Состојки
4 жолчки
1 цело јајце
2 чаши од јогурт мед
1 иста чаша шеќер
1 иста чаша зејтин
1/2 чаша млеко
40 гр сода бикарбона
3 кес. ванилин шекер
2 рамни лажици зачин за медењаци (рецепт подолу)
1 кг брашно

1. Во еден поголем сад се мешаат сите состојки освен брашното и содата.
2. Се додава брашното, предходно измешано со содата. Се меси додека почне да се одделува од ѕидовите.
3. Се става на даска за месење посипана со брашно и лесно се промесува.
4. Се прават три топки, се замотуваат во најлон фолија и се ставаат во фрижидер да одстојат 1 час (најдобро е една ноќ).
5. Се сука кора на набрашнета површина, во дебелина од 1/2 см и се вадат модлички по желба.
6. Се редат во плех со пек папир и се печат 10 мин. на 180 ст. Ц. Кога ќе се испечат се чека малку да се оладат, па се вадат.
7. Изладените медењаци се шараат по желба со глазура од белка и прав шеќер.

Рецепт за зачин за медењаци
3 лажичиња цимет
3 лажичиња ѓумбир во прав
1/2 лажиче свежо сомелено морско оревче
1/2 лажиче мелено каранфилче
1/2 лажиче свежо сомелен црн бибер
1 лажиче семчиња од анис(јас немав, па не ставив и ништо не изгуби зачинот).
Се се меша и се става во тегличе, добро затворено.
Зачин за медењаци има готов, ама јас овде не можев да го најдам, па затоа ја направив оваа мешавина.

Глазура (Роајал ајсинг)
1 белка
250 гр шеќер во прав
малку лимунов сок или оцедт
Во стаклен или метален сад се мати белката и полека, лажица по лажица се додава шеќерот. На крај се додава лимоновиот сок и ако треба да се разреди се додава уште по малку од сокот.

Веке подолго време мојот мал уметник ме гњави да ги направиме овие колачиња и конечно дојдоа на дневен ред. Таа веќе купила калапчиња-човечиња и приготвувањето почна одвечер. Мое беше да го направам тестото, а вадењето формички и украсувањето на медењаците, остана за уметникот. Со какво воодушевување го работеше тоа, што почнав да чувствувам грижа на совест зошто порано не и ја исполнив желбата. Така, медењаците не само што се со извонреден вкус (баш како купечки, хахаха), туку и се вистински празник за очи.


.

Состојки
100 гр бело чоколадо
50 гр лешници
50 гр сушена брусница
150 гр локум
150 гр шеќер во прав
зелена и црвена прхрамбена боја
шеќерни ѕвездички, кокос

Слатки и декоративни елкички кои ќе ги израдуваат вашите најмили и ќе ја збогатат вашата новогодишна прослава. Ова беше една успешно реализирана идеја за што пошарена и украсна новогодишна трпеза.

Подготовка
1. Чоколадото го топиме на најниска температура и потоа ги ставаме сечканите лешници и брусница. Промешуваме и смесата ја оставаме да се подизлади.
2. Откако малку ќе стегне ја ставаме помеѓу најлонска фолија и од смесата формираме триаголник, кој го оставаме на ладно, по можност во замрзнувач. Ако имате калапи за тоблероне колачи уште поубаво, ставете ја смесата во нив.
3. Од локумот и шеќерот во прав замесуваме смеса, од која на 1/3 од неа и ставаме зелена боја растворена во 2-3 капки вода, а останатата смеса ја оставаме бела.
4. Од зелената локум смеса сукаме со помош на шеќер во прав тенка кора, со која ја обвиткуваме црвената веќе стегната смеса. Претходно го навлажнуваме зелениот дел за да се залепи убаво локумот, ама во многу тенок слој. Над зелениот дел ја обвиткуваме белата расукана кора. Ги измазнуваме сите три страни и го оставаме ролатот да се стегне.
5. Над белиот дел со четкичка премачкуваме малку вода и посипуваме со кокос. Ова може да се направи и со секоја елкичка посебно. На врвот ги украсуваме со шеќерни ѕвезди.

Состојки
2 чаши брашно
2 лажички прашок за печиво
1/2 лажичка сол
100 гр путер
1 чаша шеќер во прав
1 лажичка ванила екстракт
1 јајце
Декорација
2 белки
2 чаши шеќер во прав
1 лажичка сок од цеден лимон
1 лажичка зелена прехранбена боја

1. Путерот и шеќерот во прав се матат со миксер. Се додава и јајцето и се заедно се меша додека не се добие кремаста смеса.

2. Брашното, прашокот за печиво и солта се мешаат и постепено се додаваат во путерот постојано мешајќи со миксер. На крај се додава екстрактот од ванила и се меша уште кратко.

3. Добиената смеса се става во најлонска фолија и се остава да отстои 1 час во фрижидер. Потоа тестото се размесува и со сукало се развлекува кора од 0.5 см од којашто се вадат фигури со калап.

4. Така добиените колачи се печат на плех обложен со хартија за печење 10-тина минути на температура од 200 степени.

5. За подготовка на филот со миксер се матат белките и се додава шеќерот во прав и лимоновиот сок. Откако ќе се добие цврста пена се става прехранбената боја и се меша со лажица.

6. Оладените колачите се премачкуваат со филот, се ставаат кратко во замрзнувач а потоа се декорираат по желба.

* Од оваа количина на состојки се добиваат 5 поголеми елки колачи. Сметам дека помалите калапи се посоодветни и попрактични, но јас имам само во оваа големина.

Состојки
60 мл. слатка павлака
100 гр. бело чоколадо
25 гр. путер
50 гр бел еурокрем
120 гр печени мелени кикирики (без лушпа)
120 гр. мелени плазма бисквити
за украсување
70 гр шеќер
неколку капки црвена прехрамбена боја
50 гр. растопено бело чоколадо
фондан за изработка на украсите
Детска радост се овие лижавчиња, украсни за на Новогодишната трпеза и вкусни за децата. Подготовката им е брза и многу едноставна.

1. Во сад на тивок оган ставете ја слатката павлака, коцките бело чоколадо, путерот и белиот крем. Постојано мешајте додека сите состојки убаво да се растопат. Во така добиената смеса додадете ги измелените кикирики и плазма бисквити. Калкулирајте со количинити за да добиете смеса од која ќе можете да формирате бомбици. Јас овој пат сомлев буквално се што имаше по дома. Неколку бисквити, неколку суви колачиња, наполитанки...Не се плашете ако смесата ви изгледа мека, зошто со ладењето се стегнува и чоколадото и се добива убава цврста структура.

2. Во сад на страна ставете го шеќерот. Прехрамбената боја (јас користев во прав), растворете ја во неколку капки вода и додадете ја во шеќерот. Измешајте убаво за да се обои. Од смесата формирајте топчиња со големина на орев и валкајте ги во обоениот црвен шеќер.

3. Во сад на тивок оган со 1 мала лажичка масло растопете го и остатокот од белото чоколадо. Искористете стапчиња за ражничи или некои потенки цевки. Врвот на секое стапче потопете го во растопеното чоколадо и на него прицврстете го секое од направените топчиња. Со тоа ќе спречите топчињата да се одвојат од стапчето.

4. Во соодветна чашка или на парче стиропор ставете ги готовите лижавчиња. Врз горната страна ставете од остатокот растопено чоколадо и украсете по желба ( со трошки, чоколадни топчиња, кокос, со дел од обоениот шеќер или со фигурички од фондан). Оставете убаво да се изладат и стегнат.

На здравје

Состојки
2 јајца
150гр. шекер
100мл. млеко
1 пециво
6 лажици масло
150гр. брашно
за филовање
150гр. шлаг крем
зелена прехрамбена боја
украси по желба

Новогодишни мафини елкички спремени за приредбата на син ми на училиште.
Јајцата избијте ги пенесто заедно се шеќерот, додадете го брашното, пецивото, маслото и млакото млеко. Матете уште малку и смесата ставете ја калапите и печете на 190 степени 20 минути.Кога мафините ќе се изладат декорирајте ги со претходно избиениот шлаг во кој сме додале и боја,а некои оставете ги и бели.

Состојки
300 гр. брашно
150 гр. путер
250 гр. кафен шеќер
3 јајца
1 лажичка цимет
1/2 лажичка мускатно оревче
1/2 лажичка мешавина од цимет, каранфилче и мускатно оревче (Аллспице)
1/4 лажичка мелен ѓумбир
180 мл. јаболков сок
150 гр. потпечени сецкани ореви
100 гр. кандиран ѓумбир
прстофат сол
1/2 лажичка пециво
Прелив
3 лажици путер
100 гр. шеќер
2 лажици сок од лимон
50 мл. сок од јаболка
1/4 лажичка мелен ѓумбир

- Ставете го во сад омекнатиот путер, матете со миксерот и во неколку наврати додавајте го шеќерот, а со миксерот за цело време се мати. Се додава и циметот, мускатното оревче и мешавината (олспајс) на крај се додава и ѓумбирот.
- Потоа се додава едно јајце и добро се мати. Потоа второто, се мати и на крајот третото јајце. Потребно е добро да се измати.
- Просејте ја потребната количина на брашно, во него додадете го пецивото и солта, почнете полека и наизменично со сокот од јаболка да додавата во веќе добиената смеса, значи ќе ставите малку брашно - малку сок - изматете - и така додека се потроши целата количина од брашно и сок.
На крај измешајте со лажица исецканите ореви и кандираниот ѓумбир.
Вклучете ја рерната во меѓувреме на180 степени.
- Со малку стопен путер премачкајте ја модлата за куглов, па и да ја побрашнете потоа модлата нема да е грешка (напротив - подобро се вади колачот) истурете ја смесата во него, неколку пати удрете ја модлата од работната маса како би се целата смеса рамномерно распределила, ставете да се пече пробувајки во меѓувреме со познатиот за нас начин - чепкалка.
- Кога ќе сметате дека е печено, исклучете рерната и оставете некои 5 мин. да стои, а потоа извадете- нека олади но не потполно, туку доволно за да можете да го извадите кугловот на тацна и да го прелиете со преливот.
Прелив
Додека се пече кугловот, во касерола ставете го путерот да се стопи, додадете го шеќерот и постојано мешајте додека се стопи, да се карамелизира. Кога ќе стане кафен шеќерот (внимавајте да не го изгорите) тргнете настрана, додадете го сокот од јаболка и лимонот, вратете за кратко на оган, тргнете и со него заливајте го кугловот се додека не потрошите целата количина - треба да се впие.
Јас печев во мали модли за куглов бидејки ми беше потребно секое да биде засебно (подароци) - ги подмачкав сите модли, побрашнив - потоа ја истурив смесата.
Можете да печете и во силиконска модла, но времето на печење е поголемо бидејки знаете дека тестата за колачи кои се спремаат со маргарин, путер потешко се печат, па затоа јас во вакви случаи прибегувам кон обичните модли, што не значи дека не може да се истури во тавка било округла било четвртаста... Јас печев 1 час.
- За уште подобар аромат на колачот покрај прекрасните зачини, оревите потпечете ги.
Овој куглов колач навистина ги носи со себе ароматите кои потсетуваат на новгодишните и Божиќните празници...
Весели предстојни празници драги пријатели!

Состојки
200 гр. темно чоколадо со голем процент какао
130 мл. слатка павлака
1 голема лажица мед
3-4 големи ла коњак
30 гр путер
1 луто пиперче или малку чили
малку цимет
прстофат сол
1 ванилин шеќер
20 гр. какао

Во касерола се ставаат слатката павлака, медот, ванилата, пресеченото во средината луто пиперче (малку чили) и циметот и се загрева. Пред да зоврие се вади лутото пиперче и се додава чоколадото искршено на коцки се меша на слаб оган додека се растопи целото чоколадо. Потоа се додава путерот, солта и коњакот и повторно се меша додека не се растопи и путерот. Смесата се остава да се олади на собна температура и потоа се става во фрижидер најмалку 2 часа. Од готовата смеса за тартуфи се зема со лажичка и се оформува бомбица која што се валка во какао.

Забелешка
- Смесата за тартуфите е течна додека е топла, откако ќе излади се стегува.
- Пробувајтеја слатката павлака за лутината, ако е потребно извадете го пиперчето порано од смесата.
- Чоколадото треба да биде најмалку со 50 % какао.