Новости

HP iPAQ 914 Business Messenger

Американската информатичка компанија Hewlett Packard (HP) го претстави HP iPAQ 914 Business Messenger, напреден уред - smartphone (комбинација од мобилен телефон и џебен компјутер) со интегрирани решенија кои овозможуваат максимална деловна продуктивност додека корисникот се наоѓа во движење, далеку од канцеларијата.

Овој smartphone пред се е наменет за деловните корисници, но поради лесната употреба на бројните интегрирани мултимедиски и Windows Mobile 6.1 алатки совршено одговара за сите оние кои имаат потреба од smartphone со голем број на карактеристики.

HP iPAQ 914 Business Messenger овозможува извршување на посложени работни зафати, па дури и на поголема географска оддалеченост од канцеларијата.

HP iPAQ поседува 2,46 инчен TFT екран со резолуција од 320 x 240 пиксели, камера од 3 мегапиксели со автофокус и дигитален зум, а за складирање на податоците можете да ја користите 256 мегабајтната интегрирана меморија. Доколку овој мемориски простор не ви е доволен, тогаш податоците можете да ги зачувате на картичка.

Димензиите на апаратот се 113 x 64 x 16 мм, а тежок е 146 грама, што го прави лесно пренослив.

Од бројните поддршки и апликации треба да се издвојат Quad band GSM/GPRS/EDGE и Tri Band HSDPA, WiFi, Bluetooth 2.0, Office Mobile, Office Outlook Mobile, Internet Explorer Mobile, HP Voice Commander6, MMS Composer, Bluetooth Manager, Certificate Enroller, HP Photosmart Mobile.

Сето ова го прави HP iPAQ 914 Business Messenger идеален уред за деловни корисници, но и останатите корисници нема да се разочараат од функциите и карактеристиките на овој smartphone.

Шлем кој „чита“ мисли

Во иднина војниците ќе комуницираат безгласно со софистицирани т.н. „мисловни шлемови“. Оваа направа ќе ги пренесува мозочните бранови од еден војник и ќе ги претвори во радио бранови, кои ќе се преведат во зборови во слушалките на другите војници.

Во моментов, концептот за овој шлем е со 128 сензори кои се вметнати во војничкиот шлем. Војниците ќе треба да размислуваат јасно, и конкретно да ги формулираат нивните реченици, што е слично на начинот на кој се обучени да зборуваат. Клучниот дел за работата на системот е софтверот кој содржи електроенцефалограм кој може да ги распознае и интерпретира зборовите на војниците .

Истражувачите ќе треба да работат на јасноста на податоците и да се создаде систем кој ќе може да ги препознава гласовите на секоја личност одделно. Исто така, војниците ќе мора да размислуваат гласно, односно тие треба јасно да ги дефинираат мислите, за да системот ги пренесе точните информации.

Американската армија склучи договор со истражувачите од Универзитетот во Калифорнија, во висина од 4 милиони долари. Тие треба да го разработат овој концепт и се планира за една до две декади ваквиот шлем да стане реалност. Истражувачите работат и на други слични направи со мозочни бранови за видео игри, за кои се планира да излезат во комерцијална употреба од следното лето.

Верзијата за армиските шлемови ќе биде пософистицирана. За да го изведат ова, научниците ќе мора да ги комбинираат напредните технологии со начинот на кој функционира на мозокот.

Sony Ericsson го најави датумот на нивниот најмногу очекуван хендсет - Xperia X1. Едно од најжешките (или најчесто слушани) имиња оваа сезона ќе излезе во продажба на: 30 Септември во Велика Британија, Германија и Шведска. На пазарот пошироко ке биде достапна во: Азија, Европа и Латинска Америка.

Гласини дека X1 ќе биде одложена до првата половина од 2009 ги мачеа обожавателите на Windows Mobile. Тие сега можат да се опуштат и единствената грижа ќе им биде изборот меѓу HTC Touch Pro и Xperia X1. Двете најдобро опремени Windows Mobile направи се во жесока борба.
Една од најистакнатите точки е 3 инчниот WVGA екран на допир и QWERTY тастатурата. Покрај тоа речиси сите комуникациски опции се застапени-почнувајќи од 3.5 mm аудио приклучок до GPS, WiFi и Bluetooth v2.0 со А2DP, се е достапно. Навигација е со напреден оптички џојстик, додека 9-те достапни панели на екранот би требало да одговараат на секое сценарио на потребите на корисникот. Mултимедиа сетот вклучува FM радио без RDS и Медиа Плеер.

Sony Ericsson Xperia X1 исто така поседува камера со 3.2 мегапиксели и поседува 400 мегабајти внатрешна меморија, која исто така може да се продолжи со слот за MicroSD мемориска картичка. Хендсетот исто така ќе ги поддржува сите четири GSM мрежи и уште две други верзии, секоја со 3G мрежа. HSDPA и HSUPA се исто така застапени за да се погрижат за најбрзите дата трансфери.
Sony Ericsson Xperia X1 ќе има 528MHz ARM CPU и ќе има 256 мегабајти RAM.
Sony Ericsson смислија интересна маркетиншка кампања за X1 преку серија од неколку онлајн сериски видеа, наречени “Who is Johnny X?”
Можеме да заклучиме дека Xperia X1 ја чекаме со гоема нестрпливост и бес сомнеж ќе има жестока борба со HTC Touch Pro.

a shto,...koga nekoj ke gi oseti?!,...pa, ke se razochara?,....ke mu ostane samo ,...da se opie,..od nejziniot omilen pijalok!

Брод во форма на делфин

Бродот во форма на делфин, што претставува комбинација помеѓу џет и подморница, е најновата занимација на милионерите.

The Seabreacher може да се движи по вода со брзина до 70 километри на час и има доволно моќ да се нурне под површината и да прелетне над вода.

Овој брод за две лица кој го имитира движењето на делфините, чини 30.000 фунти. Бродот е долг 4.5 метри и развива брзина од 32 километри на час кога се движи под вода.

Роб Инес од дизајнерската компанија вели дека поради развиениот стабилен систем за снабдување на воздух, овој брод подолго време може да се вози под вода.

Мобилен за глуви

Научниците од универзитетот во Вашингтон развиле софтвер кој ќе им овозможи на глувите и на лицата со оштетен слух да комуницираат со помош на евтини мобилни телефони.

Глувите и наглувите во САД за сега не можат да комуницираат преку мобилен телефон со помош на јазикот со знаци бидејќи мрежата не овозможува доволен брз пренос на податоци, а и самите телефони немаат доволен капацитет за обработка на податоците.

„Брзите мрежи веќе можат да се најдат насекаде, но тие се поскапи. Сметаме дека лицата кои се глуви не треба да плаќаат повеќе за мобилен телефон“, изјави Ана Кавендер, учесничка во проектот „Mobile ASL“.

Тимот научници од Вашингтон пронашле нов начин на компресија на видео содржина, односно намалување на големината. Со новиот софтвер би требало да се постигне непречена комуникација, без притоа сликата да изгуби на квалитет, што е особено важно за комуникацијата со помош на знаци.

Со оглед на фактот што соговорниците, како што покажаа истражувањата, се гледаат в очи за време на комуникацијата со знаци, фокусот на сликата ќе биде на лицето. Позадината на снимката ќе биде со послаб квалитет.

Истражувачите во моментов се обидуваат да развијат систем кој ќе препознае кога луѓето ги движат рацете, со се цел да се намали потрошувачката на батеријата и за да се искористи капацитетот на обработка на податоци кога комуникацијата не е во тек.

Новиот телефон наменет за овие лица со посебни потреби ќе мора да има камера и екран на истата страна на апаратот со цел корисниците да можат истовремено да снимаат и да гледаат.

Американската државната фондација за науки го поддржа проектот, на кој во 1009 година ќе работат 20 научници.

Услугата нема да биде достапна за широка употреба, се додека не се склучи договор со произведувачите на телефони. Претставниците од универзитетот во Вашингтон веќе преговарале со компанија која се занимава со мрежа за мобилни телефони и која пројавила интерес за проектот.

За видео повиците потребна е мрежа од третата генерација.

Новите iPhone апарати самозапаливи

Новиот 3G Apple iPhone повторно се најде на метата на критичарите откако се проширија информациите дека некои од апаратите се запалиле.

Најмногу внимание привлече извештајот прегорување на слотот за полнење на апаратот, кој за време на полнењето се запалил и го уништил целиот апарат. Наводно проблемот е неисправната фабричка батерија која оди со апаратот.

Ова е последниот од серијата проблеми со кои Apple кои се соочува со новиот iPhone кој и онака има многу багови и лош приема на сигнал, кој е последица на вградувањето на неадекватни чипсетови, кои на европските корисници веќе со години им задаваат главоболка.

Последниот софтверски апдејт, кој требаше да ги отстрани проблемите со приемот, само дополнително ја влоши ситуацијата, откако го онеспособи GPS системот на новите телефони. Apple се уште мудро молчи за проблемите. Во индустриските кругови веќе се поставува прашањето дали можеби е време за повлекување од пазарот на овој проблематичен производ