Агресивен влез на турбофолкот во Македонија

   Почитувани форумџии, треба да се расчистат некои работи: треба да се направи разлика помеѓу:

изворна народна музика (со векови стара, традиционална, од народот (поточно анонимни автори) создадена. (Турците на пр. таквата нивна музика ја нарекуваат „класична турска музика“).

Во оваа музика, значи во народното творештво, има преубави песни, преубави мелодии, феноменални ритмови. Тука спаѓаат „Калеш бре Анѓо“, „Зајди, зајди“, „Море сокол пие“, „Черешна се од корен корнеше“, „Кажи ми Катинке“, „Со маки сум се родил“ и уште милиони такви прекрасни македонски песни. Традиционалното македонско музичко творештво е едно од најбогатите и најубавите воопшто. Плус ако тука се додадат нашите игри, ора. Друг ансамбл како „Танец“ на балканот нема. 
Нашето изворно народно творештво е нешто мнгоу посебно, е неисцрпно богатство со кое можеме само да се фалиме и гордееме.

Новокомпонирана народна музика е музика која е компонирана од композитор, денес, односно во последниве неколку децении во стилот на народната традиција. И тука има квалитетни песни, како што е „Македонско девојче“, „Ако умрам и загинам“ итн. 

Во одредувањето на квалитетот на едно вредно нешто (Пр. уметничко дело: слика, песна, скулптура), најдобар судија и филтер е времето. Старите песни го минале тој филтер. Она што останало е квалитетно. За она што денеска се компонира, допрва следи таков „временски филтер“, така да има песни од секаков квалитет (и неквалитет).

Е сега, во таа новокомпонирана музика се имаат развиено разни под-правци: турбофолк, дискофолк, технофолк, па дури и сега има ПОПфолк. 
Овие сите „фолкови“ спаѓаат во ШУНД, или ТРЕШ, или ѓубре, во кич од најдолен вид, нешто слично како љубовни викенд романи или гоблени од типот “Коњи на поило“. Невкус од најсилен вид. Тоа се едноставни, банални песни-мелодии со уште побанални текстови: пр. „моја мала нема предњи зуби, кад је љубим језиком ме уби“  или „ти си мое злато, ти си мое сребро, ако фатиш друг ќе ти скршам ребро“. итн.

Така да, немојте ве молам „Море сокол пие“ и Александар Сариевски или Васка Илиева да го споредувате со „39 са два“ на Цеца - Арканоица. Тоа е грев кон бесценетото македонско музичко творештво. 

Да, сите тие „фолкови“ се појавија во Србија во 90тите и се раширија по околните земји. И во МК и во Бугарија, Хрватска итн. Но, порано тоа беше по разни биртии со разни полуголи обли певаљки, додека денеска тоа е раширено по сите „шема“ кафичи и дискотеки кадешто излегуваат млади луѓе. Трагедија е да гледаш како млад свет кој треба да е прогресивен, се пали на “Сузама лепим тапете откако си ми узела дете“ и не се срами од тоа. Напротив, убаво им е. Млади девојки, кои се однесуваат како тетки од најселски вид. 
Е тоа е голем пад. ... ... и државата ако сака, може тоа да го смени.

Изменето од chuchuliga - 29.Октомври.2009 во 22:13

Внеси реплика	страница <1 4 567 >
Tweet