7 начини малиот стан да изгледа пространо

Најважно е да направите план. Не дозволувајте да ве понесе креативноста и несоодветно да го опремите просторот. Одлучете се за она што ви е неопходно, подгответе го просторот па дури тогаш купувајте мебел. За крај оставете ги деталите и сувенирите.

Едноставни бои

Премногу бои оставаат впечаток на несреденост. Користете основни, неутрални бои, а за да ја разбиете монотонијата внесете силни нијанси во мали дози. Кога ги боите ѕидовите, три страни обојте во неутрална боја, а четвртиот малку затемнете го.

Облиците се важни

Ако сакате хармоничен изглед, бирајте различни текстури и облици. Набавете тепих со дијагонални линии, пернички со точки и секакви детали кои многу едноставно ќе го разиграат просторот.

Проѕирен мебел

Ламбите од кристал или стакло, како и безбојните столчиња се неверојатно декоративни, но и корисни кога се борите со секој квадратен метар. Тие визуелно ќе го зголемат просторот, а ќе ја зголемат функционалноста.

Задолжителни огледала

Огледалата прават чуда во малите простории! Тие нека бидат извор на дупла сончева светлина или пак усмерете ги кон нешто што е вредно да се дуплира. Изберете рамка која стилски се вклопува со останатиот мебел и нема да погрешите.

Светло во секој ќош

Високите ламби се одлични за пријатно и интимно осветлување на просторот. Пригушеното светло кое доаѓа од малку повисоко позитивно влијае на пространоста.

Троседот заменете го со двосед и фотелја

Наместо голем тросед одберете двосед и фотелја. Бирајте модели без многу масивни држачи или потпирачи бидејќи визуелно оставаат негативен впечаток во малиот простор.

Завесите закачете ги повисоко

Ако сте љубители на завесите, секогаш закачувајте ги неколку сантиметри под плафонот. Тоа остава впечаток на повисок и поголем простор, а воедно е и одлична декорација на празните ѕидови.

Практично за мали станчиња: кревет и маса во едно

Уредувањето на животниот простор е макотрпна и напорна работа, а уште повеќе ако тој простор е само 34 метри квадратни, тогаш знаете дека навистина ќе треба да се намачите за да го уредите просторот да биде убав, практичен и удобен. Овој стан е многу мал, но одлично среден, многу практичен и супер изгледа.

Високите прозори во станот дозволуваат многу светлина, а голем плус на овој стан е преслаткиот балкон на кој се наоѓаат две столчиња и маса. Иако овој стан нема спална соба, креветот кој се наоѓа во аголот на дневната соба, може да се одвои со завеса, која на овој простор му дава приватност.

Интересно е тоа што во овој стан се искористени и стари и нови парчиња мебел, кои одлично се искомбинирани за да го дадат целосниот впечаток.

Преубав детаљ и топлина на овој дом е она што зрачи посебна аура во него која прави да се чувствувате пријатно.

Мало, но сепак пространо

Декорирањето и уредувањето на малите станови или гарсоњери честопати знае да биде вистински кошмар,а резултатот да биде чувство на нелагодност или чувство на изгубен простор. Но, сепак со неколку мали интервенции можете малите простории да ги направите пространи. За да бидеме попрагматични,ќе наброиме неколку предлози во однос на вашата селекција.

 Бирање на мебел

При опремување на мали простории,барајте што помали модули, делови на мебел со што е можно повеќе отворени површини,на пример двосед со видливи ногарки, две табуретки и стаклена клуб масичка се подобар избор од некоја фотелја, двосед со скриени ногарки и пространа клуб маса.

Распоред на елементи

При распоредувањето на мебелот и неговите елементи, насочето го вашето внимание да имате непрекинато движење во просторијата. На пример започнете со двоседот, како најголем дел од вашиот мебел, кој ќе го поставите пред најголемиот ѕид во вашата просторија и кој ќе биде ориентиран кон внатрешноста на просторијата. Потоа обмислете и делче, катче за разговор. Од двете страни на двоседот поставете табуретки, фотелја или  столови, а потоа клуб масата поставете ја во централното место,од каде ќе биде достапна за сите позиции на седење.

Декорирање

Во малите простории посебно внимателни треба да бидете со декоративните елементи. Запомнете дека доколку сакате да го избегнете чувството на задушеност и нелагодност, важи правилото – помалку е повеќе. Огледалата како и сјајно рефлектирачките површни како што се стаклото и лексанот ќе допринесат да просторот изгледа поголем. Поголеми примероци користете исклучиво на елементи како перниците и слични помали декоративни елементи,а избегнувајте ги на софата, двоседите или  фотелјите.

Како да одберете боја

При одбирањето на бојата, барајте благи и монохроматски бои и нијанси. Бојата за ѕидовите прилагодете ја на поголемите делови од мебелот што ги имате во просторијата а плафонот оставете го со бела основна боја кој секогаш ќе одржува баланс.

Осветлување

Правилно распоредете ги светилките и креирајте изедначена светлост во целата просторија. На овој начин ќе ги избегнете сенките што се создаваат на мебелот кои визуелно непотребно  ја делат просторијата. Амбиенталните светла исто така ќе допринесат во создавање на атмосфера во просторијата. Генерално избегнувајте лустери,бидејќи они создаваат чувство на понизок плафон а со тоа и  визуелно смален простор.

Пропорција и бои

Најдобар начин да се опише пропорцијата е величината. Бојата влијае на пропорцијата во просторот. Прифатлив и општо познат е ставот дека белата боја и светлите бои визуелно просториите ги прави поголеми а темните и јаките бои ги прават работите поблиски една со друга,односно поголеми отколку што се.

За крај

Ентериерот на вашиот мал стан или гарсониера уредете го чисто и едноставно. Исфрлете се што не користите и што не употребувате бидејќи што помалку гужва – дотолку помалку стрес. Во малите станови помалку е повеќе.

ФОТО: Како малиот стан да изгледа поголем 

Главна цел на секој архитект при уредување на мали станови е да создаде впечаток на поголем и функционален простор.

За таа цел најчесто се користат рефлектирачки површини со модерни делови на мебел.

За да се добие впечаток дека дневната соба е поголема, отколку што е реално, би можел да се постави темен и сјаен таван. На овој начин изгледа дека собата е речиси двојно повиска.

Во станот би требало да доминира белата боја, но да биде прошарана со темни или црни  елементи од мебелот или преградни ѕидови.

Малата кујна може да се направи навидум поголема со поставување на едноставен и елегантен шанк и со стаклени кујнски елементи во кои би се рефлектирал околниот простор.