеди го велича Платон како клучен мудрец кој воената култура успеал да ја преобрази во култура на мудроста и знаењето.

За западната цивилизација и неговото време тој е значаен како Исак Њутн или Алберт Ајнштајн. Да не бил тој, не би го славеле како генијален Вилијам Шекспир, смета Кенеди.

Научниците ја објавија првата фотографија на планетата наречена „1RXS 1609“ која кружи околу оддалеченото Сонце во групата на планети за кои се проценува дека настанале пред околу пет милиони години.

Планетата според изјавите на групата научници од Универзитетот во Монтреал, е снимена уште во септември 2008-ма година, а фотографијата и поединостите тогаш не биле објавени сè додека астрономите не се увериле дека навистина се работи за планета, а не за некој неидентификуван вселенски објект кој изгледа како планета.

Како на својата интернет страница пренесува National Geographic, снимката која што е фотографирана со помош на телескопот Gemini Nord на Хаваите, потврдила дека навистина станува збор за планета која кружи околу млади ѕвезди и која со нив е гравитациски поврзана.

Планетата која што е оддалечена околу 500 светлосни години, е дури осум пати поголема од Јупитер.