Марихуана, да или не?

Младите луѓе кои пушат марихуана шест или повеќе години се соочуваат со двојно поголем ризик од психотично однесување, халуцинации и заведување, од колку оние кои никогаш не ја користеле оваа дрога, предупредува експертот на австралискиот Институт за мозок на Квинсленд, Џон Мекграт.

Мекграт и неговите соработници го испитувале влијанието на марихуаната врз група од 3.801 испитаник, родени во периодот меѓу 1981 и 1984 година, кои на почетокот на истражувањето имале најмалку 21 година.

Во текот на истражувањето, 18 проценти од испитаниците изјавиле дека консумирале марихуана три години, 16 проценти - четири или пет години, а 14 отсто рекле дека марихуана пушеле шест или повеќе години.

Научниците утврдиле дека припадниците на последната група, односно оние кои користеле марихуана шест или повеќе години, биле двојно повеќе изложени на ризик од заболување од т.н. „неефективни психози“, како што е шизофренијата, од колку оние испитаници кои никогаш не ја консумирале оваа дрога.

Освен тоа, истражувањето покажало дека оние кои најдолго користеле марихуана биле дури за четирипати повеќе изложени на различни самозалажувања.

Според Мекгарт, особено опасна за психичкото здравје на младите е варијантата на марихуаната позната под името „сканк“.

Едно британско истражување, објавено минатата година, покажа дека лицата кои употребуваат „сканк“ се соочени со дури за седумпати поголем ризик од заболување на шизофренија од оние кои консумираат хашиш, кој претставува дериват на смолата на марихуаната.

„Сканкот“ содржи поголеми количества на психоактивната супстанца ТХЦ, која предизвикува халуцинации, лажни претстави и параноја.

Наспроти законите кои забрануваат употреба на марихуана во повеќето земји, според проценките на ОН, ширум светот оваа дрога ја консумираат околу 190 милиони лица.

Една меѓународна експертска група за борба против дрогата неодамна објави книга во која се оценува дека законите за забрана на марихуаната не придонеле за намалување на нејзината употреба, туку само за зголемување на бојот на уапсени лица за користење на оваа дрога, што предизвикува дополнителни социјални проблеми и непотребни трошоци за државите.