САД ГО ВООРУЖУВА КОСОВО

Белград, 20 март (МИА) - Српскиот премиер Воислав Коштуница изјави дека одлуката на Џорџ Буш да го вооружи Косово е нов „длабоко погрешен чекор на САД по незаконското признавање на едностраната независност“.

„На Косово веќе има премногу оружје и наместо дополнително да ги вооружуваат Албанците, би било потребно Америка да се врати кон почитување на меѓународното право и Повелбата на ОН. Не треба за Косово ново оружје туку нови преговори“, изјави Коштуница за Вечење новости за издание што ќе биде објавено утре.

Тој додава дека одлуката за снабдување со американско оружје само потврдува дека се работи за опасен план.

„Затоа оваа одлука на американскиот претседател предизвикува голема загриженост и може да претставува само ново продлабочување на проблемите кои се предизвикани од кршењето на Резолуцијата 1244 и одобрувањето на Вашингтон во Приштина противправно да се прогласи еднострана независност“, вели Коштуница.

Тој вели дека американските власти „мораатд а знаат дека српскиот народ со огорченост гледа и ја памети политиката на сила која САД ја псроведуваат над Србија“.

 Американскиот претседател Џорџ Буш одобри воена помош за Косово како знак за воспоставување на односите по признавањето на независноста, соопшти Белата куќа.

Во меморандумот на Белата куќа претседателот Буш наведува дека Косово откако стекна независност, може да добие одбранбен материјал во согласност со американските прописи. Според меморандумот во однос на американската воена помош за Косово ќе се применуваат и ограничувањата, предвидени со планот на Ахтисари.

Во меморандумот Буш потенцира дека доставувањето на оружје и нудењето на воени услуги за Косово ќе ја зголеми безбедноста на САД и ќе придонесе за меѓународниот мир.

П.С. Доколку ваква тема веќе постои, молам да се избрише.