ВКУСНИ МАКАРОНИ

1. Ставете ги доматите во зовриена вода за 2-3 минути.
2. Излупете ги и исечете ги на мали коцки.
3. Ставете ги макароните во зовриена и посолена вода за 10 минути.
4. Во меѓувреме, во тава загрејте го маслиновото масло и додајте го исецканиот лук (внимавајте да не изгори) и лутото пиперче.
5. Додајте ги доматите и магданосот во тавата и оставете ги да се пржат 5 минути. Посолете по вкус.
6. Потоа сервирајте ги макароните и ставете го сосот од домати. Позолете со пармезан.

Вкусни тестенини со пилешко и зеленчук

Едноставен оброк кој ќе си поигра со вашите сетила. 

Потребни состојки за 4 порции:

• 300/400 гр. тестенини
• 4 парчиња пилешки гради (стек)
• 2 моркови
• 1 или 2 црвени пиперки
• 8 шери домати (или пак 2 до 3 нормални)
• Неколку листа магдонос
• 2 лажички сусам
• 1 лажица густин
• Соја сос, сол, бибер, маслиново масло

Подготовка:

Пилешки гради исечете ги на ленти, зачинете ги со сол, свежо мелен бибер и посипете ги со густин. 

Сварете ги тестенините според упатството на пакувањето. Морковот и пиперките исечете ги на тенки парчиња, а шери доматите исечете ги на половина. 

Во вок тава на маслиновото масло испржете ги лентите од пилешките гради и тргнете ги на страна. Доколку е потребно, додадете масло и пржете ги морковите и пиперката, а потоа тргнете ги на страна. 

На преостанато масло на силен оган попржете ги доматите.

Вратете ги сите состојки во вок тавата, измешајте ги тестенините и грубо исецканиот магдонос, зачинете потоа со соја сос, сусамот и биберот.

Можете да ја употребите својата фантазија и над секоја порција да изрендате малку кашкавал или сирење.

Пријатен апетит!

Чекор 1: Макароните се варат во посолена вода со малку масло. Додека се варат, може да се спрема филот. Се загрева масло и се запржува прво ситно сецканиот кромид. Потоа се додаваат печурките (претходно сецкани) со постојано месање. Пред да поцне да потемнува кромидот, се посолува, се додава пола лажичка црвен пипер и се трга на страна.

Чекор 2: Сирењето и кашкавалот се рендаат. Јајцето се разматува со пола павлака, се додава малку сос од домати, 5 супени лажици млеко и 5 супени лажици од водата во која се вареа макароните

Тавчето, по желба, може да е округлесто или правоаголно.

Чекор 3: Се премачкува тавчето со масло и одозгора се реди еден ред од сварените макарони (половина од макароните). Се нанесува одозгора половина од филот со печурките, се става одозгора половина од ренданото сирење и малку од ренданиот кашкавал. Одозгора се става малку сос од домати. Повторно се реди останатиот дел од макароните, па останатиот фил со печурки, ренданото сирење и кашкавал. Повторно се става одозгора уште малку сос од домати. Се налеваат неколку супени лажици од водата во која се вареа макароните и спремно е за печење.

Рерната се загрева на 200С, па пред да ги ставиме макароните да се печат, рерната се намалува на 170. Се печат околу 15-20 минути, се вадат од рерна, се полеваат со смесата од матено јајце и павлаката, се наросува одозгора малку босилек за вкус (по желба, вкусно е и со оригано) и се враќа во рерна да се потпече уште 10 до 15 минути.

Вкусно е за јадење и топло и ладно :)))

Прсти да излижеш: Неверојатно вкусни лазањи

Лазањите на многумина им се омилено италијанско јадење, но со време знаат да ни досадат, па можеби е време да пробате малку поинаков вкус и рецепт.

Зеленчукот е закон!

Да, знаеме дека зеленчукот е многу корисен и здрав, но не секогаш сакаме да го јадеме сиров. Поради тоа сигурно секој од нас би го јадел доколку е подготвен со некое вкусно јадење. Поради тоа пробајте ги овие вегетеријански лазањи со тиквата како главна состојка.

Потребни состојки:

• 6 супени лажици путер
• 6 чешниња лук, мелен
• 400 грама пире од тиква
• 1/3 чаша кафеав шеќер
• 2 лажици јаворов сируп
• една ипол лажица цимет
• 1 лажичка морско оревче
• 1 лажичка ѓумбир
• 1/4 лажичка црн пипер
• 1 лажичка сол
• 400 грама моцарела

Подготовка:

Стопете го путерот, додадете го лукот и мешајте околу минута. Додадете ја тиквата, шеќерот, јаворовиот сируп, зачините, солта и биберот и оставете ги на оган додека целосно не се загрее. Потоа додадете дел од сирењето, а дел оставете на страна. Во сад за печење ставете малку од подготвениот сос на дното па потоа ставете го првиот лист од тестенините за лазањи. Потоа додадете малку сирење и сос, па потоа повторете ја постапката додека имате материјал. Завршете со слој на сирење на врвот.

По желба можете во подготовката да додадете и друг вид на зеленчук, како краставички, домати и слично. Разработете ја фантазијата и уживајте.

Покријте со фолија и печете на 190 степени околу 45 минути па тргнете ја фолијата и печете уште 12 минути додека сирењето не се запече.

Пријатен апетит!