ПОВИК КОН ПОКАЈАНИЕ

 Maran Ata напиша:

Св. Јован Лествичник 

Покаjaнието е обновување на крштението. 
Покаjaнието е завет со Бога за изправување на својот живот. 
Оној кој што се кае е купувач на смирение. 
Покаjaнието е постојано отфрлување на телесната утеха. 
Покаjaнието е мисла на самоосудување и грижа за себе си, слоободна од надворешни грижи. 
Покаjaнието е ќерка на надежта и одрекување од очајот. 
Оној, кој се кае, е затворник со надеж за помилување. 
Покаjaнието е примирување со Бога преку извршувањето на добри дела, спротивни на гревовите. 
Покаjaнието е очистување на совеста. 
Покаjaнието е доброволно трпение на сите скрби. 
Оној кој се кае сам си наложува казни. 
Покаjaнието е силно стеснување на стомакот, длабоко наранување на душата. (Лествица 5:1). 

"Излезете (Ис. 49:9) и оние, кои што се во адот на покајанието, ќе чујат ли: вие сте простени? Нашите воздувнувања стигнаа ли до ушите Твои, Господи?" 
Не се ужаснувај ако и секој ден паѓаш и не отстапувај од Божјиот пат, туку станувај мажествено; и, без сомневање, Ангелот, кој што те пази, ќе го има во предвид твоето трпение. Кога раната е сеуште нова и лута, тогаш е удобно да се лекува; но застарените и изоставени рани тешко се лекуваат; зашто за лекувањето тие бараат многу повеќе труд, режење и обгорувања. Многу рани стануваат неизлечиви поради задоцнување; но за Бога се е возможно (Мат. 19:26). (Лествица 5:30). 

Пред нашето паѓање, бесовите ни Го представуваат Бога како човекољбив, а след паѓањето – жесток. (Лествица 5:31). 

Според Ориген сите луѓе, дури и најнечестивите и бесовите, кои претрпеле големи маки во огнената геена, на крај ќе се очистат и ќе бидат помилувани. Поради тоа Св. Јован Лествичник предупредува: "Сите, а особено паднатите, треба да се пазат да не ги допуштат во срцето невистините на безбожниот Ориген; зашто неговото скверно учење, кажувајќи ни за Божјето човекољубие, е мошне пријатно за сластољубивите луѓе" (Лествица 5:41). 

"Но јас Ти го открив својот грев и не го скрив своето безаконие; јас реков: "ќе ги изповедам на Господа моите престапленија", та да може со право и заслужено да биде приложено кон нив и следното после ова: "И Ти ја симна од мене вината на мојот грев" (Псал. 31:5). 

"Нека се потрудиме да се научиме да ги познаваме Божјите вистини најмногу со пот, а не со просто слово; зашто не зборовите, туку делата треба да ги покажеме при излегувањето од овој живот" (Лествица, стп. 26:31). 

Внеси реплика	страница <1 4 567 8 10 >
Tweet