Социјализам или капитализам?

Фикс,

Жената која ја споменуваш пред 10тина години имала 40тина години, а не 50. Се разбира ако е родена 1960.

Тој што вели дека имало се во социјализмот малку претерува. Веројатно имало доволно да продавницте бидат релативно полни и да не се чекаат редови како во источно европските земји. Со исклучок кога снемувало, масло, кафе, млеко, бензин, струја.... Ако снемало во продавницте, незначи дека домашните/куќните магацини не биле полни. За она што било “насушна“ потреба, луѓето си тркнувале на шопинг до Солун, Трст...

Никој не вели дека во тоа време немало сиромашни, меѓутоа разликата меѓу хигиенскиот техничар и генералниот директор по донос на нивните примања била 1:7, ајде еве нека била и 1:10 со деневниците од службените патувања. Црвената буржоазија ги регулирала тие односи, административно, повеќе идеолошки отколку економски. Во секој случај немало екстреми. Креативните луѓе и во такви услови покажувале резултати, додека медиокритетите, кои за жал секогш ќе бидат во поголем број, се тие кои ќе речат, зошто да вложувам екстра напор или превземам одговорност, кога не ме плаќаат доволно.

Парите се мотивирачки фактор до одредена граница. Ако не ти пее пилето за професијата која ја работиш, тогаш сите пари на светов нема да те направат нешто подруго од анален отвор, чмар!

Туку колкава е разликата денес меѓу некој општ работник и некое ЦЕО? Колкав е процентот на тие отепаните, да неречам експлоатираните? Како може тоа Македонец на Македонец да му го прави? Па нели се сите Македонци и се борат за својата татковина Македонија, некој со посен грав, а некој со бифтек. Таквите луѓе неможат да имаат ист интерес, нивните интереси се дијаметрално спротвиставени. Доколку јазот се продлабочува тие можат само да станат непријатели, ма колку тие биле припадници на иста нација.

Изменето од Platenik - 10.Мај.2011 во 13:28

Дали недостатокот на храна во првите 5 години по војната се должи на воспоставувањето на социјализмот? Или можеби е тоа резултат од разорената, и онака скромна, инфраструктура? Можеби заради тоа што во тоа време требело да се фомираат институциите на државата, регулираат правно-имотните односи, организра стопанството, образованието, здравството, се воспостави законодавството?! Знам едно, никој неумрел од глад, а потоа само тргнало по нагорна линија.

Исто така е неспорно дека ФНРЈ покрај комерцијални кредити, добивала и неповратни средства како благодарност, прво ради борбата против фашизмот, а второ што му го свртила грбот на рускиот реален социјализам.

Проблемите кои ќе настанат подоцна се должат на прекумерна фокусираност на идеолошките парадигми, притоа запоставувајќи ги економските, комерцијалните чинители.
Непокажувањето на флексибилност, на пример како што покажува Кина, а згора и политчките трендови ширум светот ќе допринесат да самоуправниот социјализам колабира и во СФРЈ.

Самиот колапс не покажува дека системот не функционирал или неможел да опстане, туку напротив колапсот само го потврдува недостатокот на политчка волја да истиот се модифицира, реорганизра. Со транзицијата назад кон капитализмот, кој теоретски стои на понизок степен на развиток на општествените системи кои ги познава човештвото, практично ние исчекоривме назад. Сведоци сме на резултатите од транзицијата. Всушност ние се вративме назад на почетокот на капиталисточкото општество при што требаше прво да се направи првобитна акумулација на капитал. Се што вредеше и се создавало со генерации се распродаде или беше оставено да пропадне.

Што се оденсува до кредитите и неповратните фондови, јас би те запрашал дали има нешто лошо во тоа? Па на сите ние познато дека некогаш богатите, заради постигнување на своите политчки цели, нештедат средства? Се е политка, интерес, за алтруизам неможе да стане збор, нели?

Колку што знам Грција е капиталистичка држава, а ако таа нема добиено кредити и неповратна финансиска помош, тогаш незнам кој друг има добиено. Грција, капиталистичка, западно демократска држава, а види од друга страна пред банкрот! Заради неуспехот на Грција сега ќе го обвинуваме капитализмот, како општествено уредување?!

Колку што мене ми е познато ЕЗ се раскости од давање грантови, па нешто непроцветаа демократските општества како Исланд, Португалија, Шпанија, Ирска.... и поновите демократски општества од Балтикот.

За Словенија си донекаде во право, ама само кога ќе ја споредуваш со другите екс Ју држави. Меѓудругото нејзиниот надворешен долг ја надмина бројката од 30 милијарди долари. Пред извесно време постирав еден меморандум, повик до словенската јавност, кој ми беше испратен од еден мој словенечки пријател. Тој пост беше одлична индикација како се чувствува словенечкиот народ околу политчките кланови, непотизмот, рафрлањето на народните пари.... Стравично беше што речникот кој го користеа ни е и нам толку близок, би рекол идентичен. Се разбира ниту еден челн на форумов не најде за сходно да даде коментар. Незнам, можеби заради тоа што тесктот беше на словенечки, па неверувам дека многу го разбрале.

Музиката која ја приложив беше само мал пример. Можам да исчепкам многу други работи, од културата, економијата, уметноста, спортот, научните достигнувања... Не би било лошо ако можеме да ги споредиме тогашните достигнувања со оние од пост социјалистичкиот период. Мислам дека во многу сегменти, и не само ние во Македонија, се имаме уназадено. Многу нешта и многу луѓе биле пред своето време, а богами и пред времето на некои луѓе кои им припаѓаат и на денешниве генерации.

Добро е што живееме во техолошки понапредни општества, па ни стојат на дофат на рака аудио-видео записи кои биле направени пред 30-40-50 години. Мислам дека сме доволно паметни да можеме да разликуваме што е нешто направено од срце, а што пропаганда.

Изменето од Platenik - 09.Мај.2011 во 07:23

Познавајќи го менталниот склоп, историските прилики, располживите ресурси, људски, интелектуални, материјални и финансиски на луѓето кои живееле и живеат на просторот од Вардара па до Трглава и од Черното море до Јадрана, па и пошироко, североисточно, социјализмот бил нешто најдоброто што можело да им се случи на тие народи.

Како аграрни земји, без основна инфрастурк*ра, без образована работна сила и без капитал тие тешко би можеле да се носат со поразвиените капиталистички земји. Капитализмот подразбира конк*ренција, па богами и уништување на оние кои се осмелиле да му одземат дел од пазарот на оние кои веќе биле етаблирани.

Социјализмот ќе и обезбеди на таа боранија од земји да се образува, електрифицира, индустријализра, односно отвори нови перспективи за вработување и тоа надвор од земјоделскиот и сточарскиот сектор. Се појавуваат нови категории на професии и се докажува дека нетреба 97% од населението да работи на земја за да се прехрани. Доволни се 10% од чиј труд ќе се прехранат сите, а другите ќе се бават со други повозвишени работи. Индустриски гранки и општествени корисни дејности чиј примарен фокус ќе им биде додадената вредност.

Концентрирајќи се само на СФРЈ, во тоа време се произведувало од игла до локомотива (фигуративно кажано), а сега на тој простор се увезува од игла до локомотива. Индустријата наместо да се реформира и модернизира истата се уништи. Сега големите мудри глави и “демократски“ ориентирани лидери ќе зборуваат за компаративните предности на македонскот стопанство, укажувајќи дека ние неможеме да бидеме индустриски конк*рентни (треба многу капитал и знаење), па затоа треба да се посветиме на она што ни лежи,производство на здрава, еколошка храна. Назад в село, иако се чини дека од село никогаш не сме ни излегле.

Промената на политчкото уредување не ги донесе очекуваните резултати. Едноумието беше кочничар во развојот, но плурализмот практично го покажа правото лице на рудиментниот капитализам каде во недостаток на капитал и прилики, човек на човека му станува волк. Во вакви услови сведоци сме на спротивставени клики и кланови, наречени демократски политички партии, кои ќе водат битка во името на народот и интересот на нивното непосредно опкружување.

Во ваква консталација, без стратегија, без капитал, без вистинкси прилики за заработка регионот нема иднина. Стапката на невработеност секогаш ќе биде висока, а можноста за заработување мала. Тука некаде 100-200 евра месечно. Се сметаше дека со промена на системот и интензивирање на економските активности, ако ништо друго барем, јазот меѓу развиените капиталистички и земјите од едноумието ќе се намали. Грешка, јазот се зголеми.
Просечните 400 герамански марки во номинален износ се еквивалентни со денешните 200 евра. Што тоа значи во реален износ ќе дознаете кога ќе ги споредите цените од 80-тите со денешниве. Убеден сум дека стандардот е барем двојно полош.

Кога менуваш нешто, менувај за да ти биде подобро, а не полошо!

Колачот во социјализмот се делел, па затоа стапката на невработеност била пониска. Организациите наместо да вработуваат онолку колку навистина било потребно, ним им било наметнато да ја решаваат социјалата. Со преструктуирањето на државното уредување, технолошкиот вишок се отпушти и невработеноста ги достигна фанастичните 30+%. Норамлно е да се очекува дека со намалената работна сила, организациите ќе постанат, по профитабилни, поконк*рентни или на оние кои останле во работен однос ќе им припадне поголем дел од колачот.
Ниту организациите станаа по профитабилни, поконк*рентни, ниту пак вработените се офајдија. Колачот стануваше се помал, а вработените се пресреќни ако редовно си ги зимаат своите 200 евра, а баластот си остана баласт.

По прашање на долговите, кога последениот пат проверив колкав е екстерниот долг на Македонија истиот изнесуваше 5,5 милијарди долари, додека вкупниот долг на екс Ју државите беше 7 пати поголем од долгот кога заедничката држава се распадна. Долгот на Македонија пак е 6то кратно зголемен. Некој ќе рече иста мета исто растојание. Е не е баш така, 5% на 900 милиони е 45милиона, додека 5% на 5,5 милијарди се 275 милиона, само интерес. Кога ќе зе земе дека идсутриското прозиводство, а и извозот не го пратат финансиски бум или види каде се потрошени парите тогаш е повеќе од јасно дека состојбата е уште подраматична.

Наместо заклучок би го цитирал Пепи Бафтировски.... што сум сторил јас, што сум изгубил, еј животе кад сум те потрошил.....

ПС. Труманови јајца јаделе (како благодарност за политичката соодветност во борбата против тероризмот, однсоно фашизмот), купувале алишта на купони и пееле: идемо, радимо нову пругу градимо....

ППС. Покрај пионерските прослави и црвените марами и индоктринации се создавало и нешто вакво или вакво
и многу дрги работи.... рековме од игла до локомотива.



Изменето од Platenik - 08.Мај.2011 во 12:01

кратко кажано, капитализмот е мала демократска адаптација на феудализмот 

а инаку сето она што се зема како факт за социјализмот, мислам дека не држи вода, иако не можам да се противам на тоа што го кажуваш, бидејќи според реалната историја на светот е вистина, сепак сметам дека социјализмот бил изводлив и имал свои шанси кои се пропуштени поради луѓето кои го воделе и кои живееле во него

а инаку за основите на капитализмот и социјализмот нема дискусија, ете, јас си дозволив да заборавам на тоа, сепак има разлика помеѓу општествена и идеолошка основа

Vlad Tepesh напиша: SOCIJALIZAM/ cela SFRJ beshe dolzhna 2 milijardi dolari i dolgot se namaluvashe. KAPITALIZAM/ denes samo MKD e dolzhan povece od 20 milijardi dolari i dolgot raste.

Грешка! Долгот на СФРЈ беше 20 милијарди долари, а на Македонија денес е одвај 2 милијарди. А и не заборавај дека СФРЈ добиваше милостина од Западот во вид на нискокаматни и неповратни средства. Ако и СФРЈ земаше кредити како и сите останати држави, стандардот ќе и беше како и на секоја источноевропска социјалистичка држава. Ако не беа кредитите од Западот, особено во времето на проблемите со Сталин, Југославија ќе останеше разрушена и сиромашна аграрна земја. Знаеш ли дека по раздружувањето со Сталин во Југославија имало глад? Си слушнал за Труманови јајца? И токму тогаш, Југославија го победува гладот? Сама? Секако дека не. Со помош на САД и другите земји кои сакаа Југославија да остане во сферата на нивно влијание, што и се случи секако. Социјализмот не е само она што се случувало последните дваесет години, туку од ослободувањето. Полициските часови, затворањата, кодошењата на невини луѓе, стравот, разно-разните чистки, сето тоа е дел од минатиот систем.

Vlad Tepesh напиша: izvoz SOCIJALIZAM/ izvos neosporen i neogranichen vo celiot svt!!! KAPITALIZAM/ zvoz ??? kade ?

Извозот беше со пари од западот. Таков "извоз" секој може да има.

Vlad Tepesh напиша: razvoj poglednete sliki od pred socijalimor pa poglednete posle, idenes se slushime so patishtata i prugite izgradeni vo socijalizmot .

И Северна Кореја има огромни патишта, ама народот живее ужасно.

Vlad Tepesh напиша: standard SOCIJALIZAM/ sekoj gradeshe, kupuvashe , vozeshe, letuvashe se smeeshe site bea so osmeh na liceto. KAPITALIZAM/ sekoj ema krediti nikoj nishto ne gradi,pushten e uvoz na stranski vozila se kupuvaat vozila samo za taxi, Koce napravil plazha na kejot na vardar pravi ushte 2. bez da se opijani nikoj ne se smee go nema osmehot na licata.

Да, секој градеше со кредити, кои подоцна, со инфлацијата вредеа колку една кутија цигари. Луѓе со 2 плати успеваа да купат станови. А за смеењето, тоа е карактеристика на подоцнежните години. Во педесеттите години никој не се смеел, особено не кога навечер ќе му тропнеле на вратата.
Никој не смеел ниту да помисли на некои нешта, а не пак да бил среќен. Живееле во страв, со страв легнувале- со страв станувале. Меѓу себе се плашеле да говорат, особено за политички прашања.

Vlad Tepesh напиша: sport i rekreacija SOCIJALIZAM/ sport na vetsko nivo, site svetski prvenstva vo sekakva disciplina se uchestvuvashe, muzika imashe dobar rock KAPITALIZAM/ ne mozheme da se plasirame ni vo svetsko prvenstvo za fudbal a kamo li ponebitni sportovi!!! muzika za nikade shund, shund , shund do shund!!! sport i rekreacija

A зошто не ја споредиш тогаш Југославија со некоја капиталистика земја, а не со Македонија? Десетпати посиромашна од западните држави, земја зависна од странска помош и кредити, политички зависна од добрата волја на Западот? Или ти мислиш дека ако сакал, Сталин не можел да ја прегази Југославија за една недела? Во тоа време имал армија поголема од 10 милиони, додека Југославија не. Тоа било повеќе од половина од населението на Југославија. Оставете ги приказните кои ви ги говореа. На РТС деновиве почнаа да поставуваат снимки од разни состаноци на раководството на Југославија. Тито интересни работи кажува таму, ако можеш гледај. Особено за САД и односите со САД.

А дека сета уметност била убава не ти верувам. Што е убаво-социјалистичките паради?! Или пионерствата и сличните нешта? Да не говориме дека и уметноста е прашање на вкус, а за вкусот не се коментира. И не секогаш е поврзана со општественото уредување. Ако јас некогаш го слушам Моцарт, не значи дека сум феудалец.



Изменето од Македон - 08.Мај.2011 во 00:12

сакаш да кажеш дека сам по себе се створил капитализмот?
тешко е да поверуваш дека и двата система се на ист начин започнати, само едниот е постар

ако причините за поддржување на еден од овие системи ви се како оние на Vlad Tepesh тогаш одбирам само да и се смеам на темава...

како прво пола од набројаните причини немаат врска со системите и се сосема самостојни, такво нешто како фудбал, автомобили, патувања, развој на државата

и знам дека за тоа е темава, но да се споредува Југославија со самостојна Македонија како социјализам против капитализам е смешно, денес не живееме во капитализам, живеме во напатено општество, измешано безредие блиско на анархијата, мешавина од излитени фрагменти од минатиот систем, и мали делчиња од идниот, кои никогаш не се докажале, што уште повеќе не тера кон безредие... споредбите, се нереални

ако ги гледаме сите светски комунистички и капиталистички држави, и во двата система има луѓе кои трпат агонија и луѓе кои уживале во слобода, избор и богатство