Србија – Турција прва полуфинална двојка

Во Литванија ќе играат 24 наместо 16 репрезентации

По само една недела од завршувањето на квалификациите за Европското првенство што 2011 година ќе се игра во Литванија, ФИБА Европа одлучи да го прошири бројот на репрезентациии кои ќе учествуваат од 16 на 24 земји. Извршиот одбор на ФИБА Евроба на состанокот во Истанбул го одобри предлогот на Кошаркарската федерација на Литванија, Евробаскетот во 2011 година да се игра со 24 земји. Проширувањето требаше да се случи за ЕП 2013, но европската кошаркарска куќа одлучи тоа да го стори за идната година.
Според гласините, зад овој предлог стоело италијанското лоби зашто неговата земја втора година по ред не успеа да се квалификува за ЕП, а со ова ќе ги избегнат и дополнителните квалификации за идната година.
Сега се чекаат реакциите на нашата репрезентација која директно се пласираше на ЕП заедно со Црна Гора, Белгија, Израел и Велика Британија. Овие пет земји потрошија многу пари за 40-дневни подготовки и играње на осум меча за помалку од еден месец, а сега излегува дека не морале да играат ова лето.

По убедливата победа од 75:56 над Велика Британија синоќа во Скопје, кошаркарската репрезентација на Македонија е многу блиску до пласман на Европското првенство што идната година ќе се одржи во Литванија.

Предводени од Лестер Бо Меккејлеб и бодрени од 8.000 гледачи во салата „Борис Трајковски“ избраниците на Марин Докузовски во целост му се реваншираа на противникот за поразот во Њукасл. Гостите само во воведните минути од натпреварот имаа позитива, а потоа Македонија имаше целосна контрола над резултатот кој на пет минути до крајот изнесуваше највисоки 29 поени разлика, односно 69:40.

Од високата победа беше изненаден и македонскиот селектор Марин Докузовски.

- Навистина не очекував дека ќе извојуваме толку висока победа. По малку стравував од исходот, но мора да истакнам дека вечерва го одигравме најдобриот натпревар во овие квалификации, односно одигравме најдобро досега во одбраната. Ако некој ја погледне статистиката ќе види дека Војдан Стојановски не постигнал кош, но тој одигра одлично во оддбрана го запре Луол Денг. Во второто полувреме го одигравме тоа што го посакувавме. Тие внимаваа на Антиќ, кој се извлече надвор од рекетот и со него го повлече Менсах – Бонсу, што пак остави простор за другите наши играчи кои тоа го искористија, изјави Докузовски на прес-конференцијата по натпреварот.

Меккејлеб со 20 постигнати поени беше најдобриот играч на натпреварот. Во македонската репрезентација двоцифрен број поени имаа уште и Самарџиски 12, Гечевски 11 и Мираковски 10. Кај гостите Менсах-Бонсу даде 17 поени, а Денг 14.

Последниот натпревар во овој квалификациски циклус Македонија го игра в недела против Босна и Херцеговина. Во зависност од резултатите во другите две групи може да се случи веќе в четврток по одигрувањето на претпоследното коло ( Македонија е слободна) избраниците на Докузовски да го обезбедат местото во Литванија. Пласман на евро-шампионатот обезбедуваат трите прволасирани и најдобрите две второпласирани репрезентации од групите.

Во вториот синоќешен натпревар од групата „Б“ Босна и Херцеговина на свој терен ја победи Унгарија со 73:64.

Табела: Македонија 12 бодови, Велика Британија 11, Унгарија 9, Босна и Херцеговина 8 и Украина 8.

Во рамките на групата „А“ две победи за гостинските репрезентации. Финска - Италија 83:85 и Летонија - Израел 56:92. Слободна беше Црна Гора.

Табела: Црна Гора 11 бодови, Италија 11, Израел 10, Летонија 9 и Финска 7.

Два натпревари се играа и во „Ц“ групата. Полска - Бугарија 75:71 и Белгија - Португалија 68:63. Слободна беше Грузија.

Табела: Белгија 11 бодови, Полска 11, Бугарија 9, Грузија 9 и Португалија 8.