НОВИОТ ЕСЕНСКИ ТРЕНД – БОЈА НА ПУДРА!

ФОТО: Мистика од Валентино vs романтичен раскoш од Сааб

Модните куќи на Валентино и Ели Сааб ги прикажаа своите најнови колекции на модната недела во Париз. И додека Валентино својот акцент го стави на мистичната елеганција проткајана со темни бои и интересни текстури, Сааб остана верен на својот бајковит приказ создавајќи облека која секоја жена ќе ја претвори во модерна принцеза.

Валентино

Креативната визија на Марија Грација и Пјерпаоло Пичоли овој пат внесе вистинска драматичност во ревијата на Валентино. Модниот спектакл беше отворен со Травијата, а на сцената се појавија вкупно 55 модели.

Доминацијата на тул, кашмир и тантела одлично се вклопи во креациите со необичен крој и животински мотиви. На моменти изгледаше како дизајнерите да го претвориле женското тело во платно за сликање на кое се обвиткал импресивен спој од моќни форми и исто толку впечатливи бои.

Несомнено е дека оваа ревија и беше наменета на жената која што не се плаши да се издвои од толпата и да му се предаде на својот уникатен стил.

Ели Сааб

Раскошот, префинетите материјали и сјајот на гламурот отсекогаш биле заштитен знак на овој дизајнер. Неговите волшебни фустани кои маѓепсуваат со својата префинетост и нагласени детали и овој пат предизвикаа воздишки кај женската популација.

Либанскиот креатор си поигра со боите, па најпрвин нè стопи со нежно сините и бели креации, за потоа целосно да нè собори со страста на црвената и комплексниот занес на црната и темно виолетовата боја.

Кога станува збор за Сааб, облеката е нешто повеќе од обични комбинации на материјали и бои. Таа е бајковита фантазија која во неговите раце станува совршена реалност.

Најновите креации на Марчеза