Македонски фудбал

Резултати
Денес
Тетекс - Напредок 2-1
Брегалница - Скопје 1-0
Металург - Турново 3-0
Силекс - Ренова 2-0
Утре
14:00 Шкендија - Пелистер
14:00 Работнички - Вардар

Губитници

Тие што манипулираат со младите навивачи се посокриени од оној истетовиран билдер, кој се пикна во багажник бегајќи од карабињерите во Џенова

Граѓанската асоцијација „Разбуди се“ протестираше пред српската амбасада поради палењето на албанското знаме на средбата Италија - Србија во Џенова. Во речиси исто време кога изјавија дека палењето знамиња не било традиција на Албанците, „навивачи“ на Шкендија, кои самите себе се нарекуваат балисти, го симнуваа македонското знаме од јарболот на средбата со Напредок во Кичево. Кому ли се реваншираа?

И во Битола имаше прекин, но со поинакви мотиви. Таму „чкембари“ влегле на терен. Подоцна со соопштение објавија дека го преземаат управувањето на Пелистер, незадоволни од работата на раководството.

Да останеа само еден ден повеќе учесниците на Конференцијата за надминување на расизмот и етничката дискриминација на Балканот, која се одржа во Скопје, на лице место од овие два натпревара ќе можеа да се уверат во ефектите од својата кампања, финансирана од Советот на Европа и од Виенскиот институт за меѓународен дијалог и соработка. Дел од овој проект е и Младинскиот форум „Битола и ФК Пелистер“. Но, наместо да учат од воркшопот на ФАРЕ („Фудбалот против расизмот во Европа“), битолските млади фанови учат од „комитите“, кои пред некоја година со сесрдна помош од Агенцијата за млади и спорт го презедоа управувањето на Вардар. Оттогаш црвено-црните се заковани на дното. Сега „чкембарите“ навалиле на Пелистер. Нивното однесување наместо да биде казнето, може да биде и наградено. Се' зависи кој им е „грбот“.

Слични политички пораки како тие во Џенова, каде што „не го даваа Косово“, беа испратени и од гостинските „навивачи“ на средбата Македонија - Русија. На течен српски јазик Русите (дали навистина беа Руси?) скандираа: „Косово је срце Србије“. Официјалните лица на мечот не ги разбраа за да побараат тој дел од трибината да се испразни, зашто на стадионите е забранет секаков вид на политичко дејствување. Ги разбраа челниците на Фудбалската федерација на Македонија што беа присутни на „Филип Втори“, но премолчаа. Чуму тогаш нивно лицемерие на разни конференции? За да ги лапнат парите од УЕФА?

Гости на ФФМ и на Македонскиот центар за култура и развој на скопската Конференција за промоција на интеркултурен дијалог беа претставници и на српската, босанската и на црногорската на федерација. Во рамките на акциската недела на ФАРЕ, Фондацијата Бодуен, пак, го покрена проектот „Фудбалот ги обединува Алпите, Јадранот и Балканот“. Станува збор за двегодишни активности, поточно регионални турнири за младинци до 16 години, работилници, кампања на националните тимови и клубовите за борба против национализмот...

Тоа што го „обединува“ фудбалот од Алпите, Јадранот и Балканот, за жал, е дивеењето на хулиганите. Во вторникот, во Џенова, дивата орда од звездиниот север промовираше некултурен дијалог со песната што му ја пееше на голманот на српската репрезентација: „Стојковиќу, Стојковиќу, ти посакуваме среќа, дрвен сандак, дрвен сандак и на него свеќа“. Вината на голманот е само тоа што преминал од Црвена звезда во Партизан. Ако тоа бил мотивот, како и нетрпеливоста кон претседателот на српската федерација, зошто тогаш лидерот на „Ултра бојс“ од звездиниот север, Иван Богданов, го запали албанското знаме?

Отсуството на построга законска рамка за казнување на престапниците предизвикува се' поголема радикализација на трибините. Стоицизмот на хулиганите станува статусен симбол во нивниот микропростор, кој новорегрутираните голобради навивачи се трудат да го копираат. Ретко кој од нив станува водач за да користи привилегии, но многумина завршуваат со полициско досие. Скалилата кон лидерското место се правопропорционални со бројот на пендреци по грбот. Но, тоа што боли е нивната наивност. Тие не се ни свесни во какви игри се влезени, зашто тие што манипулираат со младите се посокриени од оној истетовиран билдер, кој се пикна во багажник бегајќи од карабињерите во Џенова.

Немам ништо против панел-дискусии, едукација на најмладите, промоција на дијалогот. Но, црвен картон треба да им се покаже на вистинските поттикнувачи на радикализмот. Зашто, навивачките групи кај нас најчесто се злоупотребени од разни центри на моќ - политички, бизнис, спортски. Ако врската не се раскине, од неа можат да се изродат многу повалкани игри, дури и до регрутирање паравојска од редовите на јуришниците со чадни бомби и факли.

Од осамостојувањето до денес, губитниците што добиваат ќотек се ставаат себеси на браникот на нацијата со скандирање шовинистички слогани, низ целиот Балкан, без исклучок. Иако Миклош Биро, психолог од универзитетот во Нови Сад, ќе каже дека локалните хулигани не се различни од своите колеги од другите делови на светот. „На истиот начин регрутираат и Ал каеда во Пакистан и неонацистите во западна Европа. Станува збор за млади луѓе - губитници, чиј број расте со порастот на невработеноста и сиромаштијата“, вели Биро.

А, Македонија е меѓу светските лидери по невработеност и сиромаштија.

Mилорад Стојмановски

Шкендија без навивачи на гостувањата

Комитетот за итност во Фудбалската федерација на Македонија донесе одлука со која им се забранува на навивачите на фудбалксиот клуб Шкендија да го бодрат својот клуб на гостувањата до крајот на сезоната.

Причината за ваквата одлука е инцидентопт што го направија фановите на тетовскиот тим на мечот во Кичево против Напредок каде македонското знаме беше симнато од јарболот и фрлено на замја а на негово место било закачено албанското знаме. 

Веднаш ќе им направам забелешка на Винер.Бг декаме излагали со табелата

Mislam deka dosega ni edna navivacka grupa vo makedonija dosega ne imala simnato zname ma makar so bilo koja drzava da se igralo i bilo kade ova e cin koj treba da se osudi i mislam neznam zosto navivacite na skendija sekogas pravat skandali na mesta kade sto nema navivaci,i drugo sega oti nikoj ne gi osuduva a mozeja komitite site televizii da gi osudvat za pravenje incidenti na nacionalna baza,mislam strasno e ova komitite bea non stop napaganji za nisto,a sega zosto nikoj ne gi osuduva balistite ne mozam da svatam,i tie sami si pravat pogolema omraza sprema navivacite so nivnite pogresni potezi..
i ne vredi da komentiram za takvi navivaci koi nikogas ne imale nikakov rejting osven vo tetovo nikade na drugo mesto
i bez komentar za takva navivacka grupa koja nema nikakva cel i neznae kako da se prikazi a kamoli da naviva,posto navivacka grupa e onaa koja gi brani boite na klubot i onaa koja znae kako da se pretstavi so koregrafija i navivanje i onaa koja treba da gi pocituva znameto na drugata drzava,a od ovie site raboti balistite nemozat da se pronajdat vo niedno mesto posto ne znaat ni samite sto sakaat i kako da se pretstavat kako navivacka grupa koja realno ne spaga vo mak tifo dvizenjeto

emil be zakon si

a dobro koi ekipi ke igraat za kupot na makedonija
mislam koi se plasiraja oti ne pratam