Целта на Масонството

ok a kazimi dali si se pokajal nekad so si stanal mason? ili dali nauci nekoi ubavi raboti tamo koi sto ti pomognale vo  zivotot, od koga stana mason napreduvas pobrzo vo profesijata? imas li vo tvojata familija masoni i kako se zacleni tamo?

i jas imam edno prasanje za tebe zidarski: na primer ako se zaclenis vo lozata vo edna zemja dali mozes ako se preselis vo druga zemja da se stavis vo taa loza tamu sto e ili mora pak da si ostanes vo istata?

Колку што сум запознат, Големата Ложа на Македонија има 4 ложи само во Скопје за сега, но мислам дека планираат да отворат уште неколку низ Македонија.
Треба да се внимава многу - во Струмица има ложа на нерегуларна Италијанска Ложа - и човек може лесно да се подведе, мислејќи дека се зачленува во "вистинското" масонство. Има такви квази-здруженија многу, но ниедно од нив не е дел од светското братство, а се поскоро индивидуални здруженија. Има огромна разлика.
Доколку си заинтересиран, треба да имаш во предвид дека никој не смее да те покани за членство! Интересот смее да е само твој и барањето мора да дојде од тебе. Доколку некој те покани директно, а ти не си го прашал претходно - значи нешто не е во ред.
Би те советувал да погледнеш на страницата на Големата Ложа на Македонија и да им пишеш на e-mail за да ти дадат повеќе информација за процедурата во Македонија.

Може, но има процедура... да објаснам на кратко...
За да се формира ложа, треба да има 7 масони кои ќе ја формираат. Значи - не може ти и пријателите да се соберете, да направите здружение, да ги следите принципите и да се нарекувате автоматски ложа. Односно - може да си се нарекувате, ама нема да биде тоа вистинска ложа .
Бидејќи масонството е иницијациско братство, сите членови мора да се посветени, преку посебна церемонија.
7 такви посветени членови, може да решат да формираат своја ложа. Така впрочем и се формираат ложите кај нас на пример - кога едната ложа ќе има доволно голем број на членови, на пример 25-6, 7 души (или повеќе) се одвојуваат, почнуваат нова, и така расте бројот на ложи.
Новоформираната ложа, мора да добие дозвола од Големата Ложа на соодветната земја, односно Charter (стварно не го знам македонскиот израз за ова). Потоа, во присуство на мајстори од други ложи, се формира ложата, преку посебна церемонија, наречена - внесување светлина.
Дозволата од Големата Ложа е потребна, за да се утврди дали е се регуларно и дали се работи по утврдените принципи.
Да се има едно во предвид - таа нова ложа, не е "приватна" сопственост на луѓето кои ја формирале, затоа што и тие мора да делуваат според утврдените принципи, да примаат нови членови според правилата, да ја водат дејноста, да се ротира раководството според правилата итн.

Не. Вакво нешто нема (колку што можев да го разберам твојот пост, доста е конфузен).

Ми беше задоволство.

Има ритуал на посветување при влегувањето во ложата, но не пред тоа. За секоја степен, има посебен ритуал.
Тоа е нормално - потеклото на масонството во формата во која постои денес е од витешките редови. Сите витешки редови имале форма на ритуал за посветување на своите нови членови - за да се оддаде важност на самиот орден, а и да се поучи кандидатот на преданост, верност, чесност итн... Во денешно време, тоа изгледа можеби чудно, но ние во таа форма го правиме многу одамна - пишани документи има дури од крајот на 15ти век. Така што - кога се разгледува идејата за тие ритуали, треба да се има во предвид општеството и идеите во тоа време (а и претходно), а не денешното. Во 15ти век, такво нешто би било сосема нормално и очекувано.
Се разбира дека има право да ја напушти ложата. Секојдневно луѓе од најразлични причини напуштаат и никој не го оспорува тоа нивно право. Некој не го пронашол тоа што го барал, односно имал друга идеја за масонството, друг - презафатен со работата и семејството, трет - едноставно доживеал лични промени и сака нешто друго... никој не ги преиспитува тие одлуки - тоа е лично решение на секој член.
Има неколку форми на напуштање. Едната е неактивно членство - односно, човекот сеуште се води како член, но не е присутен во ложата. Другата е отстапување од ложата, но задржување на статусот на масон - односно, сеуште има право да премине во друга ложа, доколку сака (на пример - не му одговара ложата во која се наоѓа од некоја причина). Трета форма е целосно напуштање на масонството - и во тој случај, човекот целосно ги прекинува контактите со братството во целост. Не личните, приватни контакти со поединечните членови кои му се пријатели, се разбира.
Дури и откако ќе напушти, сепак, кодот на однесување налага да се почитува тајноста на ритуалот, но се разбира - не секој го прави тоа. Во тој случај, станува јасно за каква индивидуа станува збор (штом не го почитува сопственото ветување) и бидува сосема екскомунициран од сите членови, затоа што станува збор за човек со низок морал и без вредности.